OU DE

il qui mist cest conte en romans,/". 68 c Ou il a fet noter biaus chans Por ramenbrance des chançons,

Veut que ses pris et ses renons

Voist en Raincïen en Champaigne,

Et que li biaus Miles Papregne

De Nantuel, uns des preus del règne ;

Car aussi com l'en met la graine

Es dras por avoir los et pris,

Einsi a il chans et sons mis

En cestui romans de la Rose,

Qui est une novele chose,

Et s'est des autres si divers

Et brodez par lieus de biaus vers,

Que vilains nel porroit savoir.

Ce sachiez de fi et de voir, Bien a cist les autres passez ; Ja nuls n'iert de l'oïr lassez, Car, s'en vieult, l'en i chante et lit,

20 Et s'est fez par si grant délit

Que tuit cil s'en esjoiront Qui chanter et lire l'orront, Qu'il lor sera nouviaus toz jors.

Il conte d'armes et d'amors

25 Et chante d'ambedeus ensamble.

S'est avis a chascun et samble Que cil qui a fet le romans Qu'il trovast toz les moz des chans, Si afierent a ceuls del conte.

3o Si commence ici son conte.

JCn l'empire ou li Alemant

Ont esté maint jor et maint an,

Si com li contes dit, segnor,

Ot jadis un empereor :

35 Corras ot non de par son père,

Qui devant lui fu emperere.

Moût le tindrent les genz a preu;

Ne vos avroie hui conté preu

Quels hons il fu, car ne porroie :

40 Onqes au grant siège de Troie,

N'ot home si bien entechié;

Si haï moût vilain pechié

Et en esté mengier a fu.

Dès celé hore que il nez fu, 45 N'oï nuls issir de sa bouche

Grant serement ne lait reproche.

Moût se contint com sages rois : /. 68 d

27 le, ms . les.

Tôt fist par decrez et par lois Vers sa gent ce que fere dut.

5o Onques home ne mesconnut

Por poverte ne por richece.

Bien afferoit a sa hautece Ce qu'il ert sages et cortois.

De déduit d'oiseax et de bois

55 Ne savoit nus hom avant lui.

Il valoit de tels rois .j. mui Com il a puis el règne eii.

Par effors de lance et d'escu Conqueroit toz ses anemis :

60 Ja arbalestiers n'i fust mis

Por sa guerre en auctorité ; Par averté, par mauvesté Les tienent ore li haut home; Por demi le trésor de Rome

65 Ne vousist il, a droit n'a tort,

Q'uns en etist prodome mort En son ost, nés son anemi.

Et si portoit l'escu demi Au gentil conte de Clermont,

70 Au lion rampant contremont

D'or et d'azur, et d'autre part.

Plus estoit hardiz d'un liepart Quant il ert armez, l'escu pris.

Et savez dont ge moût le pris?

y 5 Sa justice et s'envoiseûre

Par ert de si grant tempreure Q'en n'i trovast ja point d'outrage; Sa hautece et son vasselage Bessoit moût selonc sa franchise ;

80 S'estoit a toute gentelise

Apers et dous et ademis.

62 Ms. mauvestié.

Se frans hom se fust en lui mis

De riens dont nus le querelast,

Por mil mars d'or, qui li donast, 85 Nel soufrist il a forsjugier.

Il ne haoit pas de legier;

Ne n'amoit riens contre s'onor.

Quant il savoit viel vavassor

Ne dame veve en poverte, 90 A ciaus estoit sa main overte,

Et donoit robes et avoir.

Ne voloit autre moeble avoir,

Mes grant plenté de chevaliers. /. 6g a

Joiax, dras de soie et destriers, 95 Lors donoit il a grant plenté.

Toz jors, et iver et esté,

Estoit sa cors granz et pleniere.

De mainte diverse manière

I fesoit chascuns son mestier.

100 II ne lessoit bon chevalier,

En son pais por qu'il errast,

Qu'il ne retenist ou donast,

Selonc son pris, terre ou chastiax ;

Ne portoit autres mangoniax io5 A ses guerres n'autres perrieres.

Cil portent lances et banieres

Por lui au partir de l'estor;

Cil prenoient les hautes tors;

Cil ardoient les granz chastiax; r 10 N'i portent autres mangoniax

De Tost de hors a ces dedenz ;

II menjassent ainçois as denz Les hourdeïs desor les murs :

Bien en ert lor sires seùrs;

1 1 5 Ja n'asseïst riens ne fust prise,

99 M s. Il fesoit.

Puis qu'il avoit la chose emprise.

Tel trésor doit rois amasser Por qu'il puist confondre et quasser Ses anemis, a son pié mètre.

1 20 Ijien s'en sot icist entremetre,

Qu'il n'avoit encor point de feme;

Mes, le voeil a ceaus de son règne,

En eiist il prochainement,

Moût en parloient tuit sovent 125 Li haut baron li un as autres :

« Se ciz bers, qui est mieudres d'autres,

« Muert sanz hoir, nos somes tuit mort. »

Nature les prent et remort

Qu'il a entr'ax norriz esté, i3o Et si lor a maint jor porté

Moût grant honor et fet grant bien,

Et s'il moroit sanz hoir, por rien

Ne seroient il jamès lié.

Por ce l'en ont moût arresnié 1 35 Li plus haut prince de son règne ;

Mes genvrece qui en lui règne

Ne Pi lessoit pas acorder,

Ainz fet les granz trez encorder,

Ses aucubes, ses pavellons, /*. 6g b

140 En esté quant il est sesons

De déduire en prez et en bois.

Des citez s'en issent manois

En cez granz forez por esbatre;

Dedenz .iij. jornées ou .iiij.

145 Ne lessoit conte ne contesse

Ne chastelaine ne duchesse

Ne dame qu'il n'envoiast querre

1 18 Ms. Por qu'il fust.

Dedenz . vij. jornées de terre, Ne vavassor a bone vile ;

i5o Qu'il ne donast pas une bille

Que coustast, mes qu'a gré fust fet, Por ce qu'il veut qu'il soit retret, Quant il ert morz après sa vie.

De biaus gieus et sanz vilonie

i5i> Se joe ovoec ses compaignons.

Il porpense les ochesons Comment chascuns fera amie.

Or sachiez qu'il n'i faudra mie Qu'il ne l'ait, por riens qu'il puist 1ère,

160 Li bons rois, li frans debonere.

Il savoit toz les tors d'amors.

Au matin quant paroit li jors, Lores venoient li archier De devant son tref por huchier :

1 65 « Or sus, segnor, s'irons en bos! »

Lors oïssiez soner cez cors Por esvellier cez chevaliers Et ces viex chenuz croupoiers ; Fesoit chascun baillier .j. art.

170 Onques voir, puis le tens roi Mart.

Empereres ne sot vuidier Si bien pavellon d'encombrier.

Moût estoit sages et voiseus:

As jalous et as envieus i 75 Fesoit baillier espiez et cors,

Si montoit ovoec jusq'au bos, Por ce que il ne retornassent; As uns, a proie qu'il alassent Boissoner ovoec les archiers,

162 Ms. quant parut.

180 Et li autre, as liemiers,

Povr sievre, qui sont bon as cers ;

Tant lor baiile deduiz divers

Qu'il s'en tindrent bien a paie.

Et quant il furent avoié 1 85 E mis en la haute forest, /, 6g c

Au déduit qui moût miex li plest

S'en retorne lues droit arrière

Par une anciene charriere,

Soi tierz de chevaliers riant.

190 Et si bon chevalier errant,

Qui s'estoient debrisié dermes,

Se dorment de desoz cez charmes

En paveillons de draz de soie :

James, voir, en lieu ou ge soie, 195 Ne verrai gent a tel solaz

Ne tante dame estroite a laz,

En chainses ridez lor biauz cors :

S'ont chevex ondoianz et sors,

Chapelez d'or a clers rubiz ; 200 Et cez contesses en samiz

Et en draz d'or emperials,

Em pur lor biax cors sanz mantiaus;

Et ces puceles en bendez,

A chapelez entrelardez 2o5 De biax oisiaux et de floretes;

Lor genz cors et lor mameletes

Les font proisier de ne sai quanz.

De corroietes, de blans ganz,

Krent moût bien enharneschiées.

210 Tôt chantant es tentes jonchiées

Vont as chevaliers quis atendent,

Qui les braz et les mains lor tendent;

Ses traient sor les covertors.

200 cez ms. ses. — zo3 corr. en cendezr

Qui onqes fu en tels estors 2i5 Bien puet savoir quel siècle il orent.

Moût lor est poi se cil demorent

Qui estoient aie en bos.

Et l'empereres, les galos,

Ert ja repériez a sa tente 220 Vers cez qui ont moût autre entente

Que cil qu'il a el bois lessiez;

En .j. tref point toz eslessiez,

Criant : « Ça, chevalier, as dames! »

il ne pensent pas a lor âmes ; 225 Si n'i ont cloches ne moustiers

(Qu'il n'en est mie granz mestiers),

Ne chapelains fors les oiseaus.

Moût orent tuit de lor aveaus.

Dex ! tant beaus chans et tant beaus diz, 23o Sor riches coûtes, sor beaus Hz,

I ot dit ainçois qu'il fust prime! /. 6g d

Et quant tens de lever aprisme.

Lors veïssiez genz acesmer.

De samiz, de dras d'outremer, 2 35 De baudequins d'or a oiseaus,

Orent et cotes et manteaus

A pênes fresches bien ovrées,

D'ermine et de gris chevronées

A sables noirs, soef flerans :

240 Si bêles genz, si acesmans

Ne troveroit on ore mie.

L'empereres ne se vout mie

Miex vestir que rirent li autre :

De .ij. samis de l'un en l'autre 245 Fu la soe robe bendée ;

Savez qui moût l'a amendée ?

Une pucele li atache

De ses mains une bêle atache

Des laz de sa blanche chemise;

25o La bêle main dont el l'a mise

Ait or .c. foiz bone aventure !

Et si li change sa ceinture

A une corroiete blanche;

Or la gart bien la preuz, la franche!

255 Que sanz Por valent bien les pierres,

Les esmeraudes verz com ierres,

.XL. marz entre .ij. frères.

Beneoiz soit tex empereres!

uant il furent levé vers tierce, 260 Par le bois vont joer grant pièce,

Toz deschaus, manches descousues,

Tant qu'il sont es illes venues;

As fonteneles qui sordoient

Moût près de la ou il estoient 265 Logié el bois por le déduit,

Ça .ij., ça .iij., ça .vij., ça .viij.,

S'assieent por laver lor mains.

Li lieus n'estoit mie vilains,

Ainz estoit verz com en esté, 270 Et si avoit moût grant plenté

De floretes indes et blanches.

Ainçois qu'il cousissent lor manches,

Lèvent lor oils et lor beaus vis.

Les puceles, ce m'est avis, 27D Lor atornent fil de filières

Qu'eles ont en lor aumosnieres ;

Or ne sai ge que riens lor faille.

As dames, en lieu de tovaille, f. yo a

Empruntent lor blanches chemises; 280 Par ceste ochoison si ont mises

Lor mains a mainte blanche cuisse :

Je ne di mie que cil puisse

Estre cortois qui plus demande.

Et li disners et la viande 285 Est aprestez, napes assises,

Et les dames se resont mises

Au retour, et li chevalier.

Qui ne prisent mauves dangier

La coue d'une violete, 290 Ains chantent ceste chançonete :

E non Deu sire, se ne l'ai L'amor de lui, mar l'acointai...

Ainz que ceste fust dite tote, Commence uns autres en la route :

295 La jus desoz la raime,

Einsi doit aler qui aime.

Clere i sourt la fontaine, Ya!

Einsi doit aler qui bêle amie a...

3oo Ainz qu'ele fust bien commencie, Une pucele secorcie

D'un trop biau chainze, a .j. blont chief. En recommence de rechief :

Se mes amis m'a guerpie , 3o5 Por ce ne morrai ge mie...

Ainz que ceste fust bien fenie, Une dame sanz vilonie, Qui ert suer au duc de Maience, Haut et seri et cler commence :

3 10 Main se leva bêle Aeliz.

Dormez, jalous, ge vos en pri.

Biau se para, miex se vesti,

Desoz le raim.

Mignotement la voi venir, 3 j 5 Celé que j'aim.

Et li gentiz quens de Savoie Chante ceste tote une voie :

Main se leva bêle Aeliz.

Mignotement la voi venir.

320 Bien se para, miex se vesti

En mai.

Dormez, jalous, et ge m;envoiserai...

Et li quens de Luce le bourc, Qui amoit iloec par amor 32Î> Une dame de grant solaz,

Qui chantoit de mains et de braz

Miex que dame qui fu pieça, J. yo b

Por Tamor de li commença :

C'est tôt la gieus el glaioloi.

33o Tenez moi, dame, tenez moi.

Une fontaine i sordoit, ae !

Tenez moi, dame, por les maus d'amer,..

Si chantant en itel meniere,

Resont tuit revenu arrière 335 Trusqu'as trez ou il ot bel estre,

Car cil qui de ce furent mestre

Les ont d'erbe fresche jonchiez ;

Biaus les ont fez et affetiez

Et ont osté coûtes et liz; 340 Ensamble metent cez tapiz

Por estre a gregnor largete'.

Variez 1 ot a grant plenté :

Iloec lor ont levé donée.

Que la viande ert aprestée, 345 Tables mises et napes bêles.

Li chevalier et les puceles

Et les dames sirent par tires.

Ne se contint pas corne sires,

Car ses granz senz et sa proece, 35o Sa bonté et sa grant largece

L'assist moût plus bas que ne die:

Ce li vint de grant cortoisie ;

Et le viel duc de Genevois

Fist il seoir a son haut dois, 355 A son col riches piax de martres.

Or cuit que li vesques de Chartres

S'amast miex iloec qu'en .j. sane;

Que chascuns i garist et sane

Ses oils d'esgarder les merveilles, 36o Tantes faces cleres, vermeilles,

Et cez douz viz Ions et traitiz,

Et cez biaus sorcils porvoutiz,

Et cez blons chiez et cez biaus cors.

Et quant li quens de Sagremors 365 Ot chanté une chançonete,

Viande orent et bone et nete,

Vin cler et froit de la Muselé,

Et vaisselemente novele,

Pastez de chevrols et lardez, 370 De ce i ert granz ia plentez,

De chevriex, de cers<et de dains,

De fromages et cras et sains

De la rivière de Clermont; /. yo c

N'est riens qui a viande mont, 375 Por qu^le soit bone en esté,

Dont il n'i ait a grant plenté

Et a devise et a soushet.

N1i a chevalier ne s'enhait

Por Femperere qui s^envoise.

OU DE GUILLAUME DE DOLE i'3

38o Et c'est droiz que chascuns aoise

Sa joie por s'envoiseûre,

Conqes si gentil créature

Com il ert ne but ne menja ;

Et, son voeil, ne pensast il ja 385 S'a armes non et a amors,

Et s'ot tant autres bones mors

Conqes tex bers ne fu, s'il vit.

Moût li sist et plot ce qu'il vit

De sa terre et de son roiaume 390 Tante pucele et tante dame

Et tant bel chevalier de pris.

Li serjant, qui furent apris

D'oster les nappes, quant il virent

Que nus ne menja, si en firent 395 Ce qu'il durent moût bêlement;

Li vallet saillent erroment

Por Peve as bacins, si la donent.

Sachiez que maint s'i abandonent

Por tenir au bon roi ses manches, 400 Et cez dames a cez mains blanches

Dont moût lor plesoit la veûe ;

Quant la première ot Peve eue

Et cil et celés qui en voudrent,

Et les bêles dames envoudrent 4o5 Lor mantiax entor lor biax cors,

Et la feste commença lors

Des estrumenz et de déduit.

IVlouT tarja poi après, ce cuit, Quant li veneor, li archier 410 Qui alerent nui main chacier,

Et li chevalier por esbatre, Ou par .iij. chemins ou par .iiij., Repairent fesant lor menées,

Grant plenté de bestes troussées, 4i5 Chevriex, biches, et cers de cresse;

Quant la noise des cors apresse,

Et cil qui portent les forchiez

Ou il ont mises lor daintiez,

Et cil as cors de cerf ramuz . f.yod

420 Lors n'i remest granz ne menuz

Es pavellons qui ne s'en isse

Encontre ciaus qui mainte bische

Orent le jor tolu la vie.

Tuit dient qu'il ont grant envie 425 De ce qu'il n'i furent aie.

Cil veneor mal atirié,

Cil qui avoient buisiné,

S'en revindrent moût hericié,

Es ledes chapes de grisan 43o Qui ne furent noeves oan,

Et heuses viez, rouges et dures,

Et roncins durs sanz ambleûres,

Et sont en sanc jusq'as jarrez;

Et ont derrier euls lor brachez 435 Et les Tiens desor les braz;

Il ne portèrent roiz ne laz,

Ainçois pristrent a forçoier

.III. cers, sanz ce que li archier

Ocirent ciax q'as mains lor vint, 440 Qu'il en ocistrent plus de .xx.,

Biches, chevriex, lièvres, goupiex,

Qui ont par devers les cortiex

Dan Constan tolu maint chapon.

Li keu firent la venoison 445 Destrousser, si la portent cuire;

N'i a nul qui de faim ne muire

De ceuls qui ont en bos esté :

443 Ms. constanz.

OU DE GUILLAUME DE DOLE ! b

Por ce ont li seneschal hasté

A la cuisine lor viande.

45o Queque l'empereres demande

A ses veneors des noveles,

Cez dames et cez damoiseles

S'en revont as tentes déduire,

Et cil qui ne voelent ciax nuire 45 5 Qui recontoient lor mençonges :

Vos deïssiez que ce fust songes

Des merveilles qu'il lor contoient.

Il se rit de ce qu'il mentoient,

Mes c'est coustume de tiex genz.

460 Après none fu beaus et genz

Li soupers, aprestez et cuiz.

Et serjans voiseus et recuiz

De quanque fere a cort covint

I ot assez, et quant ce vint 465 Qu'en reparla des napes mètre, /'. 7/ a

Bien fu qui s'en sot entremetre,

Q'assez i ot variez et genz.

As bacins, as vassiax d'argent,

Donent l'eve communément.

470 On les rassist si fetement

Com il orent sis au disner.

Cil qui vindrent del bois vener

Se sont d'une part tuit assis :

Qu'il ne sont mie si forsis 475 De viande com sont li autre ;

Tant en ont pris et d'un et d'autre

Qu'il n'en est mesure ne conte.

Li veneor n'orent pas honte

S'il orent boef au premier mes 480 As bons aus destrempé d'aigres,

Et puis oisons et mortereux.

465 Ms, qu'el reparla.

Il i ot tels des amoreus

Qui en menjassent bien, ce cuit,

Mes il souperent par déduit :

485 Lor daintiez et lor venoison,

Dont il i ot si grant foison, Nuls, tant fust povres, n'i failli.

Mes savez dont sont mal bailli?

Que il ne sevent q'est mesese :

490 Einsi les paist cils rois a ese.

uant il orent mengié assez

Et beli trestot a lor sez

[NJon pas rouge vin a tostées,

Quant les napes furent ostées, 493 II se sont tuit levé des tables ;

Puis sont aie joer as tables,

Et .iij. chevaliers d'autre part

Rejoent as dez, au hasart,

Denier a autre tresqu'a .vj.; 5oo Et li autre resont assis

Cil as eschez, cil a la mine.

Vïeleors a dras d'ermine

Vïelent par cez pavellons.

Les dames et les compegnons 5o5 L'empereor s'en issent hors,

Main a main em pur lor biau cors.

Devant le tref, en .j. pré vert,

Les puceles et li vallet

Ront la carole commenciée.

5 10 Une dame s'est avanciée, /. 7/ b

Vestue d'une cotele en graine;

Si chante ceste premeraine :

C'est tôt la gieus enmi les prez.

Vos ne sentez mie les maus d'amer.

1 1 5 Dames i vont por caroler.

Remirez voz bras, Vos ne sentez mie les maus d'amer, Si com ge faz...

Un valiez au prevost d' Espire 520 Redit ceste, qui n'est pas pire :

C'est la jus desoz l'olive, Robins enmaine s'amie :

La fontaine i sort série,

Desouz l'olivete 525 E non Deu, Robins enmaine

Bêle Mariete...

Geste iVot pas duré .iij. tours Quant li filz au conte d'Aubours, Qui moût amoit chevalerie, 53o Recommence a voiz série :

Main se levoit Aaliz.

J'ai non Enmelot.

Biau se para et vesti Soz la roche Guion.

535 Cui lairai ge mes amors,

Amie, s'a vos non ?. .

Et la duchesse d'Osteriche, Qui si estoit de beauté riche Q^en ne parloit se de li non, 540 Recommence ceste chançon :

Main se leva la bien fête Aeliz.

Par ci passe li bruns, li biaus Robins. Biau se para e plus biau se vesti.

Marchiez la foille, et ge qieudrai la flor. 545 Par ci passe Robins li amorous,

Encor en est li herbages plus douz...

Que de Robin que d'Aaliz,

Tant ont chanté que jusq'as Hz

Ont fêtes durer les caroles.

5 5o Se sire Oedes de Ronqueroles

Trovast tel roi, ce fust barnez ;

Mes li tens est si atornez

Q'on ne troeve mes qui bien face :

Por ce s'enledist et efface 555 Chevalerie, hui est li jors.

v^ele grant joie et ciz sejors

Dura bien ,xv. jors passez.

Quant cil qu'il avoit amassez

Voelent râler en lor pais, 56o Lors venoient, ce m'est avis,

Si biau présent et si biau don,

Et joiau de mainte façon

Qu'il done chascun et chascune; f.jic

Il n'i avoit dame nesune 565 Ne pucele qui noient vaille,

Gui il ne doinst ainz que s'en aille;

Et fet chascune tant d'onor

Qu'il désert sa grâce et s'amor.

Itels rois doit bien tenir terre 570 Qui se fet avoir et conquerre

L'amor et le cuer de ses genz.

Gist assembloit les parlemenz

Por veoir ses barons ensamble;

Il n'estoit mie, ce me samble, 575 De cez rois ne de cez barons

Qui donent or a lor garçons

bjo Corr. Qui si set :

Rentes et prevostez a ferme,

Dont les terres et il meesme

Sont destruites et il honi; 58o S'ont tôt le monde aviloni;

Ce met les prodomes arrière

Et les mauves en la chaiere :

Mal fet bers qes met en baillie ;

Que ja por nule segnorie 585 Nuls vilains n'iert se vilains non.

Cist empereres, cist prodom

Lor fu toz tens adès eschis;

De vavassors fesoit baillis

Qui aiment Deu et criement honte, 590 Qui s'onor et quanq'a lui monte

Li gardoient corne lor iex.

L'empereres voloit moût miex

Queli vilain et li bourjois

Gaaignassent de lor avoirs 595 Qu'il lor tolist por trésor fere;

Car, quant il en avoit afere,

Il savoit bien que tôt ert soen,

Et ce li venoit de grant sen,

Q'a son besoig estoit tôt prest 600 Et le chatel et le conquest;

Il n'en erent se garde non,

Et s'erent riche et de grant non

Et marcheant de grant avoir;

Il ne trovoient bel avoir 6o5 A nule foire ou il alassent

Ne biau cheval qu'il n'achatassent

Por présenter l'empereor :

Moût li fesoient plus d'onor

Cil présent que s'il les taillast.

610 Ja nuls marcheanz qui alast, f.jid

5gi Ms. corne lor oils.

Ne siens ne autres, par sa terre, Por nul besoig, por nule guerre, Ne soufrist qu'il fust destorbez; Tant larrons avoit essorbez, 6 1 5 Tant robeors fet essillier,

Si seiïr corn par .j. moustier Aloit chascuns parmi son règne.

Bien vit li haus princes et règne Qui si sagement tint sa terre.

620 k-)r avint que li quens de Guerre

Avoit guerre au duc de Baiviere ;

Por nul avoir ne por proiere

Nevoloit li dus doner trive :

L'emperere ala en la vile 625 Le conte, si les apesa,

Et fist tant que li dus besa

Le conte, mes ce fu a paine.

Moût fet bien prodom qui se paine

De pès querre en mainte manière.

63o En ce qu'il revenoit arrière

A .j. sien chastel sor le Rin,

S'iert .j. jor levez par matin,

Et li jors eschaufa vers tierce,

Et il ot chevauchié grant pièce :

635 Ce sachiez qu'il li anuia.

Un sien vieleor qu'il a,

Qu'on apele a la cort Juglet,

Fist apeler par un vallet.

Il ert sages et de grant pris 640 Et s'avoit oï et apris

624 Ms. L'empereres. On pourrait corriger {et peut-être lire) ainsi les v. 623-4 :

Ne voloit li dus doner triue :

L'emperere ala en l'aiue...

Mainte chançon et maint biau conte;

Li valiez ert filz a un conte.

Si Tapela tant que cil vient.

Fet Tempereres : « Se te vient 645 « D'orgoeil ou de mélancolie,

« Que tu hez tant ma compegnie?

« Dehez ait sanz moi qui t'aprist! »

En riant par le frain le prist,

S'issent fors del chemin amdui.

65o Fet li empereres : « J'ai hui

« Certes eu moût grant someil ;

« Aucun conte dont ge m'esveil

« Me conte, » fet il, « biaus amis. »

En riant li a lores mis 655 Le braz senestre sor Tespaulle.

Fet il : « Nel tenez mie a faule, /. 72 a

« Une mervelle qui avint

« Uns bachelers, qui de la vint

« Ou ce ot esté, me conta.

660 « En celé Champaigne hanta

« Uns chevaliers preus et vaillanz,

« Et si ert biaus et avenanz

« Et de moût sage contenance.

« Si amoit une dame en France 665 « En celé marche de Perchois;

« Por riens q'en li meïst a chois

« Ne lessast il qu'il n'i alast.

« Il n'est chevaliers, s'il Pamast,

te Qu'il ne cuidast bien estre rois 670 « La biauté, le pris del Barrois,

« Au jor que plus en pot avoir,

« Ce sachiez de fi et de voir,

« Si fu noienz avers cestui. »

Fet li empereres : « Meshui 675 « N'avrai ge talent de dormir,

« Car pleûst or au S. Espir,

« Si m'eiïst cousté .v. c. mars,

« Et que mes chastiax fust toz ars

« Anquenuit ainz que g'i entrasse, 680 « Par covent que ge encontrasse

« Un autre tel corne cil fu,

« Si fust tote la vile en fu,

« Diex, com fust or sires de mi !

« N'iert pas la dame sanz ami 685 « Qui si l'avoit preu et vaillant!

« Par Deu, Juglet, or di avant

« Se la dame fu si plesanz

« Endroit soi com cil fu vaillanz?

— Ce fust mervelle, ce m'est vis, »

690 Fet Juglès, « ce que ge devis;

« Cil fu moût preuz, mes c'est noienz

« Avers celi de cui comenz

( A descrivre com el ert bêle :

« Sa bloie crignc recercele 69D « En ondoiant aval le vis:

« A flor de rose, a flor de lis

« Samble la face de color,

« Car la rougeur o la blanchor

« I fu moût soutilment assise.

700 « De riens n'i fu pas entreprise

« Nature qui la fist tant bêle,

« Qu'en tôt le mont jusq'a Tudele /'. 72 b

<i Ne peûst Pen sa per trover.

<< Les oils ot beaus por esgarder, 705 « Vairs et clers plus que n'est rubis,

« Sorcils bien fez, Ions et tretiz,

« Non pas joignans, c'est veritez ;

(( Les denz de la bouche et le nez

« Avoit toz fez par majestire. »

71c N'aprist pas hui si a descrire

Qui l'embeli en tel meniere.

u Moût par avoit simple la chiere,

« Blanche poitrine, blanc le col, « Il n'ot si bêle jusqu'à Dol; 71 5 « Cors ot gent, biaus braz, bêles mains.

« Nus ne peiist estre vilains « Por qu'il fust en sa compegnie; « Tant ert plaine de cortoisie « Et de sens o la grant beauté !

720 « Ce sachiez vos de vérité,

« Qu'ele ert tel com ge la devis.

— Or tien, » fet il, « cest mantel gris, « Certes, qu'il est bien emploiez.

« Je voudroie estre el cors plaiez, 725 « Mes que ge mort n'i receûsse,

« Par tel covent que ge seiisse « S'en France a mes tele ne tel; « Ja Diex ne me maint a l'ostel « S'il i a lieu, se gel savoie, 73o « Que demain ne fust a la voie

« Li messages por l'aler querre; « Et s'il voloit avoir ne terre « Et bon segnor et bon ami, a Tost avroit recovré en mi.

735 « De la dame ne di ge mie :

« Toz i morrai sanz tele amie, « Q'en mon règne n'a sa pareille. »

Fet Jouglès : « Vos dites mervelle, « Que n'est ne si preuz ne si bêle 740 « Ne chevalier ne damoisele,

•a Q'ausi bêle encore ne soit « Et ausi preuz, ou que ce soit.

« Si vos di bien que g'en sai une, « Et que ge n'ai doné nesune 745 « Beauté celi que ceste n'ait :

« Ce dit bien chascuns qui la voit ;

(( Et si sai bien com el a non,

« Que ses frères est de haut non /. 72 c

a Et de moût gregnor pris encore y5o « Que cil dont ge vos disoie ore,

« Qui si estoit bien entechiez.

— Biaus amis Jouglet, or sachiez, « Se ge de ce puis certains estre,

« De bone heure vos fist Dex nestre,

j55 « Qua toz jors mes vos en ert miex;

« Einsi joie ge de mes iex, « Se ge par vos sai le manoir « Et la terre ou il puet manoir, « Cil qui tant est et preuz et biaus.

760 « Tient il ne cité ne chastiaus ?

« De quel richece puet il estre? »

Fet Jouglès : « Onques ne pot pestre « De sa terre .vj. escuiers, « Puis qu'il fu primes chevaliers;

765 « Et s'est et a gris et a ver

« Toz tenz et esté et iver, «* Et a soi tiers de compegnons ; « Car ses granz pris et ses renons « Et ses granz cuers et sa proece

770 <<: Le porvoit si bien et adrece

« Qu'il a terre et avoir assez.

— Moût a Dex en lui amassez

« Toz ses granz biens, » fet l'emperere. « Moût puet estre lie la mère 775 « Qui porta filz de si haut cuer.

a Bien me devroit on geter puer, « Se je ne l'ai a compegnon.

« Or me di cornent il a non.

— Guillame de Dole l'apelent 780 « Tuit cil qui el païs repèrent,

11 Non pas par ce qu'ele soit soe.

~ Di moi dont por qoi s'en avoue?

— Qu'il en maint près a un plessié; « S'a par Dole plus essaucié

785 « Son sornon que par une vile,

« Ce vient plus de sens que de guile. »

Fet l'empereres : « Ce fet mon,

a Et sa suer cornent a a non,

« Qui si a bel et gent le cors?

790 — Sire, el a [a] non Lïenors,

« Ce dit li nons de la pucele. »

Amors Ta cuit d'une estencele

De cel biau non moût près dei cuer ;

Or li seront, sachiez, d'un fuer /. 72 d

795 Totes les autres por cesti.

— Beneoiz qui cest non basti,

« Et li prestres qui fu parrins !

« Il fust arcevesqes de Rains,

« Se je fusse sires de France.

800 — Or n'i a fors de l'aliance

« Fere erroment entre vos .ij., «>

Fet Jouglès. — « Si te consaut Dieus,

Or me rembeliz la pucele. »

Cil s'aperçoit moût bien que celé 8o5 Li plesoit ja par oïr dire,

Et au samblant que il remire,

Li est avis qu'il l'aime ja.

« Juglet, » fet il, « ne me di ja

« Ne plus ne mains que tu en sez :

810 « En la moitié a el assez

« De sa beauté por estre dame

« Ou d'un empire ou d'un roiaume,

« Se m'en as la vérité dite. »

Lors li a cil moût bien descrite 81 5 La gentil pucele honorée.

« Ha! Dex! com buer fu onques née,

« Et cil plus cui ele ameraî

« Sempres covient savoir qu'ira

796 Ms. Beneoit soit qui.

2b ROMAN DE LA ROSE

« Querre son frère le matin, 820 « A cui ge me doig et destin

« Por servir de cuer et de cors. »

En riant li dit Jouglez lors,

Qui ert sages et apensez :

« Del cors veoir avra assez, 825 « Qu'il n'est mie si covoitous,

« Et Lïenors as blons chevouls

« Avra le cuer, se m'en créez. »

Fet il en riant : « Gars provez,

« Gom ez ore de mal apens !

83o « Or cuides tu voir que ge pens

« Mains au frère q'a la seror ?

« En mon roiaume n'en m'onor

« N'afferroit pas q'el fust m'amie,

« Mes por ce qu'el n'i porroit mie 835 « Avenir, i voel ge penser.

« Or nos a fet soef passer

« La jornée, soe merci.

— Je lairai nostre conte ici,

0: Et vos savez bien ou ge lès ; 840 « Il est bien tens d'atendre huimès J. j3 a

« Nostre route et noz compegnons. »

Fet il : « Tu diz voir, or poignons. »

Et si chante ceste chançon

En Tonor mon segnor Gascon :

845 Quant flors et glais et verdure s'esloigne, Que cil oisel n'osent .j. mot soner, Por la froidor chascuns crient et resoigne, Tre's q'au biau tens qu'il soloient chanter ; Et por ce chant, que nel puis oublier,

85o La bon' amor dont Dex joie me doigne, Car de li sont et vienent mi penser —

Ainçois qu'il l'aient dite toute.

Estoit ja li plus de la route, El chastel et li ostel pris.

85 5 L/empereres, qui ot le pris

Entor lui de chevalerie, Erroment o grant compegnie Est entrez el chastel après Par une porte de ciprès;

860 Au paies vienent, si descendent.

Li seneschal les i atendent, L'eve aprestent, napes sont mises.

NU ont pas fet granz ademises, Ainz en fist on lues quanq'en dut.

865 Gouchier se vet, quant il li lut

Et sa grant gent fut départie.

Par Jouglet, cui il ot partie Sa robe as chans, fist apeler .1. clerc; si li fist aporter

870 Encre, parchemin, et Tafere

Que il convient a letres fere.

Tuit troi vont en la garderobe ; Jouglez de sa cote le robe Dont il avoit ja le mantel,

875 Queque li clercs fist bien et bel

Les letres teles a devise Com Tempereres li devise, Puis les fist en or saeler.

Après fist .j. vallet mander,

880 Qui est venuz ; s'ot non Nicole :

« Mon segnor Guillame de Dole, »

Fet il, « me porteras cest brief. »

Ce ne sai ge s'il li fu grief, Mes il dit : «Sire, volentiers.

885 — Sez tu, » fet il, « que dit le briés ?

« Que je li mant et si li pri, J. y 3 b

« Lues qu'il aura cest bref oï,

« Qu'il monte et viegne a moi lues droit,

« Par celé foi que il me doit ; 890 « Et s'il est a tornoi n'a guerre,

« Por ton roncin mengier, au querre

« Ne fines si l'aies trové

« Et le brief de par moi mostré.

« Or pense bien de la besoigne. »

8g5 II a commandé qu'on li doigne

.1.1. marz d'esterlins por despendre,

Ou plus encor, s'il l'en veut prendre;

Puis li dist qu'il se voist couchier,

Et liet matin por chevauchier 900 Au roisant, si fera que sages.

Cil estoit de fere messages

Assez plus duiz que bues d'arer.

Au matin lieve por errer,

Si se vest et heuse et atome, 905 El roncin monte, si s'en torne

Et se seigne a l'issir de Fuis.

Je ne demandai onques puis

Ou il fut la première nuit,

Mes moût li greva voir, ce cuit, 910 Ce qu'il aloit seuls au plessié.

JL'empereres, qu'il a lessié Gisant de la ou il torna, Au matin quant il se leva, Si fist ovrir une fenestre.

90 Li soleils, plus clercs que puet estre.,

Geta ses biaus rais par son lit (De sebelin et de samit

897 Corr. s'il en ?

Ot covertoir a roses d'or).

Por l'amor belc Lïenor, 920 Dont il avoit el cûer le non,

A commencié ccstc chançon :

Li noviaus tens et mais [et violete] Et roissignox me semont de chanter.

Et mes fins cuers me fet d'une amorete 925 Un doz présent que ge n'os refuser.

Or m'en doint Dex en tel honor monter, Gelé ou j'ai mis mon cuer et mon penser Qu'entre mes bras la tenisse nuette, Ainz q'alasse outre mer.

ç3o Einsi se conforte en chantant.

Et cil qui chevauchoit errant

Vers Dole tôt le grant chemin

Se fu tant levez por matin, /. j3 c

Puis qu'il vit qu'il l'estut a fere, 935 Qu'en mains d'uit jors vint au repère

Mon segnor Guillame de Dole.

Renomée qui par tôt vole

L'a mené tôt droit au plessié.

Grant trot, non pas le col bessié, 940 Entre en la vile par la porte

Ot tôt le seel d'or qu'il porte.

Il n'estoit pas toz a aprendre :

Il ala ainz son ostel prendre

Qu'il entendist a autre rien; 945 Et quant il fu herbergiez bien,

Et ses roncins bien aesiez,

Et il des heuses deschauciez,

Chauciez s'est d'autre chaucemente.

Un chapel de flors et de mente 95o Li donna la fille son oste.

941 Ms. qui porte.

Puis prent la boiste, si en oste Les letres, et vet a la cort.

A un garçon a pié qui cort, Qui un trop beau lévrier enmaine, 955 Demande quel vie en i maine :

Il dit que l'en i veut mengier. « Je pelisse ja trop targier, »

Fet il lors droit a soi meesmes; Moût s'apertist et moût s'acesme.

960 VcPE qu'il monte en la sale amont,

Li sire ert lues de Rougemont

Venuz, d'un grant tornoiement.

S'avoit chevaliers et moût gent

Par celé sale a grant plenté.

965 II a un vallet acosté,

Si li a dit qu'il li moustrast

Son segnor avant qu'il menjast ;

Cil li moustre moût bien au doit.

Li vaslez en vet la tôt droit.

970 Por ce q'on nel tenist a fol,

Osta le mantel de son col,

Qu'il n'est pas droiz qu'il i remaigne :

« Li empereres d'Alemaigne,

« De par cui ciz briez est venuz, 975 « Vos mande, sire, mil saluz,

« Corne cil qui vos aime et prise.

« Sachiez que grant faim li est prise

« De vos veoir prochainement. »

Il li respont moût sagement : f.j3d

980 « Frère, » dit il, « l'empereor

« Doint Diex grant joie et grant honor,

« Autant com mes cuers en désire!

955 Ms. quel vie l'en i maine. — • g58 Ms. meismes.

OU DE GUILLAUME DE DOLE 3l

« Et por Deu, que fet il, mis sire?

« Moût a grant tens que ge nel vi.

ç85 — Gel lessai tôt sain, Deu merci.

— Certes, » fet il, « ce m'est moût bel. »

Moût resgarderent le seel

Et li chevalier et les genz :

Moût en avoit de tex laienz 990 Qui onques mes ne virent tel.

Fet il : « Alez a son ostel,

« Gardez qu'il soit bien herbergiez. »

Ains que li seauls soit brisiez,

11 vet a la chambre sa mère :

995 « Vez, dame, » dit il, « l'emperere

c M'a envoie cest seel d'or ;

« Mes ge ne sai qu'il a encor

« Dedenz, mes ge le sa vrai ja. »

D'un sien coutel le revercha, 1000 Si en trest le parchemin fors.

Sa suer la bêle Lïenors

En ot Por por .j. soen fermai! ;

Quant ele vit le bel cheval

Et un roi tôt armé deseure :

ioo5 « Ha ! dame, se Dex me sekeure, »

Fet ele, « or doi moût estre lie

« Quant j'ai .j. roi de ma mesnie. »

Mis sire Guillames s'en rit :

a Se Deu plet et saint Esperit, 10 10 « C'est tote honor qui vos vendra. »

Fet la mère : « Ja n'i faudra,

« Li cuers le m'a toz jors bien dit. »

Uns siens chevaliers qui porvit

La letre, si li a leûe :

10 1 5 « Li empereres vos salue ;

« Après si vos mande et [vos] prie,

« Lues q'avrez ceste letre oie, * Que ja n'i querez nule essoigne, « Por aloigne ne por besoigne, i o 20 « Que vos n'ailliez a lui lues droit ;

« Qu'il n'iert mes liez jusqu'il vos voit.

— Filz, vos irez, » ce dit la mère ; « Grant honor vos fet l'emperere,

« Quant il si bêlement vos mande.

1025 — Dame, ainz irons a la viande, /. 74 ^

« Et puis après si ferons el. »

L'en done levé por Fostel;

S'i assieent li chevalier.

Cil qui tôt set sanz ensegnier to3o Quanqu'il apartint a honor

Prist le vallet l'empereor,

Qui moût estoit de bone part ;

Si se vont seoir d'une part

De la table a .j. des corons.

io35 Char orent assez et poissons

A cel mengier a grant plenté :

« Biaus amis, or avez esté, »

Fet il, « maintes fois miex serviz :

a Moût mengissiez or a enviz 1040 « Geste viande a vavassor

« En la meson l'empereor.

— Sire, » dit-il, « ce n'est pas doute; « Mes venoison qui flere toute,

« De senglers, de cers sanz seson, 1045 « De ce avons a grant foison,

« Et de pastez viez et moussiz :

« Quant il ne sont preuz as souriz, « Lors sont il bon as escuiers.

— Dex ! » fet il a ses chevaliers, io5o « Or cuidoie que chacissons

10 18 essoigne, ms. aloigne.

<t Et que nos nos sejornissons

« .VIII. jors toz plains sanz removoir;

« Or me restuet par estovoir

a Tôt maintenant aharneschier io55 « Si com por demain chevauchier,

« Ou avoir maie volenté,

« A court. — Vos dites vérité, »

Fet li valiez, « ce n'est pas fable.

« Mes fêtes oster ceste table ; 1060 « Si atornons si cest afere

« Qu'il n'i ait ainquenuit que fere,

« Qu'il convendra matin movoir.

— Frère, » fet il, « vos dites voir. »

Lors s'est levez et tuit li autre ; io65 Et li valiez, triez .j. triez autre,

Qui ot esté en autre yver,

Ala veoir son roncin ver,

Savoir s'il avoit que mengier.

A sa mère, qui moût l'ot chier, 1070 Revêt en sa chambre parler.

El li comence a demander /. 7 4 b

Qel gent il menra ovoec lui :

« Dame, » fet il, « gent sanz anui

« Si sont moût bon en cest voiage ; 1075 « Je n'i menrai ja, que je sache,

« Ovoec moi que .ij. compegnons.»

Si li noma ciaus par lor nons

De cui cuidoit avoir honor

En la meson l'empereur, 1080 Qui erent preu et bien parlant,

Ne n'ierent mie si enfant

Que chascuns n'ait .xxx. anz passez.

« Biax fils, » dit ele, « or en pensez,

« Gardez que riens ne vos souffraigne,

1071 El ms. 11.

io85 « Que l'en ne die en Alemaigne,

« Quant vos serez a cort venuz,

« Que vos soiez povres ne nuz. »

Fet sa suer bêle Lïenors :

« Vez la .iij. père por son cors 1090 « De robe fresche a celé perche.

e Le cheval le conte de Perche

« Face trere lez son escu. »

Cil qui maint estor ot veincu

Fist apeler ses compegnons :

îogb « Moi et ma dame disions

4 Que vos vendrez o moi amdui;

« Si pensez d'atorner meshui

« Et vos armes et voz hernois.

— Nos avomes biaus escuz froiz, 1 100 « Seles et lorains envoisiez.

« Vos ne verrez si atiriez

« .III. chevaliers devant .j. mois. »

Li serjans, qui ne fu pas mois,

Fu en la sale revenuz.

1 io5 Mis sire Guillame est issuz

De la chambre, et si compegnon.

Li valiez vint en la meson ;

Toz seuls ala riant vers lui :

« Mauves solaz vos ai fet hui, »

1 1 10 Fet il, « mes c'a esté par vos :

a Mes tant ai esploitié que nos

« Mouvrons le matin au serain.

« Venez en, » fet il, « main a main ;

« Si vos moustrerai mon trésor. »

1 1 1 5 Sa mère et bêle Lïenor

Le maine en la chambre veoir.

Or sachiez de fi et de voir f. 74 c

Que il en a moût fet por lui,

Que jamès n'entrera puis hui 1 120 En chambre a dame n'a pucele

\*STITuTi

Ou il voie nule si bêle.

Il la salue, et ele lui ; Puis si s'assieent ambedui ; Et celé s'assist delez euls,

1 125 Qui moût avoit blons les cheveuls Et s'ert moût simple et petit cointe.

Desor une grant coûte pointe Ouvroit sa mère en une estole :

« Vez, » fet il, « biaus amis Nicole,

1 1 3o « Quel ovriere il a en ma dame ; « C'est une mervellouse famé « Et set assez de cest mestier ; « Fanons, garnemenz de moustier, « Chasubles et aubes parées

1 1 35 « Ont amdeus maintes foiz ouvrées.

— Frère, c'est aumosne et déduis, « Ses met as povres moustiers vuis « De garnemenz et de richece.

« Que Dex me doint joie et leece 1 140 « Et de moi et de mes enfanz ! « Ce li sui ge toz jors proianz. »

Fet cil : « Ci a bone oroison.

— Dame, » fet il, « une chançon « Car nos dites, si ferez bien. »

1 1 45 Ele chantoit sor tote rien, Et si le fesoit volentiers.

« Biaus filz, ce fu ça en arrière « Que les dames et les roïnes « Soloient fere lor cortines

1 i5o « Et chanter les chançons d'istoire.

— Ha ! ma [très] douce dame, voire, « Dites nos en, se vos volez,

« Par celé foi que me devez.

— Biau filz, moût m'avez conjurée,

11 3| Ms. chasuble, beies aubes parées,

i [55 « Ja ceste foiz n'ier parjurée,

« Tant com ge le puisse amender. »

Lors commença seri et cler :

Fille et la mère se siéent a l'orfrois, A un fil d'or i font orieuls croiz.

1 160 Parla la mère, qui le cuer ot cortois.

Tant bon'amor fist [bêle] Aude en Doon!

« Aprenez, fille, a coudre et a filer « Et en l'orfrois les oriex crois lever. « L'amor Doon vos covient oublier. »

1 165 Tant bon'amor fist bêle Aude en Doon !

Quant el ot sa chançon chantée : f.j4d

« Certes moût s'est bien aquitée, »

Fet cil, « ma dame vostre mère.

— Certes, Nicole, biau doz frère, 1370 « Bien seroit la chose atirée

« Se ma suer s'estoit aquitée. »

Ele s'en sosrit bêlement, Et si set bien certainement Qu'el n'en puet en nule manière 1 175 Eschaper, se por la proiere

En veut riens fere de son frère.

— Ma bêle fille, » fet la mère, « Il vos estuet feste et honor

a Fere au vallet Pempereor.

1 180 — Ma dame, bon voeil le ferons. » Lors commença ceste chancon :

Siet soi bêle Aye as piez sa maie maistre, Sor ses genouls un paile d'Engleterre, [Et] a un fil i fet coustures bêles.

1 1 3 5 m'ier ms. n'iert. — u6i Ms Tant bêle amor iist Aude.

1 185 Hé ! hé ! amors d'autre païs,

Mon cuer avez et lié et souspris.

Aval la face li courent chaudes lermes, Q'el est batue et au main et au vespre, Por ce qu'el aime soudoier d'autre terre. 1 190 Hé! [hé !] amors d'autre païs, Mon cuer avez et lié et souspris. »

Quant el ot chanté haut et bien :

« Or ne me demandez plus rien.

— Non ferai ge, ma bêle suer, 1 195 « Se la franchise de vo cuer

« Ne vos en fet dire par grâce.

« Ja ne voudrez que je n'en face.

— Par cest covent dirai encore, »

Fet celé qui la trece ot sore

1200 Et blonde sor le blanc bliaut ; Lors commença seri et haut :

La bêle Doe siet au vent; Souz l'aubespin Doon atent; Plaint et regrete tant forment i2o5 Por son ami qui si vient lent :

a Diex! quel vassal a en Doon !

« Diex ! quel vassal ! Dex ! quel baron ! « Ja n'amerai se Doon non.

« Com ez chargiez, com ez floriz!

12 10 « A toi me mist plet mes amis; « Mes il ne veut a moi venir.

«< Dex ! quel vassal a en Doon ! f. j5 a

« Dex ! quel vassal ! Dex ! quel baron ! « Ja n'amerai se Doon non. »

1 2 1 5 Quant ele ot ceste parfenie :

i2o3 Ms. Souz l'aubespine Guion.

« Or seroit ce sanz cortoisie, »

Fet ele, « qui plus me querroit. »

Dit li valiez : « Vos avez droit, »

Qui estoit a l'empereor.

1220 « Or avez le gré et Pamor

« Et la querele et voz amis. »

Le remanant del jor ont pris

En deduiant jusq'au souper.

Ainz que cil qui n'ot point de per 122 5 S'en alast en la sale arrière,

La mère prist une aumosniere,

Et la suer .j. fermail trop bel,

Q'el a doné au damoisel

Et por son frère et por s^nor i23o Et por l'amor l'empereor.

Il lor en rent .v.c. merciz.

Et dit que bien li ert meriz

Ciz biaus presenz, sM auqes vit.

Et se pense c'ainc mes ne vit 1235 Si bons enfanz ne tele mère :

Si le savra li emperere.

Il prent congié a bêle chiere;

Si s'en vont en la sale arrière,

Ou li soupers ert atornez, C240 Moût biaus de viandes assez :

Flaons de let, porciax farsiz,

Dont li ostex ert bien garniz,

Et bons conins, poulez lardez,

De ce estoit granz la plentez, 124D Et poires et fromages viez.

« Nos n'avomes autres daintiez,

« Frère, » fet il, « ce poise moi;

« Vos, genz de la meson le roi,

« Ne cognoissiez cez mes de vile. »

1221 Corr. Et le congé de vos a!nis? — 1232 li ert ms. li est.

OU DE GUILLAUME DE DOLE Bo,

i25o Font li compagnon : « Il vos guile. »

Fet li valiez : « N'en verrez el,

« Si me honist en son ostel. »

Einsi se joent et envoisent ;

De biauz moz le souper aoisent 1255 De chevalerie et d'amors :

Qui est entechiez de tex mors f. j5 b

Ne puet a proëce faillir.

Li seneschal firent coellir

Les napes quant il le covint, 1260 Et vallet saillent plus de .xx.,

Qui a bacins, qui a tovaille.

Li escuier et Ja piétaille

Vuident la sale et les mesons.

Il parole a ses compegnons.

I2Ô5 A ciax qui doivent remanoir,

De deduiz, de chevax, d'avoir,

Fist a chascun sa volenté.

Si ont lues lor oirre apresté,

Ainçois qu'il alassent couchier; 1270 Qu'il n'i ot fors dou chevauchier

Au matin quant il se levèrent.

Or sachiez que, quant il montèrent,

Il i ot ploré maintes larmes.

.III. somiers a robes et armes 1275 Orent et granz chevax de pris.

Moût a bêlement congié pris

A sa seror et a sa mère :

« Adeu, biau filz. — Adeu, biau frère.

— Adeu tuit. » Quant il s'en tornerent. 1280 Or sachiez que tuit en plorerent Li remegnant por eles deus.

Or s'en vont, or les consaut Deus î Or chevauche delez Nicole