FRAN'CE : AVILISSEMENT DES TROIS ÉTATS I

et d'aises, o envieillie et enracinée norreture de pompes et de ' délices, tant avez bestourné et ramolly les courages françois que ceste subversion, dont Fortune nous fait ciseau de si prez, nous avez couvée et mise sus, et toutes voies sont et demeurent par vous les cuers si envelopez que le péril de la sei- s gneurie et d'eulx mesmes et la doubte de leur prouchaine desercion ne les peut retraire de leurs delicatives acoustumances. Tele est la condicion naturelle des voluptez délicieuses qu'elles sont impacientes de tout labeur, contraires a vertueux courage et ouvraige, marrastre de diligence et nour- lo rice de pusillanimité ; elles vous perdent et si ne les voulez ' perdre, elles vous font et laissent périr et si ne les voulez laisser, elles ont esté et sont le rabaissement de vostre force et la confusion de vostre povoir et en querant vostre ressource et relievement vous les entretenez et accueillez. Moult est i.s forte chose de délaisser longue acoustumance, mais qui au besoing se veult aux honnourables fais usager et endurcir il ne treuvc pas après nul si plaisant travail comme celluy dont l'onneur et la renommée naissent aux vertueux. Scipion l'Affrican, quant premier démena son ost en Auffrique, com- 2^ manda que toutes choses, qui en ses légions seroient trouvées provocans a volupté, en fussent tantost degeteez. Hannibal, après ce que Cappue fut reduitte en sa subjection et qu'il ot esté haultement receu et delicativement traictié, trouva les cuers de ses chevaliers changez et matiz de leur première 25 vertu. Et pour exemple de hault prince adjouster, le pareil cas en avint a Alixandre après la conqueste de la grant Babilone et Sardanapalus en perdy sa seigneurie et vie. Puis doncques que les grans conquereurs en la grant gloire de leur victoire ont esté avillez et amendriz par acueil de voluptez, 3o quelle sceurté peuent avoir ceulx qui soubz les dangiers de tresperverse fortune s'endurcissent a délicieuse vie et corrup- |tion de leurs meurs? Et telz y a qui jour et nuit sont par içs.

14 LE QUADRII.OGL'E INVECT.'F

les bois et par les champs a chacer les bestes et au gibier des oiseaulx, et les aultres rompent chevaulz au pourchaz des offices, des estaz, des chevances et de leurs autres plaisirs, qui pour honneur acquérir et leur naturel devoir acquiter ne laisseroient le repos d'une nuit ne ne souffreroient le dangier, estroit ou messaisé hébergement.

Querez, querez, François, les exquises saveurs des viandes, les longs repoz empruntez de la nuit sur le jour, les oultraiges des robes et des joyaulx sans garder diflerence des estaz ne des degrez a ceulx a qui ilz appartiennent, les blaiidices et délices féminins ! Endormez vous comme pourceaux en l'ordure et vilté des horribles péchiez qui vous ont mis si prés de la fin de voz bons jours ! Estoupez voz oreilles a toutes bonnes amouicions, mais ce sera par tele condicion que tant plus v demourrez et plus approuchera le douloureux jour de vostre exterrainacion, et en pourrez tant user et si longuement vous y aouiller que trop en avoir prins vous en fera souffreteux a tousjours. Semiramis de Babilone laissa bien a moictié ses cheveulx a peigner, quant en les peignant on lui dénonça la rébellion de sa cité, et demoura l'atour de son chief demy a point et demy desordonné jusques a ce qu'elle eust par povoir d'armes sa cité mise en subjection. Les dames de Romme, après la tresmiserable bataille de Cannes, changèrent la richesse de leurs abis et la cointise de leurs estaz. Le pays de Languedoc, en la prise du roy Jehan, se mua en vesteures et gouvernement de hommes et de femmes en laissant toute remonstrance de leesce et festivité. Quelles gens estes vous, ne quelles durtez avez vous en voz couraiges, qui ainsi vous laissez perdre a vostre escient, sans vouloir délaisser ce qui vous meyne a perdicion et vous tire a perdicion les bras au col ?

Apprenez a cognoistre vostre infelicité par les fortunes eureuses de voz ennemis, et vous souviengne que les glaces