Chapitre XXXV

Pantagruel, dipnant avecques ses gens joyeusement, sus l’apport de la seconde table, apperceut certaines petites andouilles affaiétées5 gravir et monter sans mot sonner sus un hault arbre, près le retraiét du guoubelet$; si demanda à Xenomanes: ‘“ Quelles bestes sont ce là?” pensant que feussent escurieux, belettes, mattres ou hermines. ‘ Ce sont Andouilles, respondit Xenomanes. Icy est l’isle Farouche, de laquelle je vous parlois à ce matin ; entre les quelles et Quaresmeprenant leur maling et antique ennemy est guerre mortelle de long temps. Et croy que par les canonnades tirées contre le physetere ayent eu quelque frayeur et doubtance que leur diét ennemy icy feust avecques ses forces pour les surprendre, ou faire le guast parmy ceste leur isle, comme ja plusieurs foys s’estoit en vain efforcé, et à peu de profit, ob$tant le soing et vigilance des Andouilles, les quelles (comme disoit Dido aux compaignons d’Æneas voulens prendre port en Cartage sans son sceu et licence?) la malignité de leur ennemy et vicinité de ses terres contraingnoient soy continuellement contreguarder et veigler.

— Dea, bel amy, dist Pantagruel, si voyez que par quelque honeste moyen puissions fin à ce$te guerre mettre, et ensemble les reconcillier, donnez m’en advis. Je me y emploiray de bien bon cœur et n’y espargneray du mien pour contemperer et amodiers les conditions controverses entre les deux parties.

— Possible n’est pour le præsent, respondit Xenomanes. Il y a environ quatre ans que, passant par cy et Tapinois, je me mis en debvoir de traiéter paix entre culx, ou longues treves pour le moins : et ores feussent

bons amis et voisins, si tant l’un comme les aultres soy feussent despouillez de leurs affeétions en un seul article. Quaresmeprenant ne vouloit on traiété de paix comprendre les Boudins saulvaiges, ne les Saulcissons montigenes® leurs anciens bons comperes et confæderez. Les Andouilles requeroient que la forteresse de Cacques1 feust par leur discretion, comme est le chasteau de Sallouoir, regie et gouvernée, et que d’icelle feussent hors chassez ne sçay quelz puans, villains, assasineuts, et briguans qui la tenoient. Ce que ne peut estre accordé, et sembloient les conditions iniques à l’une et à l’aultre partie. Ainsi ne feut entre eulx l’apoinétement conclud. Resterent toutesfoys moins severes et plus doulx ennemis que n’estoient par le passé. Mais depuys la denonciation du concile national de Chesillt, par laquelle elles feurent farfouillées!?, guodelurées et intimées!l?; par laquelle aussi feut Quaresmeprenant declairé breneux, hallebrené et Stocfisé11 en cas que avecques elles il feist alliance ou appoinétement aulcun, se sont horrificquement aigriz, envenimez, indignez et ob$tinez en leurs couraiges; et n’est possible y remedier. Plus toust auriez vous les chatz et ratz, les chiens et lievres ensemble reconcilié15.”

Comment, par les Andouilles farouches, est dressée embuscade contre Pantagruel.