N" III

1563. mars: commencement]. — S. 1.

Lettre du cardinal de Bourbon a Anne d'Esté,

DUCHESSE DE GuiSE*.

Bibl. Nat., t'. fr., ms. 34i8, f° 16, autographe.

Le cardinal expose à la duchesse les démarches faites pour lui faire obtenir la dispensa nécessaire à son mariage.

A Madame, Madame la duchesse de Guyse.

Madame, j'é receu la lettre qu'il vous a plu m'escripre par le sieur de Salcéde et congnoys bien la bonne voulunté qu'il vous plaict me porter et comme vous escripvés à monsieur le cardinal vostre frère i pour ma dispence, que je croy que, quant y aura entandu Testai où est maintenant ce réanime et pour le bien publiq, il me donnera le mesme conceil qui m'a donné aultrefoys. Monsieur de Lanssac a escript à la rainne que, touchant mon affaire, qu'il fault premièremant s'adresser au pape et puys le concilie l'aprouvera, mais aultremant il trouvoyt la chose difficille. C'est, Madame, le chemin que j'é esté toujours d'advis ; j'espère, comme m'escript monsieur le cardinal d'Àrmignac, que le pape me le commendera et non poinct m'en prira. J'atends ce qu'il plaira à Dieu. La rainne a despèché le chevalier de Sévre et luy a commendé de poursuivre vivemant mon affaire. Je vous supplie très humblemant, Madame, de faire entandre à monsieur le légat l'obligation que j'ay à son endroict de ce qu'il l'a escript pour moy. Et au demeurant, Madame, je vous supllie croire que je vous serez ung jour ung des plus obéissans de tous voz en fans et que je ne désire en ce monde que l'acomplisscinanl de cest affaire pour vous servir et aymer messieurs voz enffans comme mes frères. El quant à voz affaires de par deçà, vous en aurez les despèches comme vous les voulés et de nia part, Madame, je vous serwray et obévrav toutte ma vie en ce qu'il vous plaiera me commander. Quant aux nouvelles de deçà, la paix est faicte si ne survient anltre difficulté, car nous accordons l'exercice de leurs relligion ; et vous assure. Madame, que monsieur le conneslable ne ce rend poinct difficille en reste paix, niais

1. Le cardinal de Lorraine, qui riait alors au concile de Trente.

la procure ce qu'il peult, et veoyt-on bien qui ce congnoist à faire des traictés de paix. Nous ne partirons encores sitost de ce lieu, car il y aura beaucoup de poinctz encores à vuyder. Je croy que ce sera pour tout ce moys d'avant que tous les estrangiers soyl sorti hors du réaulme. Ce qu'il surviendra, je ne faulderay vous advertir et nie pardonnerés, Madame, si je vous importunne plus de mon faicl que des aultres, car je croy que vous me teués pour vostre très humble et très obéissant cousin,

Charles, cardinal de Bourbon.