LETTRES DE GRACE

ACCORDÉES PAR CHARLES VII A ROGER DE BRIQUEVILLE, COMPLICE DE GILLES DE RAIS (i)

Charles savoir faisons Nous avons receu

humble supplicacion de Rogier de Briqueville, chevalier, puisné filz de feu Guillaume de Bricqueville, en son vivant aussi chevalier et seigneur du chastel de Launé, en nostre païs de Normandie, contenant que, dès ce qu'il estoit en l'aage de cinq ans ou environ, ses père et mère et autres ses parens et amys délaissèrent et habandonnèrent du tout nostredit païs à l'occasion de la guerre et entreprises des Anglois, noz anciens ennemis et adversaires qui lors descendirent en nostredit païs, leurs terres, seigneuries, possessions et chevances qu'ilz avoient très belles, grandes et notables autant que nobles du païs, de leur estât, pouvoient avoir, et dont leurs prédécesseurs, au temps passé,

(i) Arch. Nat. reg. J. J. 177, f° 154. Reproduites par M. René de Maulde à la suite de la thèse de l'Abbé Bossard, Paris, 18S6.

avoient accoustumé vivre soulz nous grandement et honnourablement ; et se retirèrent partie du temps au païs d'Anjou et autre partie es païs de Bretaigne et de Poictou, pour là vivre et nourrir ledit suppliant et autres leurs enfans, ainsi qu'il/, ont fait, en grande petitesse de biens, eu regard à leur estât et à ce qu'ilz avoient accoustumé avoir au temps passé et lorsqu'ilz jouissoient de leursdictes terres, seigneuries et possesions. Et, depuis que ledit suppliant fut en aage de povoir chevauchier et servir, par aucuns de sesdiz parens et amys fut baillé à feu René, sire de Rays, dernier decedé (i), duquel il estoit prouchain parent, pour le servir; lequel le nourrit par aucun temps et jusques à ce qu'il fut en aage de homme, et par long temps fut avecques lui en nostre service du fait de la guerre à l'encontre de nosdiz ennemys, lequel nostre service il a depuis tousjours frequanté, fait chascun jour, à son povoir, et espère faire de bien en mieulx au temps à venir : pendant et durant lequel temps qu'il fut et se tint au service dudit sire de Rays, qui l'avoit ainsi nourry, icellui sire de Rays, auquel, à l'occasion de sadite nourriture, lui convenoit estre subgiect et obéissant sans l'oser desdire ne contrarier de sa voulenté en nulle manière, mesmement qu'il estoit lors jeuue escuïer de petit entendement, le contraigny et le chargea à luy administrer et envoyer à ses places plusieurs enfans, lesquelz, et autres qu'il povoit avoir et recouvrer, il faisoit

(i) Il y a sans doute là une erreur, et il s'agit bien de Gilles de Rays, comme on verra par la suite.

deffaire, occire et meurdrir, cuidant parvenir à aucune mauvaistié et dampnables choses, par luy entreprises, ainsi qu'il congneut et confesse comme l'en dit. Desquelles choses et omicides desdits enfants ne savoit riens ledit suppliant lors, mais bien en fit après doubte, et par ce incontinent délaissa la compaignie et service d'icellui sire de Rayz, lequel cinq ans ou environ après qu'il eut ainsi delaissié (i), fut lui et autres ses complices pris et pugniz par justice pour lesdiz cas. Et, ainsi que ledit suppliant a entendu, fut par eulx aucunement chargé et il dit avoir esté participant d'iceulx maléfices en administrant, comme dit est, partie desdiz enfans ainsi occiz et meurdriz ou autrement. A l'occasion desquels cas et maléfices, dont à ceste cause il pourroit estre ou avoir esté chargié, ledit suppliant doubte requérir de justice lui estre rigoureux et que, à ceste cause, le temps à venir on lui voulust mectre ou donner aucun empeschement en corps ou en biens, si nostre grâce ne lui estoit sur ce impartie, si comme on dit. En nous humblement requérant que, attendu l'ostel dont il est yssu, qui oncques n'eut vilain reprouche ; que lui et les siens, à l'occasion de nos guerres et service, ont abandonné et deguerpy leurs terres, biens et possessions, et depuis vescu povrement; les peines et nécessitez qu'ilz ont eues en nostredit service ; que ledit suppliant estoit serviteur et parent dudit sire de Rays qui l'avoit nourry longtemps, par quoy il

(i) On a vu par le procès que cette affirmation est mensongère et que Roger de Briqueville ne quitta Gilles de Rais qu'au dernier moment.

estoit craintif de sa désobéissance; la jeunesse en laquelle lors il estoit, et que ledit suppliant d'aucun autre vilain cas, blasme ou reprouche ne fut jamais attaint ou convaincu d'aucun : plaise icelle nostre grâce lui impartir. Pour quoy, nous, ce considéré, voulans miséricorde préférer à rigueur de justice, audit Rogier de Briqueville, suppliant, avons quitté, remis, pardonné et aboly, et, par ces présentes, de grâce especiale, plaine puissance et auctorité royal, quittons, remettons, pardonnons et abolissons

Donné à Razilly, près Chinon, du mois de may, l'an de grâce 1446, et de nostre règne le 24e.

Ainsi signé : Par le roy; veus : l'evesque de Magalonne, les sires de la Varenne et de Perrigny et autres plusieurs presens. De la Loere.

Visa. Contenter. S. Duban.