LA CONFESSION DE POICTOU

Et au regard dudit Estienne Corillaut, autrement Poictou, connût et confessa sans aucune torture les choses qui ensuivent :

Premier qu'environ dix ans après qu'il estoit venu demeurer avec ledit sire de Rays et avoit esté cinq ans son page, et qu'alors le gouvernoit Me Roger de Briqueville, Chevalier, et après les autres cinq ans fut enfant de chambre dudit sire environ deux ou trois mois, il vit en la chambre dudit Sire deux Enfans morts, et le voulut tuer ledit Sire, dont le gardèrent lesdits Messire Roger et de Sillé, après fût gardé en une chambre par ledit Mc Roger pendant quatre jours, et ce fait, luy firent faire serment de ne révéler ce qu'il avoit veu, et qu'il verra par la suitte, auparavant ce serment, ledit Sire avait eu habitation avec ledit Corillaut sur le ventre.

Item, que lesdits Messire Roger et Sillé luy commandèrent de prendre des Enfans, et les mener audit Sire, lequel et les dessus nommés luy en amenèrent plusieurs contre lesquels ledit Sire s'echauffoit, tenant son membre en sa main, et rependant nature sur leur ventre, et après leur faisoit couper la gorge, et quelquefois, comme ils languissoient, avoit habitation avec eux ; et il y a cinq ans qu'il commença à luy mener lesdits Enfans, et estre consentant au Maléfice.

Item, que depuis que ledit Sire eut recouvré Chantossé, dudit Sire de la Suze son frère, qui le tint pendant deux ans, ledit Sire alla à Chantossé, où il ne fut qu'une nuit ou deux, et dit à Poitou et Henriet, Petit Robin, et un nommé Hicque, qu'il y avoit eu longtemps des Enfans morts en une tour, qu'il falloit oster, et descendirent en bas Poitou et Robin, et les mettoient en une Poche et les tiroient; Henriet, Hicque et Sillé faisoient le guet, et y en trouvèrent quarante six qui furent mis dans des coffres et menés à Machecoul où ils furent brûlez en une tour, et qu'alors lesdits Enfans estoient secs et pourris.

Item, fut trouvé à Machecoul après le recouvrement de ladite Place qui avoit été prise par le sieur de la Suze et le Sire de Lohéat, quatre vingts Enfans morts qui semblablement furent ards audit lieu de Machecoul.

Item, que du temps du feu seigneur de la Suze, ledit Sire en tua audit lieu de Chantossé en sa chambre, ainsi que ledit Poitou ouït dire, et qu'il y a environ quatorze ans que ledit Sire commença à le faire.

Item, que quelquefois il tuoit lesdits Enfans avec un grand Branquemart par la gorge, ou les faisoit tuer par Poitou, Henriet, Gilles de Sillé, et quelquefois en baisoit la tête quand elle estoit tranchée, et en languissant avoit habitation avec eux ; quelquefois les tuoit tout seul, et auparavant en avoit habitation, leur attachoit une corde au col qu'il mettoit à un croc avec une perche en sa chambre.

Item, que quand il y avoit deux Enfans qui estoient frères, ledit Sire les faisoit prendre tous

deux, affin que l'un pour l'autre ne criassent, et après s'estre diverty avec l'un, gardoit l'autre jusqu'à ce que son apetit fut venu.

Item, qu'une fois ledit Sire prit le cœur et une main dudit Enfant, et les mit en sa chambre, par une fenestre il commanda à Poitou les garder, après ledit Sire les mit au bout de ses manches, et s'en alla en la chambre de Me François et luz porta, ne sçait ce qu'ils en firent, et estoit ledit cœur en un verre .

Item, ledit Sire, et François Prelati demeurèrent une nuit dans la chambre dudit Sire à Machecoul, et y firent contre un grand cerne avec des caractères de croix, et firent contre une paroy une manière d'armoiries semblables à une tête, et ensuitte firent sortir ce Poitou de la chambre, et aller en la salle, lesquels escouterent dans la chambre, et ouïrent sur la couverture une bête comme un chien, qui marchoit sur laditte couverture, et après leur demanda ledit Sire s'ils avoient ouy qu'il luy repondit que non.

Item, que ledit Sire l'envoya une fois avec Me François, de nuit, en un Pré près Espérance, et que ledit François fit une invocation en un cerne, où luy et ce Poitou se tinrent, et alluma ledit François une torche, et appelloit Barjon et autres noms de Diables, clequoy ce Poitou eût grand peur, et leur deffendirent lesdits Sire et François de faire le signe de la croix et dit qu'il ne vint rien, sauf une forte pluye qui fut telle qu'ils ne pouvoient s'en aller.

Item, que Papelais, Guillemin le Portier, Gillemain Le Beille et le Muet, le seigneur Gantelou, le

Prieur de Chermeré et le Marquis ne sçavoient rien de la mort desdits Enfans, et qu'un neveu dudit Prieur de Chermeré, qu'il avoit donné à un nommé Tabard pour apprendre à chanter et à escrire, fut mis à mort ainsi que lesdits autres Enfans.

Item, qu'un nommé Me Jean Anglois, et ledit Sire, furent une fois à faire invocations, et auparavant d'y aller étraignit le petit doigt audit Sire, et après en fit saillir du sang du bout du doigt avec une petite Epile, et en signa ledit Sire de sa main une lettre escrite d'encre, et après allèrent à laditte Invocation, et s'en retourna ledit Sire mouillé comme s'il fut tombé dans une rivière, et un nommé Guillaume Crevaye fut chercher ledit Me Jean, qui estoit Anglois ou Picard, et qui dit audit Sire en allant à laditte invocation qu'il ne se signât point, car autrement ils seroient tous morts, et fut en un Pré près de Machecoul, près Espérance, proche un hôtel où demeuroit une nommée La Picarde, et que ledit Invocateur après une autre fois vint blessé, tellement qu'ïl ne pouvoit parler, et que depuis s'en estre allé, il ouït dire à la Picarde qu'il ne faisoit que feindre.

Item, qu'à l'hôtel de la Suze en fut occis onze ou douze, et entre autres un jeune fils à un nommé Jauvray de Nantes.

Item, qu'au dernier voyage que ledit Sire fit à Vannes, feignant y attendre de l'argent que le Duc luy devoit, et où il séjourna deux ou trois jours, et lut en juillet dernier comme luy semble, André Buchet mena audit Sire un enfant en son logis qui y fut occis, et mis es chambres privées dudit hôtel, ou ledit Poitou fut descendu avec une corde pour

enfondrer ledit Enfant aux dits Privez, et à grande peine l'en tirèrent ledit Ilenriet et Bréchet qui luy aidèrent à ce faire.

Item, un bel Enfant qu'il emmena de la Rochebernard avec le grè de sa mère et aussy un autre bel Enfant, fils du feu Eonnet de Villebranche, la mère dudit Enfant a nom Macée, et demeure à Nantes, et qu'elle luy donna pour estre son page, et le mit en habillement; un beau jeune Enfant qui demeuroit à Bourneuf avec Guillaume Rodigot et qu'il luy prit et mena à son maître, estoit un Page de son âge ; un Page à Me François ; un Page à Prinçay ; et un fils de Georges le Barbier taillandier, demourant prés la Porte du Château de Machecoul, entre autres ; ledit Sire eut habitation avec eux, et furent occis etards, et plusieurs autres dont il ne connoissoit pas les Pères et les Mères, plusieurs desquels estoient pris en allant à l'aumône, tant à Machecoul et Tiffauges qu'autres lieux.

Touchant la Confession dudit Poictou, comme devant est contenu par articles.

c'est a sçavoir, la confession du sire de rays

Auquel jour lendemain vingtième dudit mois d'octobre, ledit Sire estant en la haute et grande salle en laquelle la Géhenne avoit esté préparée, mais en estoit loing, sans que ledit Sire la pût voir, ny appercevoir, confessa ledit Sire de Rays franchement et librement les choses cy après déclarées :

Que pour son ardeur et délectation de luxure il avoit pris et fait prendre grand nombre de jeunes

lS2 LE PROCÈS INQUISITORIAL DE GILLES DE RAIS

Enfans desquels il avoit eu habitation, en leur rendant Nature sur le ventre, après quelquefois que ces enfans avoient esté occis et mis à mort habitoit avec eux, soit par luy, Gilles de Sillé, Mre Roger de Briqueville, Henriet, Poitou, Rossigneul ou Petit Robin, en diverses manières, quelquefois par leur couper la gorge avec dagues ou couteaux, et séparer la teste d'avec le corps, en leur rompant avec bâtons ou autres choses, et quelquefois enlevoit, ou faisoit enlever des membres, les fendoit pour en voir les entrailles, et en attachoit quelquesuns, ou faisoit attacher avec une corde à une perche, ou à un croc de fer en sa chambre, pour les estrangler et faire languir, et comme il languissoient avoit habitation avec eux, et quelquefois après qu'ils étoient morts, en les baisant quelquefois morts, et prenoit plaisir à voir les plus belles têtes desdits Enfans, lesquels après estoient ards, tels venoient en poudre. Il commença à Chantossé à avoir habitation desdits Enfans, les occir et faire brûler; il n'est certain combien il y a de temps, sinon qu'il est recolé que ce fut en l'année que son ayeul le Sire de la Suze mourut, et que de son chef, sans consulter personne, il s'imagina cela seulement pour son plaisir et délectation de luxure, et occision desdits Enfans sans autre intention, et qu'au commencement personne ne le sçavoit, et d'abord ce fut Gilles de Sillé, et après Mre Roger de Briqueville en fut complice, et depuis lesdits Henriet, Poitou, Rossigneul, André Brichet, un nommé Plique, et Robin qui est decedé, et point d'autres ne le sçavoient, et qu'au dit lieu de Chantossé il fut mis à mort grand nombre desdits Enfans, sans

LE PROCÈS CIVIL xS":

sçavoir combien, lesquels furent jettez au bas d'une tour, où ils furent bien longtemps, et depuis les en fit tirer et porter dans des coffres par eau audit lieu de Machecoul, où ils furent brûlez ; et qu'audit lieu de Machecoul il en a esté pris si grand nombre qu'il n'en sçait le compte, et eut habitation avec eux, et que semblablement furent occis et brûlez; la mesme chose s'est passée à l'hôtel de la Suze, dans le temps qu'il en estoit seigneur, sans sçavoir combien.

Item, un an et demy après, M. Eustache Blanchet fit venir de Florence, Maître François Prelati pour avec luy faire invocation au Diable, que ledit Me François dit au Sire qu'au pays d'où il estoit venu il avoit trouvé le moyen de faire venir par conjuration un Esprit, toutes fois qu'il voudroit ; c'est un Diable appelle Barion, et que ledit François avait fait plusieurs invocations de commandement audit Sire en son absence, et que ledit Sire avoit paru à trois desdites invocations avec ledit François, dont l'une fut en la grande salle de Tiffauges, l'autre à Bourgneuf en Rays, mais n'est fait mention où est la troisième, et que ledit Me Eustache sçavoit bien qu'ils faisoient lesdites invocations, mais qu'il n'y fut point présent, mais on ne l'y voulut point souffrir, crainte que sa mauvaise langue ne révélât quelque chose.

Item, que pour faire lesdites invocations on avoit fait un cercle de caractères et de croix, et avoit ledit François un Livre où il lisoit, dans lequel il y avoit plusieurs noms de Diables, et autres mois pour la conjuration et invocation, où on estoit près de deux heures, et n'est point parlé des mots Escrits

dudit Livre, et à toutes ces conjurations où parut ledit Sire de Rays, il n'apperceut aucun Diable, et ne parla à personne, ce qui le courrouça fort.

Item, qu'à une des invocations que fit ledit François en l'absence dudit Sire, il luy dit à son retour qu'il avoit veu Barjon, et parlé à luy, mais qu'il ne paroistroit point audit Sire par de certaines promesses qu'il luy avoit manqué, et que ledit Sire dit audit François qu'il demandât au Diable ce qu'il souhaittoit de luy, hors sa vie et son ame qu'il luy donneroit pourveu qu'il luv accordât la science, les richesses et la puissance qui le mit en Estât de posséder sa seigneurie, et ledit François luy dit depuis avoir parlé au Diable, et qu'entre autres choses il demandoit avoir par donnation certain nombre d'Enfans, et ledit Sire donna ensuite audit François une main, le cœur et les yeux d'un petit Enfant.

Item, qu'à l'une des trois invocations où ledit Sire parût, il avoit fait, auparavant d'y aller, une cedule qu'il signa de sa main, où il mit Gilles à la fin, dans l'intention de le donner au Diable, n'est recolé du contenu d'icelle, ce qu'il fit du commandement dudit François, et qu'il luy avoit dit qu'il conviendroit que cela fut ainsy ; dans le temps de l'invocation ledit Sire tenoit toujours ladite cedule en sa main, en attendant ladite Paction ou promesse que ledit Sire fairoit au Diable, mais il ne vint rien, et par conséquent ne donna point ladite cedule.

Item, qu'à l'une desdites invocations, il envoya de nuit Poiton avec ledit François, et s'en retournèrent bien moillés, disant qu'ils n'avoient rien veu.

Item, qu'une fois, ledit François ne voulût pas que ledit Sire allât avec luy à une invocation, et qu'au retour dudit François il dit audit Sire que s'il eût esté à laditte invocation, qu'il eût esté en péril, car il y estoit venu un serpent, de quoy il avoit eu grand peur, et que ledit Sire y voulût aller, et pris la vraj^e Croix qu'il faisoit porter, mais que ledit François l'en empêcha.

Item, qu'à une des trois invocations où fut ledit Sire avec ledit François, ledit François luy dit qu'il avoit veu Barjon, qu'il luy avoit montré beaucoup d'or, et entre autres choses un grand lingot d'or, mais que ledit Sire ne vit le Diable, ny le lingot d'or, mais seulement n'apperçût qu'une manière d'orpeau ou feuille à quoy il ne toucha point.

Item, que ledit Sire fut à Josselin vers le Duc, il fit mourir je ne sçay combien d'Enfans qu'Henriet luy donna, et que ledit François, du commandement dudit Sire, fit des invocations, où il ne se trouva pas, et ledit François luy dit qu'il n'estoit rien venu.

Item, que ledit Sire estant à Bourges laissa ledit François à Tiffauges, lequel il avoit prié de continuer ses invocations, et luy faire sçavoir ce qu'il auroit trouvé et fait, ledit François luy escrivit par paroles couvertes que tout alloit bien, et luy envoya une chose en manière d'oignement, en façon d'argent mis en une Bource, et dans une Boette d'argent, et luy escrivit que c'étoit une très précieuse chose, qu'il la gardât bien, et qu'y ajoutant foy il pendit laditte Bource avec la chose à son col, et l'y porta plusieurs jours, et depuis la jetta, s'appercevant qu'elle ne luy servoit à rien.

l86 LE PROCÈS INQUISITORIAL DE GILLES DE RAIS

Item, que ledit François dit une fois audit Sire que Barjon lui mandoit de donner au nom de luy à manger à trois pauvres dans trois grandes festes de l'an, et que ledit sire le fit une fois, une feste de Toussaint, seulement.

Item, que depuis la Saint Jean, luy fut amené vers le soir, par Poitou et Henriet, à Bourgneuf, un beau jeune fils qui demeuroit audit lieu avec le nommé Rodigot, et que de nuit eût habitation avec luy, et fut mis à mort et porté cette nuit à Machecoul.

Item, que ledit Sire estant monté à cheval luy et ses gens, un certain jour, de grand matin, pour aller à une Entreprise, eut intention de surprendre ceux de la garnison de Pattuart, et croyoient prendre le capitaine de Saint Espesine de Malmont, estant en sa compagnie ledit François luy dit qu'il ne trouveroit rien, ce qui arriva.

Item, qu'il eût un petit Page de Savraye, et un autre de Prinçay, qui furent mis à mort comme les autres.

Item, que dernièrement il fut à Vannes, André Bréchet luy donna un Enfant qui fut mis en une Privée, où Poitou descendit, et Bréchet n'ignoroit pas la mort desdits Enfans.

Item, qu'auparavant que la venue dudit Me François fut devers ledit Sire, il avoit eu d'autres invocateurs, c'est à sçavoir un trompette du Mesnil, Mc Jean de la Rivière, un nomme Louis, un appelle Me Antomi, et un autre dont n'est recolé du nom, qui de son commandement avoient faits plusieurs invocations Diaboliques, à quelques unes et à faire le cercle ledit Sire avoit esté présent à Machecoul

et ailleurs, en veue de voir le Diable, et parler à luy pour faire leur pacte, mais malgré tous les soins et les peines qu'il se donna, il ne pût ny le voir ny luy parler.

Item, qu'une fois, ledit Dumesnil luy dit que le Diable souhaittoit de luy une cedule signée de sa main du sang de son doigt, par laquelle il promit, toutesfois qu'il viendrait à son invocation, certaines choses dont n'est recolé, et que pour cela il signa une cedule du sang de son petit doigt où il escrivit. Enfin Gilles n'est remembré des autres mots precedens de cette cedule, sinon qu'il promettoit au Diable les choses contenues, en donnant audit Sire science, puissance, richesses, et quelque promesse qu'il fît, ne fut point donnée au Diable parce qu'il ne vint point.

Item qu'à l'une des invocations dudit Me Jean de la Rivière, faites en un bois de Tiffauges, ledit Mc Jean s'estoit armé auparavant d'y aller, et en son retour, comme ledit Sire, Me Eustache, Ilenriet et Poitou en sa compagnie allèrent vers ledit bois, ils rencontrèrent ledit de la Rivière qui dit audit Sire qu'il avoit veu le Diable qui estoit venu à luy en forme de Léopard, et qui avoit passé sans luy rien dire, dont il avoit eu grand peur, et après cette invocation ledit M° Jean s'en estoit allé, ledit Sire luy donna vingt Réaux, et ne revint plus.

Item qu'à une invocation ledit Sire, l'invocateur dont il sçait le nom, et Gilles de Sillé, firent en une chambre un cercle ; à laditte invocation ledit Gilles de Sillé n'osa entrer, mais se tenoit proche sur une fenestre dans l'intention de sortir dehors si rien

l88 LE PROCÈS INQUISITORIAL DE GILLES DE RAIS

venoit, ledit Sire estant au cercle eût une grande peur, n'osa faire le signe de la croix, parce que ledit invocateur luy avoit deffendu crainte d'accident, mais se souvint d'une oraison de Notre Dame commençant Aima, et que incontinent ledit invocateur luy commanda de sortir dudit Cercle, et se retira faisant le signe de la croix, laissa ledit invocateur sur lequel il ferma la porte de laditte chambre, et après trouva ledit Gilles de Sillé qui luy dit qu'on battoit ledit Invocateur, comme qui fraperoit sur une cuvette, et aussitost ledit Sire ouvrit la chambre, à l'entrée de laquelle il vit l'Invocateur fort blessé au visage et ailleurs, et ayant au front une grande bosse, tellement qu'il ne se pouvoit soutenir, et dans la crainte qu'il ne mourût ledit Sire le fît confesser, et n'en mourut pas.

Item qu'il envoya au Pays d'Amont pour luy chercher et amener des invocateurs, il luy rapporta qu'il avoit trouvé une femme qui s'en mêloit, laquelle luy avoit dit que si ledit Sire n'ôtoit son cœur de l'Eglise et de sa Chapelle, qu'il ne pourroît parvenir à son intention ; et qu'il trouva au Pays d'Amont une autre femme qui luy avoit dit que si ledit Sire ne faisoit cesser une œuvre qu'il entreprenoit, qu'il s'en trouveroit mal.

Item que ledit Gilles lui ammenoit un invocateur dudit Pays d'Amont, lequel en venant se noya dans une Rivière en passant sur un vaisseau, ainsi que le rapporta ledit Gilles de Sillé.

Item que ledit Gilles luy amena un invocateur dont ne sçait le nom, lequel, sitost qu'il fût arrivé vers ledit Sire mourut, on croit que ce fut punition de Dieu.

Touchant la confession dudit Sire de Rays, connue cy devant est contenu par articles.