PANTAGRUEL

Pendent que Pantagruel escrivoit les lettres susdictes, Malicorne fut de tous festoyé, salué et accollé à double rebraz. Dieu sçayt comment tout alloit, et comment recommendations de toutes parts trottoient en place. Pantagruel, avoir parachevé ses lettres, bancqueta avecques l’escuyer. Et luy donna une grosse chaine d’or, pesante huyét cens escuz, en laquelle, par les chainons septenaires, e$toient gros diamans, rubiz, esmerauldes, turquoises, unions, alternativement enchassez. À un chascun de ses nauchiers fit donner cinq cens escuz au Soleil; à Gargantua son pere envoya le

tarande couvert d’une housse de satin broché d’or,

avecques la tapisserie contenant la vie et gestes de Achilles, et les troys unicornes capparassonnées de drap d’or frizé. Ainsi departirent de Medamothi, Malicorne, pour retourner vers Gargantua, Pantagruel, pour continuer son naviguaige. Lequel en haulte mer

feist lire par Epistemon les livres apportez par lescuyer. Desquels, pource qu’ilz les trouva joyeulx et plaisans, le transsumpt voluntiers vous donneray, si devotement le requerez.

Comment Pantagruel rencontra une nauf de voyagers retournans du pays Lanternois.