LE PROCES DE HENR1ET ET POICTOU

Apres laquelle Confession dudit Sire de Rays ainsy faite, parce que partie des cas par luy connus et confessés ne concernoient nullement le fait de l'Eglise, fut dit par mondit sieur le Président et commis que la Cour de l'Eglise de Nantes feroit premièrement sur ce son procès à rencontre dudit Sire, lequel fait, qu'on concluroit le procès de la Cour séculière selon que par bon avis au cas devoit appartenir, pendant lequel procès intenté par laditte Cour de l'Eglise à l'encontre dudit Sire, furent lesdits Henriet et Poictou, ses serviteurs, menés en jugement au Buffay de Nantes devant mondit Sieur le Président, le vingt deuxième jour dudit mois d'octobre ; lesquels, après que le Procureur par son Lieutenant les accusa d'avoir commis les cas que cy dessus ils avoient confessés, concluant à la fin qu'ils en fussent punis, connurent et confessèrent sans contrainte avoir fait et commis les cas cy dessus escrits, et encore les récitèrent et confessèrent en jugement, et outre dirent et connurent que depuis qu'ils avoient commencé a donner ainsy des Enfans audit Sire, qu'eux deux luy en avoient donné et livré selon leur aveu soixante et plus ; et à l'égard dudit Henriet connût et confessa que la dernière fois que ledit Sire avoit esté à Josselin, il luy avoit occis trois petits Enfans que ledit Henriet luy avoit donné, à quoy ledit Poitou

n'avoit point esté présent, parceque lors estoit malade, et que ledit Sire avoit fait faire des invocations par ledit Me François audit lieu de Josselin.