LA CONFESSION D HENRIET

Sçavoir ledit Henriet qu'il avoit esté serviteur et chambellant dudit Sire de Rays, et que quand ledit Sire de la Suze prit le Château et forteresse de Chantossé, ledit Henriet avoit ôuy dire à Messire Charles de Lecœut qu'on avoit trouvé des Enfans morts au bas d'une Tour dudit Château, et avoit demandé audit Henriet s'il n'en sçavait rien, qu'il luy avoit dit que non, et qu'alors il ne sçavoit pas, mais dit que quand le Sire de Rays eût recouvré la place de Chantossé, et 3^ fut allé pour la donner au DucNostre Souverain Seigneur, ledit Sire luy avoit fait faire serment de ne recoler ses secrets qu'il luy vouloit montrer, après lequel serment ainsy fait, commanda auxdits Henriet et Poitou, et à un nommé Petit Robin qui est décédé, d'aller à cette Tour où estoient morts lesdits Enfans, et les prendre, les mettre dans un coffre pour estre menés à Machecoul, et qu'en ladite Tour il avoit trouvé trente six têtes qui furent mises en trois Coffres bien liez avec des cordes, et menés par eau audit lieu de Machecoul, où ils furent mis, et non au lieu de Chantossé, parceque ledit Sire de Rays n'y fut qu'un jour ou deux depuis qu'ils avoient recouvré ladite Place dudit sire de la Suze son frère pour en donner la possession à Mondit Seigneur le Duc auquel ledit Sire en avoit fait transport; et de là ledit Sire de Rays s'en alla à Machecoul où lesdits Enfants estoient comme tout pourris, parce qu'ils avoient esté mis à mort auparavant que ledit sieur de La Suze prit ladite Place, et que ledit Henriet,