Chapitre XXX VII

ville de force, et en grande viétoire subjugua ce peuple rebelle.

“ Au rebours, consyderez comment, par la signification d’un nom, Pompée se desesperalf, Etant vaincu par Cæsar en la bataille Pharsalique, ne eut moyen aultre de soy saulver que par fuyte. Fuyant par mer, arriva en l’isle de Cypre. Près la ville de Paphos, apperceut sus le rivage un palais beau et sumptueux. Demandant au pilot comment l’on nommoit ces$tuy palais, entendit qu’on le nommoit KaxoSemta, c’est à dire Malroy. Ce nom luy feut en tel effroy et abomination qu’il entra en desespoir, comme asceuré de ne evader que bien toust ne perdist la vie. De mode que les assistans et nauchiers ouirent ses cris, souspirs et gemissemens. De fait, peu de temps après, un nommé Achillas, paysant incongneu, luy trancha la testet5.

‘“ Encores pourrions nous, à ce propous, alleguer ce que advint à L. Paulus Æmylius, lors que, par le senat Romain, feut esleu Empereur, c’est à dire chef de l’armée qu’ilz envoyoient contre Perses, roy de Macedonie. Icelluy jour, sus le soir, retournant en sa maison pour soy apprester au deslogement, baisant une siene petite fille nommée Tratia, advisa qu’elle estoit aulcunement triste. “ Qui a il, dist il, ma Tratia ? Pourquoy es tu ainsi triste et faschée ? — Mon pere, respondit elle, Persa est morte.” Ainsi nommoit elle une petite chienne qu’elle avoit en delices. À ce mot print Paulus asceurance de la viétoire contre Persès 16.

“ Si le temps permettoit que puissions discourir par les sacres bibles des Hebreux, nous trouverions cent passages insignes, nous monstrans evidemment en

quelle observance et religion leurs estoient les noms proptes avecques leurs significations.”

Sus la fin de ce discours, arriverent les deux coronelz, accompaignez de leurs soubdards, tous bien armez et bien deliberez. Pantagruel leur feist une briefve remonstrance, à ce qu’ilz eussent à soy mon$trer vertueux au combat, si par cas estoient contrainéts (car encores ne povoit il croire que les Andouilles feussent si traistresses), avecques defense de commencer le hourt : et leurs baïilla Mardigras pout mot du guet.

Comment Andouilles ne sont à mespriser entre les humains.