LE COMMENCEMENT DU PROCÈS CONTRE LE SIRE DE RAYS

Ensuit le procès fait devant noble et sage homme Pierre de l'Hospital, Président de Bretagne, et Commis du Duc Nostre Souverain Seigneur, et autres Gens du Conseil de mondit Seigneur, et Commis de luy, à rencontre de Gilles de Rays, et aucuns de ses gens et serviteurs cy dessous nommés, à la complainte lamenteuse de Jean Javret et sa femme, Macée, Degrepie, Jean Hubert et sa femme, Jeanne Decerpié, Regnault Donette, Jeanne femme de Guibelet, Du Liet, Agaice femme de Denis Le Mion, Perrine femme de Jean Darel, la femme de Perrot Couperie, Thiphanie femme d'Eonnet le Charpentier, Jean Magnet, Perrine Decerpié, Jean Rouillé, demeurans es villages et fauxbourgs de Nantes, et en plusieurs autres du Diocèse de Nantes, et ailleurs, disent avoir perdus de leurs enfans, et présumés que ledit Sire et ses gens les avoient pris, fait prendre, et mis à mort, et que de ce ledit Sire et ses gens estoient soubçonnés.

Sur quoy, à laditte Complainte, Enquête et Information avoient esté faites de l'autorité de Mondit Seigneur le Duc, et de Monsieur le Président dessus dit, et autres Commis de par Nostre dit Souverain Seigneur, desquels la teneur cy devant est contenue; suppliant dolentement lesdits complaignans, avec grandes pleurs et clameurs, de ce raison et

l66 LE PROCÈS INQUISITORIAL DE GILLES DE RAIS

justice leur estre faite selon l'exigence des cas, et parce que, par les dites enquêtes ledit Gilles de Rays avoit été trouvé coupable, et chargé de la mort de ces petits enfans et de plusieurs autres; avoit été donné commandement à Jean Labbé, es autres sujets de Nostre Souverain Seigneur, en cas qu'ils pourroient trouver ledit Gilles de Rays, qu'il le prissent au corps, pour occasion de quoy Gilles de Rays avoit esté pris au Pays de Bretagne, au mois de septembre, par Jean Labbé et autres sujets de mondit Seigneur, et amené auparavant ce jour à Nantes es prisons de mondit Seigneur, et vers ledit Gilles de Rais étant en jugement devant les Commissaires de la part du procureur de Nantes par son Lieutenant, en procédant de son office, fut dit et proposé, combien que du commandement de Dieu et de la Loy, il soit deffendu de n'estre homicide de son présent et semblable, ainsy est commandé l'aymer comme soy même. Cependant ledit Sire avoit pris et fait prendre plusieurs petits Enfans, non pas seulement dix, ny vingt, mais à trente, quarante, cinquante, soixante, cents, deux cents, et plus, en sorte qu'on ne pourroit faire au juste la déclaration du nombre; avoit eu habitation d'eux, et y prenoit plaisir contre nature, et commettant le détestable péché de Sodome, et à tous bons bons Catholiques abominable et en horreur, et non content de ce, les meurtrissoit et faisoit meurtrir et occir inhumainement et mis à mort, après avoir fait brûler leurs corps et convertir en cendre, et perseveroit dans ce mal ledit Sire, combien que toute puissance vienne de Dieu, et que chacun sujet doit estre obéissant à son

Prince qui de la puissance de Dieu est ordonné, et qu'il fut vassal et sujet de Nostre dit Souverain Seigneur, et luy eut fait le serment de fidélité, ainsi que ses autres Barrons ; Parquoy entre autres choses ne luy fut licite, de propre autorité, faire entreprise par voy de fait au pays de Mondit Seigneur sans son congé et licence ; nonobstant, ledit Sire, au déçu et outre la volonté de mondit Seigneur, avoit fait assembler des Gens, et pris en mauvaise manière et à port d'armes, Jean le Feron, sujet de mondit Seigneur, qui estoit Garde de la Place et forteresse de S'-Estienne de Malmort, au nom de Geoffroy le Feron, son frère, auquel ledit Sire auparavant avoit vendu la place et Seigneurie d'icelle par transport, et luy en avoit donné la possession, avoit mené et fait mener ledit Jean Feron devant ladite Place, et devant icelle luy faire couper la teste, ce qui obligea ledit Jean Feron à la luy rendre, laquelle ledit Sire avoit tenue et gardée pendant un certain temps, quoy qu'il luy eût esté fait commandement de par mondit Seigneur et de sa Justice de vuider les lieux et ladite Place, et la rendre audit Le Feron, avec les biens qu'il y avoit pris, à peine de cinquante mil Ecus d'or, à estre appliqués à Mondit Seigneur, en cas de désobéissance, de refus ou delay audit Sire de ce faire. A quoy il n'avoit aucunement obey, mais avoit pris, et fait emprisonner lesdits Le Feron et Guillaume Mauteris, receveur du foûage de mondit Seigneur, et qui estoient en sa compagnie, et les mener à Tiffauges, hors de ce Duché, où ils ont esté longtemps détenus, et depuis cette Prison, ledit Le Feron avoit mis et fait mettre à Jean Rousseau sergent gênerai

l68 LE PROCÈS INQUISITORIAL DE GILLES DE RAIS

de mondit Seigneur, lui avoit osté sa Dague, et fait d'autres excès, et depuis fait battre autres sergens de mondit Seigneur, en hayne, à Machecoul, à cause du mépris des injonctions qu'il lui faisoit à ladite peine de cinquante mil Ecus de reparer lesdits Excès, quoy que les biens, et possessions des cy dessus nommés fussent en la sauvegarde de Mondit Seigneur, et enfreignant icelle, et son serment de fidélité, en se remontrant audit Sire rebelle et désobéissant à mondit Seigneur et à sa Justice, faisant ledit Procureur des Conclusions à l'encontre dudit Sire au regard du Procureur.

Veu les dittes Enquêtes, et la charge contre luy trouvée, qu'il devoit estre condamné à souffrir punition corporelle à l'égard de Justice, et au par dessus que les biens et terres qu'il tenoit de mondit Seigneur Le Duc luy dévoient être confisqués, et qu'outre lesdites peines, que sur le sien elles dévoient estre exécutées.

Ledit Sire de Rays connût avoir de propre autorité assemblé pour prendre ladite Place de Sl-Estienne de Malmort, et avoir pris ledit Jean Le Feron à force pour luy brûler ladite Place, qu'il la luy céda crainte qu'il ne luy fît couper la tête devant ladite Place, laquelle depuis il avoit gardée jusqu'à ce que mondit Seigneur le Duc, avec Gens de Guerre l'eût fait reprendre, et même conneût qu'il avoit fait mener ledit Jean Le Feron à Tiffauges où il avoit esté détenu jusqu'à ce que par le moyen de mondit Seigneur le Connétable il le mit en liberté, et connût qu'il luy avoit fait injonction de par Mondit Seigneur le Duc, à laditte peine de cinquante mil Ecus, de rendre lesdittes Places à Jean

Le Feron, à quoy il n'avoit aucunement obey; de quoy il estoit content de faire à la volonté et ordonnance de Mondit Seigneur le Duc, ne confessant pas avoir fait ny fait faire auxdits sergens aucuns excès. Et au par dessus desavoua les propos dudit Procureur, lequel voulût une preuve et luy en fût jugée une. Et après on demanda audit Sire s'il en vouloit croire Henriet et Poitou ses serviteurs, et qu'ils en fussent témoins, lequel dit qu'il ne vouloit soufrir à sa Maison que gens qu'il sceut de probité et que s'il en connoissoit d'autres il seroit le premier à contribuer à les faire punir, et qu'il ne consentirait pas qu'ils fussent témoins, ce qu'il fit juger de son consentement.

Et le troïzieme jour d'octobre 1440, pour la charge qui se trouva sur luy desdits cas, par délibération desdits Commis et de plusieurs sages et assistants, avocats et autres, qui estoient presens, fut jugé et déclaré, le dixneufviême jour d'octobre que ledit Gilles de Rais devoit souffrir question, et exécutant ladite sentence, fût mené ledit sire pour y estre appliqué ; il demanda terme pour s'aviser sur les choses qu'il avoit déniées, et on luy donna jusqu'au lendemain, et néantmoins on luy amena lesdits Henriet et Poitou, qu'il n'avoit pas voulu reconnoistre, s'efforçant de nier les cas dont il estoit accusé, et dirent sans torture ny question les choses qui ensuivent.