LE CLERGÉ : CONFIANCE AUX GENS D'EXPÉRIENCE

fureur et sedicion de la maison royal dont il est filz et heritier, guerroyé de ses ennemis, assailh de glaive etde parolles de ses propres subgiez, doubteusement obey du sourplus de son peuple, delaissié de ses aides principaulx ou il se devoit fier, des/pourveu de tresor, encloz de forteresses rebellans, et qui bien a tout comparé et remembré les tristours des choses de ce temps jusques aores, quoy que les faiz de ceste seioneurie ne soient comme chascun bon.cuer doit desirer, n’a pas esté sans paine, appensement et diligence de les remectre de si bas point en l’estat ou nous les voions jusques cy, Dieu en est tesmoing. Les plus simples l’ont peu jugier etles plus rudes clerement le cognoistre. Et n’a pas encores trois ans que j'ay veu en pluseurs hommes de tous estas si enferme et petite foy que les pluseurs en leurs couraiges fuioyent l’'adhesion de leur seigneur et l’aide de leur seigneurie comme chose perdue et comme malade jugié a mort et abandonné sans remede, qui depuis ‘ont reprins cuer et bonne flance. La est trouvee la fermeté et esprouvee la vertu ou sont les extremes perilz, quant le sens demeure entre les grans doubtes et la constance ou mylieu des terribles aven- tures ; lors ne se doit la chose publique delaisser, quant l’in- fortune d'icélle da rent plus besongneuse de bon secours, car, comme en nous redonde le bien de la prosperité publique, aussi devons nous les infortunes de son adversité aider a sousteniret mon lui defaillir de fait ne de couraige en

necessité. Ceste maniere tint le vertueux homme et d’entier

courage Mathathias et ses enfans les Machabees en la perse- cution que fist le roy Anthiocus sur le peuple d'Israël par la desloïauté d’aucuns pervers hommes d’icellui peuple qui vers lui se tournerent ; car, aprés ce que la cité de Jherusalem otesté par traïson destruite, prinse, pillee et arse a grant et lamentable occision, et le peuple en servitute et dispertion, Mathathias et ses enfans, qui se estoient retraiz es montai-

44 + LE QUADRILOGUE INVECTIF à

ones, recueillirent les fuitiz et les desolez en petit nombre et

fermerent en leurs couraiges choisir la mort ains que veoir laffiction et le declin du peuple et de leurs freres, et tant vertueusement se gouvernerent si peu de gens, qui es montaignes se tapissoient, que ilz racheterent de leur sang et par

leur mort la servitute et desolacion de leur peuple et remis-.

trent le royaume de Juda en sa franchise et haulte dignité. Quel exemple avons nous en ce cas du vaillant magnanime Scipion, qui bien fait a ramentevoir comme, ou temps

que la seigneurie romaine estoit si durement foulee par Han-

nibal, aprés ses grans victoires, que es couraiges des Rommains n’avoit plus comme nulle esperance de salut de leur cité et que la plus grant partie d’eulx descendoit en oppinion de monter es nefs et abandonner Romme et alier habiter

en autres regions, il, qui le peril commun de lui et des autres cognoissoit, le vouloir aussi du Senat quise vouloit departir,

vainqui les doubtes de son cuer par l’affection publique, si tira son espee emmy le conseil et jura haultement que qui parleroit plus de habandonner la cité sentiroit au trenchant de son espee que doit estre le guerredon de ceulx’ qui | la chose publique delaissent pour leur singulier salut. Et en tele voulénté fut suivy par ceulx qui avoient bon vouloir, et depuis demourerent à Rome et se releverent en leur'haulte autorité. De ce se peult ensuivre que savance et constance ont mestier a qui se veult tirer de perverse fortune, et nous, qui en tel estat sommes, en avons eû et avons bien bescing de plus que Dieu ne nous en donne et que nous n’en desservons ; Mais, se nous en avons usé aucunement es plus grans besoings et maintenant, aprés ung pou de amandement de la premiere infelicité, nous y defaillons, les meschiefz ou nous nous somimes trouvez ont esté tresmauvaiz, mais de rencheoir nous sera mortel. Assez fait ceste parolle a noter, mais plus a doubter, pour ce que vexacion et travail doit l’enten-

LS

(ee