Chapitre XXVIIT

vent en pouppe, passer oultre sans mot dire ; advenent qu’il feust calme en mer, signifier ce qu’il avoit ouy. Quand doncques furent près Palodes advint qu’ilz n'eurent ne vent ne courant. Adoncques Thamous montant en prore, et en terre projectant sa veue, dist ainsi que luy e$toit commandé : que Pan le grand estoit mort. Il n’avoit encores achevé le dernier mot quand feurent entenduz grands souspirs, grandes lamentations et effroiz en terre, non d’une personne seule, mais de plusieurs ensemble.

‘ Ceste nouvelle (parce que plusieurs avoient esté ptæsens) feut bien toust divulguée en Rome.

‘“ Et envoya Tibere Cæsar, lors empereur en Rome, querir ce$tuy Thamous. Et, l’avoir entendu parler, adjousta foy à ses parolles. Et se guementant es gens doctes qui pour lors e$toient en sa court et en Rome en bon nombre, qui estoit ce$tuy Pan, trouva par leur raport qu’il avoit esté filz de Mercure et de Penelope. Ainsi au paravant l’avoient escript Herodote, et Ciceron on tiers livre De la Nature des dieux8. Toutes foys je le interpreteroys® de celluy grand Servateur des fideles, qui feut en Judée ignominieusement occis par l’envie et iniquité des Pontifes, docteurs, prebstres et moines de la loy Mosaïcque. Et ne me semble l’interpretation abhorrente : car à bon droiét peut il eftre en languaige Gregoys diét Pan, veu que il est le notre Tout, tout ce que sommes, tout ce que vivons, tout ce que avons, tout ce que esperons est luy, en luy, de luy, par luy. C’est le bon Pan, le grand pasteur1?, qui, comme atteste le bergier passionné Corydon, non seulement à en amour et affection ses brebis, mais aussi ses ber-

giersil, À la mort duquel feurent plainéts, soupirs, effroys et lamentations en toute la machine de l'Univers, cieulx, terre, mer, enfers. À ceste miene interpretation compete le temps, car cestuy tresbon, tresgrand Pan, no$tre unique Servateur, mourut lez Hierusalem, regnant en Rome Tibere Cæsar12.”

Pantagruel, ce propous finv, resta en silence et profonde contemplation. Peu de temps après, nous veismes les larmes decouller de ses œilz grosses comme œufz de austruche. Je me donne à Dieul, si j’en mens d’un seul mot.

Comment Pantagruel passa l’isle de Tapinois, en laquelie regnoit Quaresmeprenant.