Chapitre XX XIX

sont sans comparaison cuisiniers idoines et suffisans que tous gendarmes, estradiotz, soubdars et pietons du monde.

— Vous me refraischissezla memoire, dist Pantagruel, de ce que estescript entre les facecieuses et joyeuses responses de Ciceroni. On temps des guerres civiles à Rome entre Cæsar et Pompée, il estoit naturellement peu enclin à la part Pompeiane, quoy que de Cæsar feust requis et grandement favorisé. Un jour entendent que les Pompeians à certaine rencontre avoient faiét insigne perte de leurs gens, voulut visiter leur camp. En leur camp apperceut peu de force, moins de couraige, et beaucoup de desordre. Lors prævoyant que tout iroit à mal et perdition, comme depuis advint, commença trupher et mocquer maintenant les uns, maintenant les aultres, avec brocards aigres et picquans, comme très bien sçavoit le Style. Quelques capitaines, faisans des bons compaignons comme gens de bien asceurez et deliberez, luy dirent : “ Voyez vous coimbien nous avons encores d’aigles ? ?” C’estoit lors la devises des Romains en temps de guerre. “ Cela, respondit Ciceron, seroit bon et à propous si guerre aviez contre les pies.”’ Doncques veu que combatre nous fault Andouilles, vous inferez que c’est bataille culinaire, et voulez aux cuisiniers vous rallier. Faiétes comme Pentendez. Je resteray icy attendant l’issue de ces fanfarest”

Frere Jan de ce pas va es tentes des cuisines, et diét en toute guayeté et courtoisie aux cuisiniers : “ Enfans, je veulx huy vous tous veoir en honneur et triumphe. Par vous seront faiétes apertises d’armes non encores

veues de no$tre memoire. Ventre sus ventre, ne tient on aultre compte des vaillans cuisiniers ? Allons combattre ces paillardes Andouilles. Je seray vostre capitaine. Beuvons, amis. CÇza, couraige!l — Capitaine, respondirent les cuisiniers, vous diétes bien. Nous sommes à vostre joly commandement. Soubs vostre conduiéte nous voulons vivre et mourir. — Vivre, dist frere Jan, bien; moutir, point : c’est à faire aux Andouilles. Or donc mettons nous en ordre. ÂNabuzardan vous sera pour mot du guet.”

Comment par frere Jan est dressée la Truye, et les preux cuisiniers dedans enclous.