CHAPITRE XXIX

Les naufz du joyeulx convoy refaiétes et reparées, les viétuailles refraischizt, les Macræons plus que contens et satisfaiéts de la despense que y avoit fai Pantagruel, nos gens plus joyeulx que de cou$tume, au jour subsequent feut voile faiéte au serain et delicieux Aguyon?,en grande alaigresse. Sous le hault du jour, feut, par Xenomanes, monstré de loing lisle de Tapinois, en laquelle regnoit Quaresmeprenant, duquel Pantagruel avoit aultre foys ouy parler, et l’eust voluntiers veu en personne, ne feut que Xenomanes l’en descouraigea, tant pour le grand destour du chemin que pour le maigre passetemps qu’il dist e$tre en toute l’isle et court du

Re 2

- Chapitre XXIX 119

Seigneur. “ Vous y voirez, disoit il, pour tout potaige un grand avalleur de poys gris, un grand cacquerotier®, un grand preneur de taulpes, un grand boteleur de foin, un demy geant à poil follet et double tonsure, extrait de Lanternoys, bien grand lanternier{, confalonnier des Ichthyophages5, diétateur de Moustardois, fouetteur de petitz enfans, calcineur de cendres, pere et nourrisson des medicins, foisonnant en pardons, indulgences et Stations, homme de bien, bon catholic et de grande devotion. Il pleure les troys pars du jour. Jamais ne se trouve aux nopces. Vray est que c’est le plus indu$trieux faiseur de lardoueres et brochettes qui soit en quarante royaulmes. Il y a environ six ans que, passant par Tapinois, j’en emportay une grosse, et la donnay aux bouchiers de Quande. Ilz les estimerent beaucoup, et non sans cause. Je vous en monéstreray à no$tre retour deux attachées sus le grand portailf. Les alimens des quelz il se paist sont aubers sallez, casquets, mortions sallez et salades sallées’. Dont quelque foys patit une lourde pissechaulde. Ses habillemens sont joyeulx, tant en façon comme en couleur, car il porte gris et froid : rien davant et rien darriere, et les manches de mesmes.

— Vous me ferez plaisir, dist Pantagruel, si, comme m'avez exposé ses vestemens, ses alimens, sa maniere de faire, et ses passetemps, aussi me exposez sa forme et corpulence en toutes ses parties.

— Je t’en prie, Couilette, dist frere Jan, car je l’ay trouvé dedans mon breviaire: et s’ensuyt après les festes mobiles,

.— Voluntiers, respondit Xenomanes. Nous en oyrons

pat adventure plus amplement parler passans l’isle Farouche, en laquelle dominent les Andouilles farfelues, ses ennemies mortelles, contre lesquelles il a guerre sempiternelle. Et ne feust l’aide du noble Mardigras, leur protecteur et bon voisin, ce grand Lanternier Quaresmeprenant les eust ja piéça exterminées de leur manoir.

— Sont elles, demandoit frere Jan, masles ou femelles ? anges ou mortelles ? femmes ou pucelles ?

— Elles sont, respondit Xenomanes, femelles en sexe, mortelles en condition: aulcunes pucelles, aultres non.

— Je me donne au Diable, dist frere Jan, si je ne suys pour elles. Quel desordre est ce en nature, faire guerre contre les femmes ? Retournons. Sacmentons ce grand villain.

— Combattre Quaresmeprenant, dist Panurge, de par tous les Diables, je ne suys pas si fol et hardy ensemble. Qwid juris®, si nous trouvions envelopez entre Andouilles et Quaresmeprenant ? entre l’enclume et les marteaulx ? Cancre. Houstez vous de là. Tirons oultre. Adieu, vous diz, Quaresmeprenant. Je vous recommande les Andouilles, et n’oubliez pas les Boudins.”

Comment par Xenomanes ef anatomisé et descript Quaresmeprenant.