FRANXÇ : EXHORTATION' AU COURAGE
d'vver, ne la diminucion du vivre, la pcstillence des maladies contagieuses ne le lomg travail des armes vestir et porter nuit et jour, ne leur cassetit leurs fortes entreprises, ne ilz n'en laissent sièges a mectre, ne champs a tenir, et tous vo'/ faiz se délaissent pour chacune legiere ochoison ou parti- 5 cuHere voulenté. Toutes bonnes nouvelles vous semblent victoire el toutes mauvaises vous esbahissent comme desconfite bataille, car voz couraiges volages et vicieux ne sont a nulle chose affermez ; voz engin; travaillent a acquerre finances et voz vanitez a les degaster ; vostre entendement 10 se occupe a les quérir et assembler, mais vostre sens est perdu quant a les emploier.
Pleust a Dieu que bien feust escript en voz souvenances combien proufite a l'exaussement de seigneurie savoir saigenient départir le guerdon des bons et la punicion des mau- 13 vais, sans suivre le bruit ou l'affection ; car la corection des mauvais hoste le hardement de mal et la recongnoissance des bons est le redoublement de leurs biensfaiz, et, qui plus fort est, j'ose bien dire que celle seule vertu derecognoistre les bons qui peu voulentiers empressent et les 20 maulvais qui se ingèrent rebouter est celle qui souverainement j conferme et maintient les princes en leurs seigneu- 'v" ries et majestez. Si n'estoit pas sans cause que, pour louenge et mémoire, les Rommains faisoient ymages de divers metaulx, ars et curres triumphans a ceulx qui vertueusement 25 se portoient pour accroistre la seigneurie rommaine et augmenter le bien publique de leur cité. Taisons nous a tant de choses, combien que trop ne les pourrove reprouver ne blasmer, si venons a vous remonstrer en brief que la justice de querelle, posé que ja autre ochoison n'y trouvissez, vous 30doit rebouter le hardement es courages. Sachons premièrement qui sont cculx contre qui vous avez a guerroyer. Et se bien en enquerez, c'est la lignée de Forgestus et de Han-
l6 LE QUADRILOGUE INVECTIF
gestus, les Saxons, qui comme souldoyers vindrent au secours du roy de la Grant Bretaigne oppressé de dures guerres. Et depuis occupèrent et prindrent le pays pour eulx, quant ilz le sentirent despourveu par guerre de sa bonne chevalerie, et par traïson, soubz faintise de paix, occirent le sourplus de la nobîesce du païz. C'est la lignée qui débouta et occist son souverain seigneur, roy d'Angleterre, pour usurper tiranniquement sa seigneurie. Ce sont ceulx qui voz pères et voz prédécesseurs ont souvent guerroiez, ars et degastez voz champs et voz villes et qui de tele ligne sont issuz que naturelment convoitent anventir du tout vostre generacion. Ce sont ceulx qui se sont adjoins et aliez a voz desloiaulx et rebelles de ce royaume, dont a la desraison de leur querelle ilz ant adjousté desloiauté, en soustenant les oeuvres desloialles de leurs alliez et compaignons. D'autre part je vueil monstrer les raisons qui doivent voz couraiges enflammer et vous donner sceurté et confiance. Voz ennemis anciens et naturelz vous assaillent a leur entreprise et viennent chalengier vostre terre et vostre pays sur vous, ilz sont assaillans et vous estes défendeurs, ilz veulent asservir vostre liberté et vous avez a vous detTendre de leur servage, ilz quierent vostre mort et perdicion et nature vous oblige a défendre vostre sceurté et vostre vie, ilz se etforcent d'oster et ravir par force la vie et la substance de voz femmes et enfiins que nature vous contraint a doulcement nourrir et tendrement amer, ilz veulent débouter vostre prince droiturier et seigneur naturel que voz vies et voz corps sont tenuz défendre et tendent occuper le siège royal pour vous défouler soubz leur tirannie. Enviz entreprendriez les conquestes de voz prédécesseurs qui sommistrent grant partie de Grèce en leur subjection laquelle de leur nom s'appelle encores Gallogrecie et conquisrent Romme jusques au Capitole, etc., quant la terre sur quoy vous habitez et qui vous soustient et
