LE PEUPLE : SA MISERE I
moy a la destruction de ma povrc substance et de ma misérable vie. Les ennemis sont combatuz de parolle et je le suys de fait. Regarde, mère, regarde, et advise bien •ma treslangoureusc affliction et tu cognoistras que tous refuges me défaillent, les champs n'ont plus de franchise s pour administrer sceure demeure, et jen'ay de quoy les cultiver ne fournir pour y recueillir le fruit de nourreture. Tout est en autres mains acquis ce que force de murs et de fossez n'environne et encores en meilleures gardes a il souvent de grans pertes que chascun voit. Or convendra il les champs i demourer desers, inhabitez et habandonnez aux bestes sauvaiges, et ceulx qui par travail de loial marchandise ont les aucuns en leur nécessitez secouruz demourer despourveuz et esgarez et perdre par courroux la vie après les biens ; le soc est tourné en glaive mortel et mes mains, qui ont porté le 13 faiz dont les autres recueillent les aises en habondance, sont souvent estraintes jusques au sang espandre pour ce que je n'ay baillié ce que j'ay et ce que je n'ay mie. Si fault que le corps décline en default des biens et que en langueur soubz seigneurie dissipée et chargée de famille mendie. Je 20 vif en mourant, voiant la mort de ma povre femme et de mes petis enfans et désirant la mienne, que tant me tarde que je la regrete chascun jour, comme cellui qui coxiroux, fain et défiance de confort, mainent douloureusement a son derrenier jour. Du sourplus ne fault faire enqueste ne 25 demande, les oeuvres sont publiques et le tesmoing en est intollerable famine, qui encourt et courra sus a ung chascun si amèrement que tart sera de regreter la passée habondance et vouloir par raison départir ledemourant des choses consumées par oultraiges, et s'en erisuivra que Nature, qui 30 chascun ensaigne a conser\'er sa vie par la récréation de mengier, laschera la bride et la licence de la ravir par force ou il sera, dont les commencemens sont ja moult merveilleux et
20 LE QUADRILOGUE IXVECTIF
les conclusions seront tant redoutables que la chose sera plus espoventahle a veoir qu'elle n'est merveilleuse a vmaginer.
Ennuyeuse chose est a raconter et plus griefve a soustenir ma piteuse désolation, car je suys en exil en ma maison, s prisonnier de mes amis, assailli de mes défendeurs et guerroyé aux souldees dont le paiement est fait de mon propre chatel. Et pour faire une abhominable somme de mes maies mescheances infinies, je ne voy autre demeurant ou exploit des longues guerres de ce royaume, si non terres en fresche i et pays inhabité, multitude de veufves et d'orphelins chetifz, mendians et désolez, et mutacion de biens, qui des mains de ceulx qui les ont gaignez sont transportez aux plus fors et ravissans. Et telement est la chose menée et changée de sa nature que entre l'impétuosité des armes se taisent les lois, 15 et Justice a laissié son siège tribunal ouquel se siet et préside Voulenté. Si a fait icelle ungtel edit que ce que Fortune veult elle peut, ce qu'elle peut elle accomplit, ce qu'elle accomplit elle appreuve, ce qu'elle appreuve est essaucié, loé et non pugny. Par droicte comparaison la nostre police 2c françoise semble maintenant l'ostel d'ung mauvais mesnagier I qui dissippe sa présente substance avant qu'il pour- [zç voye a celle a venir, menjut sa vigne en verjus et vuide ses garniers hors de saison a sa comble mesure si que le pain lui fault au plus grant besoing. Le fourmy se fournit et 25 espargne en l'esté contre la durté de la froidure et saison de l'yver et prévoit sa nécessité devant ce qu'elle le sourpreigne. Haa, hommes françois, vous faictes le 'contraire et gastez avant la main ce dont vous deussiez aider es autres grans affaires, et mectez le fais de vostre guerre a la charge du peuple, 30 qui soubz vous deust demourer entier comme une espargne pour secourir aux extremitez et pour avoir recours en perverse fortune.
