N II

1562 (n. st.), mars 13. — Montceaux.

Lettres patentes du roi Charles I\

nommant le cardinal de bourbon son lieutenant général

a Paris et lieux circon voisins.

Arch. Nat., X*' 862'!, f° 233 v".

Charles, par la grâce de Dieu n>y de France, à tous ceulx qui ces présentes lettres verront, salut. Pour ce que nos affaires, selon qu'ils s'estendent par tous les lieux et endroicts de nos royaume et pays, nous appellent en certains lieux où nostre présence est grandement nécessaire et qu'il est forcé que, pour y aller, nous nous eslongnons de nostre bonne ville et cité de Paris, qui est la capitale de nostre royaume et l'exemple de tout nostre peuple, nous avons estimé, pour estre les troubles que suscite la diversité des opinions en la religion tels en nostre royaume que chacun les scait et congnoist et pour n'en avoir esté ladite ville exempte jusques à présent, qu'il est plus que requis et nécessaire que pendant nostre ahsenceet eslongnement il y ait résident en icelle \ille ung bon, grand et vertueux personnage, de crédit et authorité notable, auquel nous aions entière et parfaicte seureté et fiance, et qui soit à nos subjects, bourgeois, citoiens et habitans d'icelle ville agréable pour les tenir et conserver en union, amitié, dévotion, craincte et obéissance envers nous, et qui en ce faisant pourvoie et obvie à ce qu'il n'advienne aucunes émotions, séditions, mutineries, murmures et autres semblables choses que la diversité desdites opinions en la religion peult facilement apporter et engendrer parin\ nng peuple composé de gens différends d'estats et qualités et de diverses nations, comme est celluy dudil Paris; Savoir faisons (pie. après (pie nous avons consulté et prins ad\ is de cesl affaire avec nostre très chère et très aînée daine et mère la royne, nostre très cher et liés amé oncle le ro\ de Navarre, nostre lieutenant général représentant nostre personne par tous nos royaume et pays, et avec autres princes de nostre sang el gens de nostre conseil privé, considérans que pour tel effect nous ne scaurions faire meilleure élection que de la personne de nostre liés cher el lié-; aîné cousin le cardinal de Bourbon, tant pour le respect de ses suffisance, pfeudhomie, dextérité, intégrité, bonne conduicte, loiaulté, expérience el grande diligence, que aussi pour la proximité de sang et lignage dont il nous attouche

et attient, et la singulière affection qu'il porte à nous, nostre service el au bien et prospérité de nos affaires en la direction desquels il s'employe ordinairement en nostre conseil privé avec tel el si bon devoir qu'il est digne de louange et nous donne grande occasion de contentement et satisfaction, icelluy nostre dit cousin, pour ces causes et autres bonnes et justes considérations à ce nous mouvans, avons faict, ordonné, constitué et estably, et par la teneur de ces présentes faisons, ordonnons, constituons et establissons nostre lieutenant général représentant nostre personne en nostre dite ville et cité capitale de Paris et autres villes et lieux circonvoisins avec plain pouvoir, puissance, authorité, commission etmandement spécial de convocquer, assembler et faire venir devers luy, toutes et quanteiïois que bon luy semblera et que l'affaire le requerra, tel nombre de nos amés et féaulx présidens et conseillers de nostre court de parlement, maistres el auditeurs de nos comptes, généraulx de la justice de nos aydes qu'il advisera et semblablement les prévost des marcbans, eschevins. officiers et magistrats de ladite ville, de quelque authorité et qualité qu'ils soient, et les prélats, chappitres, communaultés, collèges, nobles, bourgeois, ciloiens, manenset habilans d'icelle pour adviser, regarder et consulter des choses qu'il verra estre requises et nécessaires et qui toucheront tant nostre dit service, le bien de la chose publicque, seureté et conservation de nostre dite ville de Paris que des personnes et biens des bourgeois, manens et habitans d'icelle, les contenir en amitié, union et concorde les ungs avec les autres et en l'obéissance qu'ils nous doivent sans permettre que pour faict de religion ny autre occasion ils s'entre-injurient, irritent, offensent ny provocquent les ungs les autres à débats, querelles et séditions ; et à ceste fin fera cesser tous ports d'armes, pistoles et pistolets, fera garder et observer nos édicts et ordonnances tant sur le faict desdils ports d'armes, pistoles et pistolets que pour garder et empescher lèsdites séditions et semblablement nostre dernière ordonnance du dixseptiesme janvier faicte pour le repos et tranquilité de ladite ville, et. pour faire vivre nos subjects, manens et habitans d'icelle en pacification, enrôles qu'il v ait entre eulx quelque diversité d'opinions en la religion, commandera el ordonnera aux ungs et aux autres tout ce qu'il congnoistra estre à propos et convenable; el. s'il vcoit que pour se faire obéir il ait besoing de force, fera lever et mettre sus pour ung prompt effecl tel nombre de gens de pied et de cheval qu'il advisera par tels bons et suffisans capitaines qu'il choisira pour les employer el exploicter en ce qui sera requis soit dedans ou dehors ladite ville de Paris pour le bien de noslie dit service, seureté el conservation du repos d'icelle ville et pour tels autres effecls qui

s'offriront ; ordonnera et disposera de l'artillerie, pouldres, boulets et

munitions que nous avons en ladite ville pour les départir en tels lieux qu'il verra nécessaire et tiendra au surplus la main au faict de la justice : fera punir exemplairement ceulx qu'il trouvera mutins, séditieux, rebelles et désobéissais à nos dits édits et ordonnances et à ses commandemens, décrets et ordonnances, et généralement fera, exécutera et exploictera en toutes etchacunes les choses susdites et autres dépendans de la charge de nostre lieutenant général en nostre dite ville de Paris et lieux circonvoisins, durant nostre dite absence, tout ce qu'il verra et congnoistra estre à propos requis et convenable pour le bien de nos affaires, repos et tranquilité d'icelle ville et autres effects cy-dessus déclairés, selon la parfaicte et entière fiance que nous avons en luy et tout ainsi que nous-mesmes ferions et faire pourrions si présens en personne y estions, jaçoit que le cas requist mandement plus spécial. Si donnons en mandement par ces présentes à nos amés et féaulx conseillers les gens tenans nostre court de parlement, gens de nos comptes, généraulx de la justice de nos aydes à Paris, prévost dudit lieu ou son lieutenant, prévost des marchans, eschevins, officiers, magistrats, prélats et autres gens d'église, chappitres, communaultés, collèges, nobles, bourgeois, manens et habitans de nostre dite ville de Paris et à tous nos autres justiciers, officiers et subjects et à chacun d'eulx, si comme à luy appartiendra, que, en faisant, souffrant et laissant nostre dit cousin le cardinal de Bourbon joir et user des pouvoirs, puissances, authorités et facultés cy-dessus déclairées par nous à luy données et autres qui dépendent de ladite charge de nostre d'il lieutenanl général, ils aient à luy obéir et faire obéir et entendre diligemment de tous ceulx et ainsi qu'il appartiendra et besoing sera es choses touchans et concernans icelle charge, sans y faire aucune faulte ni difficulté, en mandant en oultre aux gens de nostre dite court de parlement faire lire et enregistrer ces dites présentes, lesquelles en tesmoing de ce nous avons signées de nostre main et à icelles faicl mettre nostre seel. Donné à Montceaux le treiziesme jour île mars l'an de grâce mil cinq cens soixante ung, el de nostre règne le deuxiesme.

Ainsi signé soubs le reply : Chaiu i -.

Et sur le reply : Parle Roy estanl en son conseil : Bourdin.