GUILLAUME DE DOLE
lO
IL qui mist cesl conte en romans,y. 6<yc Ou il a fet noter biaus chans Por ramenbrance des chançons, Veut que ses pris et ses rcnons Voist en Raincïen en Champaigne, Et que li biaus Miles l'apregne De Nantuel, uns des preus del règne ; Car aussi com Ten met la graine Es dras por avoir los et pris, Einsi a il chans et sons mis En cestui romans de la Rose, Qui est une novele chose.
Et s'est des autres si divers Et brodez par lieus de biaus vers, Que vilains nel porroit savoir.
Ce sachiez de fi et de voir, Bien a cist les autres passez ; Ja nuls n'iert de l'oir lassez, Car, s'en vieult, Pen i chante et lit,
20 Et s'est fez par si grant délit
Que tuit cil s'en esjoiront Qui chanter et lire l'orront, QuHl lor sera nouviaus toz jors.
Il conte d'armes et d'amors
25 Et chante d'ambedeus ensamble.
S'est avis a chascun et samble Que cil qui a fet le romai s Qu'il irovast toz les moz des chans, Si afierent a ceuls del conte.
3o Si commence ici son conte.
En l'empire ou li Alemant
Ont esté maint jor et maint an,
Si com li contes dit, segnor,
Ot jadis un empereor :
35 Corras ot non de par son père,
Qui devant lui fu emperere.
Moût le tindrent les genz a preu;
Ne vos avroie hui conté preu
Quels hons il fu, car ne porroie :
40 Onqes au grant siège de Troie,
N'ot home si bien entechié;
Si haï moût vilain pechié
Et en esté mengier a fu.
Dès celé hore que il nez fu, 45 N'oï nuls issir de sa bouche
Grant serement ne lait reproche.
Moût se contint com sages rcis : J. 68 d
27 le, ms. les.
ou DE GUILLAUME DE DOLE
Tôt fist par decrez et par lois Vers sa gent ce que fere dut.
5o Onques home ne mcsconnut
Por poverte ne por richece.
Bien afferoit a sa hautece Ce qu^il ert sages et cortois.
De déduit d'oiseax et de bois \
55 Ne savoit nus hom avant lui.
Il valoit de tels rois .j. mui Com il a puis el règne e(l.
Par effors de lance et d'escu Conqueroit toz ses anemis :
60 Ja arbalestiers n'i tust mis
Por sa guerre en auctorité; Par averté, par mauvesté Les tienent ore li haut home; Por demi le trésor de Rome
65 Ne vousist il, a droit n'a tort,
Q'uns en cUst prodome mort En son ost, nés son anemi.
Et si portoit l'escu demi Au gentil conte de Clermont,
70 Au lion rampant contremont
D'or et d'azur, et d'autre part.
Plus estoit hardiz d'un liepart Quant il ert armez, l'escu pris.
Et savez dont ge moût le pris?
75 Sa justice el s'envoiselire
Par ert de si grant tempreiire Q'en n'i trovast ja point d'outrage; Sa hautece et son vassclage Bessoit moût selonc sa franchise :
80 S'estoit a toute gentelise
Apers et dous et ademis.
62 >/.«. mauvestié.
Se frans honi se fust en lui mis
De riens dont nus le querelast,
Por mil mars d'or, qui li donast, 85 Nel soufrist il a forsjugier.
Il ne haoit pas de legier;
Ne n'amoit riens contre s'onor.
Quant il savoit viel vavassor
Ne dame veve en poverte, 90 A ciaus estoit sa main overte,
Et donoit robes et avoir.
Ne voloit autre moeble avoir,
Mes grant plenté de chevaliers. /' 6g a
' Joiax, dras de soie et destriers,
95 Lors donoît il a grant plenté.
Toz jors, et iver et esté,
Estoit sa cors granz et pleniere.
De mainte diverse manière
I fesoit chascuns son mestier.
100 II ne lessoit bon chevalier,
En son païs por qu'il errast.
Qu'il ne retenist ou donast,
Selonc son pris, terre ou chastiax ;
Ne portoit autres mangoniax io5 A ses guerres n'autres perrieres.
Cil portent lances et banieres
Por lui au partir de lestor;
Cil prenoient les hautes tors;
Cil ardoient les granz chastiax; 110 N'i portent autres mangoniax
De l'ost de hors a ces dedenz ;
II menjassent ainçois as denz Les hourdeïs desor les murs :
Bien en ert lor sires seûrs;
1 15 Ja n'asseïst riens ne tust prise.
99 Ms. Il fesoit. '
ou OE GUILLAUME DE DOLE ^
Puis qu'il avoit la chose emprise.
Tel trésor doit rois amasser Por qu'il puist confondre et quasser Ses anemis, a son pié mètre.
1 20 DiKN s'en sot icist entremetre,
Qu'il n'avoit encor point de feme;
Mes, le voeil a ceaus de son règne,
En etist il prochainement,
Moul en parloient tuit sovent 125 Li haut baron li un as autres :
« Se ciz bers, qui est mieudres d'autres,
« Muert sanz hoir, nos somes tuit mort. ^
Nature les prent et remort
Qu'il a entr'ax norriz esté, 1 3o Et si lor a maint jor porté
Moût grant honor et fet grant bien,
Et s'il moroit sanz hoir, por rien
Ne seroient il jamès lié.
Por ce l'en ont moût arresnié i35 Li plus haut prince de son règne ;
Mes genvrece qui en lui règne
Ne l'i lessoit pas acorder,
Ainz fet les granz trez encorder,
Ses aucubes, ses pavellons, /. 6g b
140 En esté quant il est sesons
De déduire en prez et en bois.
Des citez s'en issent manois
En cez granz forez por esbatre;
Dedenz .iij. jornées ou .iiij.
145 Ne lessoit conte ne coniesse
Ne chastelaine ne duchesse '
Ne dame qu'il n'envoiast querre
118 Ms. Por qu'il fust.
Dedenz .vij, jornées de terre, Ne vavassor a bone vile ;
i5o Qu'il ne donast pas une bille
Que coustasr, mes qu'a gré fust fet, Por ce qu'il veut qu'il soit retret, Quant il ert morz après sa vie.
De biaus gieus et sanz vilonie
i5i> Se joe ovoec ses compaignons.
Il porpense les ochesons Comment chascuns fera amie.
Or sachiez qu'il n'i faudra mie Qu'il ne l'ait, por riens qu'il puist tere,
i6o Li bons rois, li frans debonere.
Il savoit toz les tors d'amors.
Au matin quant paroit li jors, Lores venoient li archier De devant son tref por huchier :
i65 « Or sus, segnor, s'irons en bos! »
Lors oïssiez soner cez cors Por esvellier cez chevaliers Et ces viex chenuz croupoiers ; Fesoit chascun baillier .j. art.
170 Onques voir, puis le tens roi Mart,
Empereres ne sot vuidier Si bien pavellon d'encombrier.
IVlouT estoit sages et voiseus:
As jalons et as envieus 1 75 Fesoit baillier espiez et cors.
Si montoit ovoec jusq'au bos, Por ce que il ne retornassent; As uns, a proie qu'il alassent Boissoner ovoec les archiers,
162 Ms. quant parut.
ou DE GUILLAUME DE DOLE 7
180 Et li autre, as liemiers,
Povr sievre, qui sont bon as cers;
Tant lor baille deduiz divers
Qu'il s'en tindrent bien a paie.
Et quant il furent avoié i85 E mis en la haute forest, /, 69 c
Au déduit qui meut miex li plest
S'en retorne lues droit arrière
Par une anciene charriere,
Soi tierz de chevaliers riant.
190 Et si bon chevalier errant,
Qui s'estoient debrisié d'armes,
Se dorment de desoz cez charmes
En paveillons de draz de soie :
James, voir, en lieu ou ge soie, 195 Ne verrai gent a tel solaz
Ne tante dame estroite a laz.
En chainses ridez lor biauz cors :
S'ont chevex ondoianz et sors,
Chapelez d'or a clers rubiz ; 200 Et cez contesses en samiz
Et en draz d'or emperials,
Em pur lor biax cors sanz mantiaus;
Et ces puceles en bendez,
A chapelez entrelardez 2o5 De biax oisiaux et de floretes;
Lor genz cors et lor mameletes
Les font proisier de ne sai quanz.
De corroietes, de blans ganz,
Krent moût bien enharneschiées.
210 Tôt chantant es tentes jonchiées
Vont as chevaliers quis atendent.
Qui les braz et les mains lor tendent;
Ses traient sor les covertors.
•200 cet ms. ses. — 2o3 coir. en cendez:
Qui onqes fu en tels esters 21 5 Bien puet savoir quel siècle il orent.
Moût lor est poi se cil demorent
Qui estoient aie en bos.
Et Pempereres, les galos,
Ert ja repériez a sa tente 220 Vers cez qui ont moût autre entente
Que cil qu^il a el bois lessiez;
En .)'. tref point toz eslessiez,
Criant : « Ça, chevalier, as dames ! »
11 ne pensent pas a lor âmes ; 225 Si n'i ont cloches ne moustiers
(Qu^il n^en est mie granz mestiers),
Ne chapelains fors les oiseaus.
Moût orent tuit de lor aveaus.
Dex ! tant beaus chans et tant beaus diz, 23o Sor riches coûtes, sor beaus liz,
I ot dit ainçois qu'il fust prime ! f.6yd
Et quant tens de lever aprisme,
Lors veissiez genz acesmer.
De samiz, de dras d'outremer, 235 De baudequins d'or a oiseaus,
Orent et cotes et manteaus
A pênes fresches bien ovrées,
D'ermine et de gris chevronées
A sables noirs, soef flerans :
240 Si bêles genz, si acesmans
Ne troveroit on ore mie.
L'empereres ne se vont mie
Miex vestir que firent li autre :
De .ij. samis de l'un en l'autre 245 Fu la soe robe bendée ;
Savez qui moût l'a amendée ?
Une pucele li atache
De ses mains une bêle atache
Des laz de sa blanche chemise; "
ou DE GUILLAUME DE DOLE
230 La bêle main dont el la mise
Ait or .c. foiz bone aventure !
Et si li change sa ceinture
A une corroiete blanche;
Or la gart bien la preuz, la franche!
235 Que sanz Ter valent bien les pierres,
Les esmeraudes verz com ierres,
.XL. marz entre .ij. frères.
Beneoiz soit tex empereres!
'uANT il furent levé vers tierce, 260 Par le bois vont joer grant pièce,
Toz deschaus, manches descousues.
Tant qu'il sont es illes venues;
As fonteneles qui sordoient
Moût près de la ou il estoient 365 Logié el bois por le déduit.
Ça .ij., ça .iij., ça .vij., ça .viij.,
S'assieent por laver lor mains.
Li lieus n'estoit mie vilains,
Ainz estoit verz com en esté, 270 Et si avoit moût grant plenté
De fîoretes indes et blanches.
Ainçois qu^il cousissent lor manches,
Lèvent lor oils et lor beaus vis.
Les puceles, ce m'est avis, 275 Lor atornent fil de filières
Qu'eles ont en lor aumosnieres ;
Or ne sai ge que riens lor faille.
As dames, en lieu de tovaille, f. jo a
Empruntent lor blanches chemises; 280 Par ceste ochoison si ont mises
Lor mains a mainte blanche cuisse :
Je ne di mie que cil puisse
Estre cortois qui plus demande.
lO ROMAN DE LA ROSE
Et li disners et la viande 285 Est aprestez, napes assises,
Et les dames se resont mises
Au retour, et li chevalier.
Qui ne prisent mauves dangier
La coue d\\ne violete, 290 Ains chantent ceste chançonete :
E non Deu sire, se ne l'ai L'amor de lui, mar l'acointai...
Ainz que ceste fust dite tote, Commence uns autres en la route :
295 La jus desoz la rairae,
Einsi doit aler qui aime.
Glere i sourt la fontaine, Ya!
Einsi doit aler qui bêle amie a...
3oo Ainz qu'ele fusi bien commencie,
Une pucele secorcie
D'un trop biau chainze, a .j. blont chief, En recommence de rechief :
Se mes amis m'a guerpie , 3o5 Por ce ne morrai ge mie...
Ainz que ceste fust bien fenie, Une dame sanz vilonie, Qui ert suer au duc de Maience, Haut et seri et cler commence :
3io Main se leva bêle Aeliz.
Dormez, jalous, ge vos en pri.
Biau se para, miex se vesti.
ou UB GUILLAUME DE DOLt I i
Desoz le raim.
Mignotement la voi venir, 3j5 Celé que j'aim.
Et H gcntiz quens de Savoie Chante ceste tote une voie :
Main se leva bêle Aeliz.
Mignotement la voi venir.
320 Bien se para, miex se vesii
En mai.
Dormez, jalous, et ge m'envoiserai...
Et li quens de Luce»le bourc, Qui amoit iloec par amor 32!) Une dame de grant solaz,
Qui chantoit de mains et de braz
Miex que dame qui fu pieça, J. "jo h
Por l'amer de li commença :
C'est tôt la gieus el glaioloi.
33o Tenez moi, dame, tenez moi.
Une fontaine i sordoit, ae !
Tenez moi, dame, por les maus d'amer...
Si chantant en itel meniere,
Resont tuit revenu arrière 335 Trusqu'as trez ou il ot bel estre,
Car cil qui de ce furent mestrc
Les ont d'erbe fresche jonchiez;
Biaus les ont fez et aftetiez
Et ont ostc coûtes et Hz; 340 Ensamble metent cez tapiz
Por estre a gregnor largeté.
Variez 1 ot a grant plenté :
Iloec lor ont i'eve donée.
Que la viande ert aprestée, 345 Tables mises et napes bêles.
Li chevalier et les puceles
Et les dames sirent par tires.
Ne se contint pas come sires,
Car ses granz senz et sa proece, 35o Sa bonté et sa grant largece
L'assist moût plus bas que ne die:
, Ce ii vint de grant cortoisie ;
Et le viel duc de Genevois
Fist il seoir a son haut dois, 355 A son col riches piax de martres.
Or cuit que li vesques de Chartres
S'amast miex iloec qu'en ,j. sane;
Que chascuns i garist et sane
Ses oils d'esgarder les merveilles, 36o Tantes faces cleres, vermeilles, '
Et cez douz viz Ions et traitiz,
Et cez biaus sorcils porvouliz,
Et cez blons chiez et cez biaus cors.
Et quant li quens de Sagremors 365 Ot chanté une chançonete,
Viande orent et bone et nete,
Vin cler et froit de la Muselé,
Et vaisselemente novele,
Pastez de chevrols et lardez, 370 De ce i ert granz la plentez,
De chevriex, de cers et de dains,
De fromages et cras et sains
De la rivière de Clermont; f- 70 c
N'est riens qui a viande mont, 375 Por qu''ele soit bone en esté,
Dont il n'i ait a grant plenté
Et a devise et a soushet.
N'i a chevalier ne s'enhait ^ Por Temperere qui s'envoise.
ou DE GUILLAUME DE DOLK l3
38o Et c'est droiz que chascuns aoise
Sa joie por s'envoiscurc,
Conqes si gentil créature
Com il ert ne but ne menja ;
Et, son voeil, ne pensast il ja 385 S'a armes non et a amors,
Et s'ot tant autres bones mors
Conqes tex bers ne lu, s'il vit.
Moût li sist et plot ce qu'il vit
J)e sa terre et de son roiaume 390 Tante pucele et tante dame
Et tant bel chevalier de pris.
Li serjant, qui turent apris
D'oster les nappes, quant il virent
Que nus ne menja, si en rirent 395 Ce qu'il durent moût bêlement;
Li vallet saillent erroment
Por Teve as bacins, si la donent.
Sachiez que maint s'i abandonent
Por tenir au bon roi ses manches, 400 Et cez dames a cez mains blagches
Dont moût lor plesoit la vetie ;
Quant la première ot l'eve eiie
Et cil et celés qui en voudrent,
Et les bêles dames envoudrent 405 Lor mantiax entor lor biax cors,
Et-la teste commença lors
Des estrumenz et de déduit.
MouT tarja poi aprè.s, ce cuit.
Quant li veneor, li archier 410 Qui alerent hui main chacier,
Et li chevalier por esbatre, Ou par .iij. chemins ou par .iiij., Repairent fesant lor menées.
Grant plenté de bestes troussées, 415 Chevriex, biches, et cers de cresse;
Quant la noise des cors apresse,
Et cil qui portent les forchiez
Ou il ont mises lor daintiez.
Et cil as cors de cerf ramuz . J. yo d
420 Lors n'i remest granz ne menuz
Es pavellons qui ne s'en isse
Encontre ciaus qui mainte bische
Orent le jor tolu la vie.
Tuit dient qu'il ont grant envie 425 De ce qu'il n'i furent aie.
Cil veneor mal atirié,
Cil qui avoient buisiné,
S'en revindrent moût hericié,
Es ledes chapes de grisan 430 Qui ne furent noeves oan,
Et heuses vi'ez, rouges et dures,
Et roncins durs sanz ambleûres.
Et sont en sanc jusq'as jarrez ;
Et ont derrier euls lor brachez 435 Et les liens desor les braz;
Il ne portèrent roiz ne laz,
Ainçois pristrent a forçoier
.III. cers, sanz ce que li archier
Ocirent ciax q'as mains lor vint, 440 Qu'il en ocistrent plus de ,xx.,
Biches, chevriex, lièvres, goupiex,
Qui ont par devers les cortiex
Dan Constan tolu maint chapon.
Li keu firent la venoison 445 Destrousser, si la portent cuire;
N'i a nul qui de faim ne muire
De ceuls qui ont en bos esté :
443 Ms. constanz.
ou DE GUILLAUME DE DOLE îb
Por ce ont li senesclial hasté
A la cuisine lor viande.
45o Queque l'empereres demande
A ses veneors des noveles,
Cez dames et cez damoiseles
S'en revont as tentes déduire,
Et cil qui ne voelent ciax nuire 455 Qui recontoient lor mençonges :
Vos deïssiez que ce fust songes
Des merveilles qu'il lor contoieni.
Il se rit de ce qu'il mentoient.
Mes c'est coustume de tiex genz.
460 Après none fu beaus et genz
Li soupers, aprestez et cuiz-.
Et serjans voiseus et recuiz
De quanque fere a cort covint
1 ot assez, et quant ce vint 465 Qu'en reparla des napes mètre, f. ji a
Bien fu qui s'en sot eniremetre,
Q'assez i ot variez et genz.
As bacins, as vassiax d'argent,
Donent l'eve communément.
470 On les rassist si fetement
Com il orent sis au disner.
Cil qui vindrent del bois vener
Se sont d'une part tuit assis :
Qu'il ne sont mie si forsis 475 De viande com sont li autre ;
Tant en ont pris et d'un et d'autre
Qu'il n'en est mesure ne conte.
Li veneor n'orent pas honte
S'il orent boef au premier mes 480 As bons aus des trempé d'aigres,
Et puis oisons et mortereux.
465 Ms. qu'el reparla.
l6 ROMAN DE LA ROSE
Il i et tels des amoreus
Qui en menjassent bien, ce cuir.
Mes il souperent par déduit :
485 Lor daintiez et lor venoison,
Dont il i ol si grant foison, Nuls, tant fust povres, n'ï failli.
Mes savez dont sont mal bailli?
Que il ne sevent q'est mesese :
490 Einsi les paist cils rois a ese.
^JANT il orent mengie assez
Et beii trestot a lor sez
[N]on pas rouge vin a tostées,
Quant les napes furent ostées, 495 II se sont tuit levé des tables ;
Puis sont aie joer as tables,
Et .iij. chevaliers d'autre part
Rejoent as dez, au hasart,
Denier a autre tresqu'a .vj.; 5oo Et li autre resont assis
Cil as eschez, cil a la mine.
Vïeleors a dras d'ermine
Vïelent partez pavellons.
Les dames et les compegnons 5o5 L'empereor s'en issent hors,
Main a main em pur lor biau cors.
Devant le tref, en .). pré vert,
Les puceles et li vallet
Ront la carole commenciée.
5 10 Une dame s'est avanciée, î- 71 ^
Vestue d'une cotele en graine;
Si chante ceste premeraine :
C'est tôt la gieus enmi les prez.
Vos ne sentez mie les maus d'amer.
ou DE GUILLAUME DE DOLE
5i5 Dames i vont por caroler.
Remirez voz bras, Vos ne sentez mie les maus d'amer, Si corn ge faz...
Un valiez au prevost d'Espire 520 Redit ceste, qui n'est pas pire :
C'est la jus desoz l'olive, Robins enmaine s'amie :
La tontaine i sort série,
Desouz l'olivete SaS E non Deu, Robins enmaine
Bêle Mariete...
Ceste n^ot pas duré .ii). tours Quant li Hlz au conte d'Aubours, Qui meut amoit chevalerie, 53o Recommence a voiz série :
Main se levoit Aaliz.
J'ai non Enmelot.
Biau se para et vesti Soz la roche Guion.
335 Gui lairai ge mes amors.
Amie, s'a vos non ?. .
Et la duchesse d'Osteriche, Qui si estoit de beauté riche Q'en ne parloit se de li non, 540 Recommence ceste chançon :
Main se leva la bien fête Aeliz.
Par ci passe li bruns, li biaus Robins. Biau se para e plus biau se vesti.
Marchiez lu foille, et ge qieudrai la flor. 545 Par ci passe Robins li amorous,
Encor en est li herbages plus douz...
l8 ROMAN DE LA ROSE
Que de Robin que d'Aaliz, Tant ont chanté que jusq^as Hz Ont fêtes durer les caroles.
55o Se sire Oedes de Ronqueroles Trovast tel roi, ce fust barnez; Mes li tens est si atornez Q'on ne troeve mes qui bien face Por ce s'enledist et efface
555 Chevalerie, hui est 11 jors.
V^ELE grant joie et ciz sejors
Dura bien ,xv. jors passez.
Quant cil qu'il avoit amassez
Voelent râler en lor païs, 56o Lors venoient, ce m''est avis,
Si biau présent et si biau don,
Et joiau de mainte façon
Qu'il done chascun et chascune; f. y i c
Il n'i avoit dame nesune 565 Ne pucele qui noient vaille,
Gui il ne doinst ainz que s'en aille;
Et fet chascune tant d'onor
Qu'il désert sa grâce et s'amor,
Itels rois doit bien tenir terre 570 Qui se fet avoir et conquerre
L'amor et le cuer de ses genz.
Cist assembloit les parlemenz
Por veoir ses barons ensamble;
Il n'estoit mie, ce me samble, 575 De cez rois ne de cez barons
Qui donent or a lor garçons
370 C(»r. Qui si set r
ou DE GUILLAUME DE DOLE I Q
Rentes et prevostez a ferme,
Dont les terres et il mccsme
Sont destruites et il honi; 58o S'ont tôt le monde aviloni ;
Ce met les prodomcs arrière
Et les mauves en la chaiere :
Mal fet bcrs qes met en baillie ;
Que ja por nulc segnorie 585 Nuls vilains n'iert se vilains non.
Cist empereres, cist prodom
Lor fu toz tcns adôs eschis;
De vavassors fcsoit baillis
Qui aiment Deu et criement honte, 590 Qui s'onor et quanq'a lui monte
Li gardoient corne lor iex.
L'empereres voloit moût miex
Queli vilain et li bourjois
Gaaignassent de lor avoirs 595 Qu'il lor tolist por trésor fere;
Car, quant il en avoit aferc,
Il savoit bien que tôt ert soen,
Et ce li venoit de grant sen,
Q'a son bcsoig estoit tôt prest 600 Et le chatel et le conquest;
Il n'en erent se garde non,
Et s'erent riche et de grant non
Et marchcant de grant avoir;
Il ne trovoicnt bel avoir 6o5 A nulc foire ou il alasscnt
Ne biau cheval qu'il n'achatassent
Por présenter l'empereor :
Moût li fesoient plus d'onor
Cil présent que s'il les taillast.
610 Ja nuls marcheanz qui alast, f. y i d
591 Ms. come lor oils.
Ne siens ne autres, par sa terre, Por nul besoig, por nule guerre, Ne soufrist qu'il fust destorbez; Tant larrons avoit essorbez, 6i5 Tant robeors fet essillier.
Si setir com par .j. moustier Aloit chascuns parmi son règne.
Bien vit li haus princes et règne Qui si sagement tint sa terre.
620 \-)r avint que li quens de Guerre
Avoit guerre au duc de Baiviere ;
Por nul avoir ne por proiere
Ne voloit li dus doner trive :
L'emperere ala en la vile 625 Le conte, si les apesa,
Et fist tant que li dus besa
Le conte, mes ce fu a paine.
Moût fet bien prodom qui se paine
De pès querre en mainte manière.
63o En ce qu'il revenoit arrière
A .). sien chastel sor le Rin,
S'iert .j. jor levez par matin,
Et li jors eschaufa vers tierce,
Et il ot chevauctîié grant pièce :
635 Ce sachiez qu'il li anuia.
Un sien vieleor qu'il a,
Qu'on apele a la cort Juglet,
Fist apeler par un vallet.
Il ert sages et de grant pris 640 Et s'avoit oï et apris
624 Ms. L'empereres. On pourrait corriger (et peut-être lire) ainsi les v. 628-4 :
Ne voloit li dus doner triue :
L'emperere ala en l'aiue...
ou DE GUILLAUME DE DOLE 31
Mainte chançon et maint biau conte;
Li valiez ert filz a un conte.
Si Tapela tant que cil vient.
Fet Tempereres : « Se te vient 645 « D'orgoeil ou de mélancolie,
« Que tu hez tant ma compegnie?
« Dehez ait sanz moi qui t^aprist! »
En riant par le frain le prist,
S'issent fors del chemin amdui.
65o Fet li empereres : « J'ai hui
« Certes eU moût grant someil ;
« Aucun conte dont ge m'esveil
<i Me conte, » fet il, « biaus amis. »
En riant li a lores mis 655 Le braz senestre sor Tespaulle.
Fet il : « Nel tenez mie a faule, /' 72 a
» Une mervelle qui avint
a Uns bachelers, qui de la vint
« Ou ce ot esté, me conta.
660 « En celé Champaigne hanta
« Uns chevaliers preus et vaillanz,
« Et si ert biaus et avenanz
^i Et de moût sage contenance.
< Si amoit une dame en France 665 « En celé marche de Perchois;
a Por riens q^en li meïst a chois
« Ne lessast il qu'il n'i alast.
« Il n'est chevaliers, s'il l'amast,
« Qu'il ne cuidast bien estre rois 670 « La biauté, le pris del Barrois,
« Au jor que plus en pot avoir,
« Ce sachiez de fi et de voir, « Si fu noienz avers cestui »
Fet li empereres : « Mcshui 675 « N'avrai ge talent de dormir.
« Car pletist or au S. Espir,
« Si m'eust cousté .v. c. mars,
c( Et que mes chastiax fust toz ars
« Anquenuit ainz que g'i entrasse, 680 « Par covent que ge encontrasse
« Un autre tel corne cil fu,
« Si fust tote la vile en fu,
tt Diex, com fust or sires de mi !
« N'iert pas la dame sanz ami 685 « Qui si Tavoit preu et vaillant!
« Par Deu, Juglet, or di avant
« Se la dame fu si plesanz
« Endroit soi com cil fu vaillanz?
— Ce fust mervelle, ce m'est vis, »
690 Fet Juglès, « ce que ge devis;
« Cil fu moût preuz, mes c'est noienz
« Avers celi de cui comenz
« A descrivre com el ert bêle :
« Sa bloie crigne recercele 695 « En ondoiant aval le vis ;
« A flor de rose, a flor de lis
« Samble la face de color,
« Car la rougeur o la blanchor
« I fu moût soutilment assise.
700 « De riens n'i fu pas entreprise
« Nature qui la fist tant bêle,
« Qu'en tôt le mont jusq'a Tudele f.-jub
« Ne peiist l'en sa per trover.
« Les oils ot beaus por esgarder, 705 « Vairs et clers plus que n'est rubis,
« Sorcils bien fez. Ions et tretiz,
'( Non pas joignans, c'est veritez ;
« Les denz de la bouche et le nez
« Avoit toz fez par majestire. »
710 N'aprist pas hui si a descrire
Qui l'embeli en tel meniere.
« Moût par avoit simple la chiere,
ou DE GUILLAUMK DE DOLE
« Blanche poitrine, blanc le col,
i< Il n'ot si bêle jusqu'à Dol; 71 5 « Cors ot gent, biaus braz, bêles mains.
« Nus ne peUst estre vilains
« Por qu'il fust en sa compegnie;
« Tant ert plaine de cortoisie
« Et de sens o la grant beauté !
720 « Ce sachiez vos de vérité,
« Qu'ele ert tel corn ge la devis.
— Or tien, » fet il, « cest mantel gris,
« Certes, qu'il est bien emploiez.
« Je voudroie estre el cors plaiez, 725 « Mes que ge mort n'i recelasse,
« Par tel covent que ge seQsse
« S'en France a mes tele ne tel;
« Ja Diex ne me maint a l'ostel
« S'il i a lieu, se gel savoie, 73o « Que demain ne fust a la voie
« Li messages por l'aler querre;
n Et s'il voloit avoir ne terre
« Et bon segnor et bon ami,
« Tost avroit recovré en mi.
735 « De la dame ne di ge mie :
« Toz i morrai sanz tele amie,
« Q'en mon règne n'a sa pareille, »
Fet Jouglès : « Vos dites mervelle,
« Que n'est ne si preuz ne si bêle 740 ^> Ne chevalier ne damoisele,
< Q'ausi bêle encore ne soit
« Et ausi preuz, ou que ce soii.
^ « Si vos di bien que g'en sai une,
a Et que ge n'ai doné nesune 745 <i Beauté celi que ceste n'ait :
« Ce dit bien chascuns qui la voit ;
« Et si sai bien com el a non,
« Que ses frères est de haut non /.72 c
« Et de meut gregnor pris encore
75o « Que cil dont ge vos disoie ore,
« Qui si estoit bien entechiez.
~~ Biaus amis Jouglet, or sachiez, « Se ge de ce puis certains estre, « De bqne heure vos fist Dex nestre,
755 « Qu'a toz Jors mes vos en ert miex;
« Einsi joie ge de mes iex, « Se ge par vos sai le manoir « Et la terre ou il puet manoir, « Cil qui tant est et preuz et biaus.
760 « Tient il ne cité ne chastiaus?
« De quel richece puet il estre? »
Fet Jouglès : « Onques ne pot pestre « De sa terre .vj. escuiers, « Puis qu'il fu primes chevaliers;
765 « Et s'est et a gris et a ver
« Toz tenz et esté et iver, 1 Et a soi tiers de compegnons ; « Car ses granz pris et ses renons « Et ses granz cuers et sa proece
770 « Le porvoit si bien et adrece
« Qu'il a terre et avoir assez.
— Moût a Dex en lui amassez
« Toz ses granz biens, » fet l'emperere.
« Moût puet estre lie la mère 775 « Qui porta filz de si haut cuer.
« Bien me devroit on geter puer,
« Se je ne l'ai a compegnon.
« Or me di coment il a non.
• — Guillame de Dole l'apelent 780 < Tuit cil qui el pais repèrent,
f Non pas par ce qu'ele soit soe.
— Di moi dont por qoi s'en avoue?
— Qu'il en maint près a un plessié; « S'a par Dole plus cssaucié
ou DE GUILLAUME DE DOLE 25
785 a Son sornon que par une vile,
« Ce vient plus de sens que de guile. »
Fet Tempereres : « Ce fet mon,
• Et sa suer cornent a a non,
« Qui si a bel et gent le cors?
790 "^ — Sire, el a (a) non Lïenors,
a Ce dit li nons de la pucele. »
Amors Fa cuit d'une estencele
De cel biau non moût près de! cuer ;
Or li seront, sachiez, d'un fuer /. j2 d
795 Totes les autres por cesti.
— Beneoiz qui cest non basti, « Et li prestres qui fu parrins!
« Il fust arcevesqes de Rains, « Se je fusse sires de France.
800 — Or n'i a fors de Taliance
« Fere erroment entre vos .ij., d Fet Jouglès. — et Si te consaut Dieus, Or me rembeliz la pucele. »
Cil s'aperçoit moût bien que celé 80 5 Li plesoit ja par oïr dire,
V Et au samblant que il remire, Li est avis qu'il l'aime ja.
« Juglet, » fet il, a ne me di ja « Ne plus ne mains que tu en sez :
810 « En la moitié a el assez
« De sa beauté por estre dame « Ou d'un empire ou d'un roiaume, « Se m'en as la vérité dite. »
Lors li a cil moût bien descrite 81 5 La gentil pucele honorée.
« Ha! Dex! com buer fu onques née, « Et cil plus cui ele amera f « Sempres covient savoir qu'ira
796 Ms. Beneoit soit qui.
"^^ « Querre son frère le matin, 820 a A cui ge me doig et destin
a Por servir de cuer et de cors. »
En riant li dit Jonglez lors,
Qui ert sages et apensez :
« Del cors veoir avra assez, 825 « Qu'il n^est mie si covoitous,
« Et Lïenors as blons chevouls
« Avra le cuer, se m'en créez. »
Fet il en riant : « Gars provez,
« Com ez ore de mal apens !
83o y' « Or cuides tu voir que ge pens
« Mains au frère q'a la seror?
« En mon roiaume n'en m'onor
a N'afferroit pas q'el fust m'amie,
•i Mes por ce qu'el n'i porroit mie 835 « Avenir, i voel ge penser.
« Or nos a fet soef passer
« La jornée, soe merci.
— Je lairai nostre conte ici,
« Et vos savez bien ou ge lès ; 840 * Il est bien tens d'atendre huimès /. j3 a
« >j[ostre route et noz compagnons. »
Fet il : * Tu diz voir, or peignons. »
Et si chante ceste chançon
En Ponor mon segnor Gascon :
845 Quant flors et glais et verdure s'esloigne, Que cil oisel n'osent .j. mot soner, Por la froidor chascuns crient et resoigne, Tre's q'au biau tens qu'il soloient chanter ; Et por ce chant, que nel puis oublier,
83o La bon' amor dont Dex joie me doigne. Car de li sont et vienent mi penser....
ou DE GUILLAUME DE DOLE t'J
AiNçois qu'il l'aient dite toute, Estoit ja li plus de la route, El chastel et li ostel pris.
855 L'empereres, qui ot le pris
Entor lui de chevalerie, Erroment o grant compegnie Est entrez el chastel après Par une porte de ciprès ;
860 Au paies vienent, si descendent.
Li seneschal les i atendent, L'eve aprestent, napes sont mises.
N'i ont pas fet granz ademises, Ainz en fîst on lues quanq'en dut.
865 Couchier se vet, quant il li lut
Et sa grant gent fut départie.
Par Jouglet, oui il ot partie Sa robe as chans, fist apeler .1. clerc; si li fist aporter
870 Encre, parchemin, et Tafere
Que il convient a letres fere. Tuit troi vont en la garderobe ; Jonglez de sa cote le robe Dont il avoit ja le mantel,
875 Queque li clercs fist bien et bel
Les letres teles a devise Com Tempereres li devise, Puis les fist en or saeler.
Après fist .)'. vallet mander,
880 Qui est venuz -, s'ot non Nicole : a Mon segnor Guillame de Dole, »
Fet il, « me porteras cest brief. »
Ce ne sai ge s'il li fu grief, Mes il dit : « Sire, volentiers.
885 — Sez tu, » fet il, < que dit le briés ?
« Que je li mant et si li pri, J- yS b
« Lues qu'il aura cest bref ci,
« Qu'il monte et viegne a moi lues droit,
« Par celé foi que il me doit ; 890 a Et s'il est a tornoi n'a guerre,
« Por ton roncin mengier, au querre
« Ne fines si l'aies trové
« Et le brief de par moi mostré.
a Or pense bien de la besoigne. »
895 II a commandé qu'on li doigne
• II. marz d'esterlins por despendre,
Ou plus encor, s'il l'en veut prendre ;
Puis li dist qu'il se voist couchier,
Et liet matin por chevauchier 900 Au roisant, si fera que sages.
Cil estoit de fere messages
Assez plus duiz que bues d'arer.
Au matin lieve por errer,
Si se vest et heuse et atorne, 905 El roncin monte, si s'en torne
Et se seigne a l'issir de l'uis.
Je ne demandai onques puis
Ou il fut la première nuit.
Mes moût li greva voir, ce cuit, 910 Ce qu'il aloit seuls au plessié.
L'empereres, qu'il a lessié Gisant de la ou il torna, Au matin quant il se leva, Si fist ovrir une fenestre.
915 Li soleils, plus clercs que puet estre,
Geta ses biaus rais par son lit (De sebelin et de samit
897 Corv. s'il en "r
ou DE GUILLAUME DE DOLE 29
Ot covertoir a roses d'or).
Por ramor bclc Lïenor, 920 Dont il avoit cl cuer le non,
A commencié ceste chançon :
Li noviaus tens et mais [et violete] Et roissignox me semont de chanter.
Et mes fins cuers me fet d'une amorete 925 Un doz présent que ge n'os refuser.
Or m'en doint Dex en tel honor monter, Celé ou j'ai mis mon cuer et mon penser Qu'entre mes bras la tenisse nuette, Ainz q'alasse outre mer.
980 Einsi se conforte en chantant.
Et cil qui chevauchoit errant
Vers Dole tôt le grant chemin
Se fu tant levez por matin, /. j3 c
Puis qu'il vit qu'il l'estut a fere, 935 Qu'en mains d'uit jors vint au repère
Mon segnor Guillame de Dole.
Renomée qui par tôt vole
L'a mené tôt droit au plessié.
Grant trot, non pas le col bessié, 940 Entre en la vile par la porte
Ot tôt le seel d'or qu'il porte.
Il n'estoit pas toz a aprendre :
Il ala ainz son ostel prendre
Qu'il entendist a autre rien; 945 Et quant il fu herbergiez bien.
Et ses roncins bien acsicz,
Et il des heuses deschauciez,
Chaucicz s'est d'autre chaucemente.
Un chapel de flors et de mente 95o Li donna la fille son oste.
941 Ms. qui porte.
3o ROMAN DE LA ROSE
Puis prent la boiste, si en este Les letres, et vet a la cort.
A un garçon a pié qui cort, Qui un trop beau lévrier enmaine, 955 Demande quel vie en i maine :
Il dit que l'en i veut mengier, « Je peûsse ja trop targier, »
Fet il lors droit a soi meesmes; Moût s'apertist et moût s'acesme.
960 v^E qu'il monte en la sale amont,
Li sire ert lues de Rougemont
Venuz, d'un grant tornoiement.
S'avoit chevaliers et moût gent
Par celé sale a grant plenté.
965 II a un vallet acosté,
Si li a dit qu'il li moustrast
Son segnor avant qu'il menjast;
Cil li monstre moût bien au doit.
Li vaslez en vet la tôt droit.
970 Por ce q'on nel tenist a fol,
Osta le mantel de son col,
Qu'il n'est pas droiz qu'il i remaigne :
« Li empereres d'Alemaigne,
« De par cui ciz briez est venuz, 975 « Vos mande, sire, mil saluz,
« Come cil qui vos aime et prise.
« Sachiez que grant faim li est prise
« De vos veoir prochainement. »
Il li respont moût sagement : f.ySd
980 « Frère, » dit il, « l'empereor
« Doint Diex grant joie et grant honor,
« Autant com mes cucrs en désire!
955 Ms. quel vie l'en i maine. — gSS Ms. meismes.
ou DE GUILLAUME DE DOLE 3t
« Et por Deu, que fet il, mis sire ?
«V Moût a grant tens que ge nel vi.
