LA RÉDEMPTION
à ce mot des choses sainctes, V'apostre s’expose soy-mesme quand il adjouste et du vray tabernacle. Mais on pourroit icy demander, si le tabernacle basti par Moyse, a été faux et basti à la volée. Car il y a une opposition tacite en ces mots. Je respons que ceste vérité de laquelle il parle, n’est point opposée au mensonge, mais aux figures seulement, mais aussi quand il est dit au chapitre [, v. 17 de S. Jean, la Loy a esté donnée par Moyse, mais la grâce et la vérité est faite (venue) par Christ. Cest ancien tabernacle donc n’a point esté quelque vaine invention de l’homme, ains (mais) l’image du tabernacle céleste. Toutesfois pour ce qu’il y a différence entre l'ombre et le corps, item entre la signification et la chose signifiée, lapostre dit que ce n’a point esté un vray tabernacle ; comme sil disoit que çà esté seulement un tabernacle en ombre et figure. Lequel le Seigneur a fiché et non point l’homme. Que veut dire l’apostre en ce qu’il colloque la sacrificature de Christ au ciel ? Car certes il a enduré en ce monde , et a effacez nos péchez par son sang terrien , d'autant qu’il avoit pris son origine de la semence d'Abraham : le sacrifice de sa mort a esté visible : brief, pour servir à son Père, il a falu qu’il soit descendu du ciel en terre, et qu’il ait esté fait homme,
sujet aux misères de la vie mortelle, et enfin à la mort. Je respon que tout ce qui apparoist de terrien en Christ de prime face, doit estre spirituellement considéré des yeux de la foy. Par ce moyen, sa chair qu’il avoit prise de la semence d'Abraham, a esté vivifiante d’autani qu’elle estoit le temple de Dieu : mesme la mort de Christ a esté la vie de tout le monde, qui est certes une chose par-dessus nature.
Ainsi, l’apostre ne regarde pas seulement la propriété de la nature humaine, ains plustost la vertu secrète du S. Esprit, qui est la cause que la mort de Christ ne sent rien de terrien. - Parquoy, quand il est question de Christ, apprenons à eslever tous nos sens au royaume de Dieu : par ce moyen il ne nous restera plus de scrupule. S. Paul parle presque cette manière au chap. V de la 2° aux Corinthiens. Il appelle Dieu ouvrier de ce tabernacle, pour monstrer que l'estat d’iceluy sera stable et perpétuel ; comme au contraire , les choses basties des mains des hommes sont caduques, ou pour le moins sujetes à ruine. Or la cause pourquoy lapostre parle ainsi en ce présent passage, c’est pour ce que la rédemption acquise par la mort de Christ a esté une œuvre vrayement divine, et qu'en icelle s’est montrée la puissance de Christ d’une façon admirable. »
