I. saint angle i est descendu Qui devant li s'est aparu
« Os tu, dist il, Zacarias,
Parole a moi, ne doute pas ; Quant tu as fet le sacrefice, La messe dite et le service,
A ton ostel t'en va arriere,
À ta fame fai bele chiere,
Dex te donra .1. tel enfant Que li dox Dex amera tant Onques jor home tant n'ama.
Au jor c'on le bautisera, Jehans par non iert apelez.»
Zacaries s'est regardez,
A l’angle a dit : «Que as tu dit?
Nos somes tot vieil et florit, Et ore ariomes enfant !
Ce est parole de noiant ; Ceste chose ne croi je mie, Car ce seroit vieille sotie. »
Or oez que li angles dit,
Si com tesmoigne li escrit :
« Sez tu, dit il, Zacarias, Quel guerredon tu en aras De ce que mescrois ton segnor,
DE SAINT FANUEL
Qu'il n’est mie de tel valor Qu'il te peust doner enfant ?
Or saches tu a esciant, Jusqu’a cele hore qu'il ert nez Et circoncis et apelez
Jehan par non, ne parleras,
Ce saches tu, muiax seras. »
A tant s’en est l'angle tornés.
Zacarias est demorés ;
Quant il o fet le sacrefice,
La messe dite et le service,
Il issi hors del tabernacle,
Et Dex i fist si bel miracle Qu'il ne pot onques mot parler, Quant dut le poeple doctriner.
Tout cil qui el mostier estoient A merveilles le regardoient ; Toz li siecle se porpensa, Dient que Dex se coroucha Que Zacarie a mesperé
De ce que Dex li ot mandé.
Zacarias se porpensa,
Amont vers le ciel regarda, Et pense mal a esploitié, Quant il avoit Dex corocié.
À tant s'en va a son repaire, Sa fame troeve debonere,
Il se couchierent en .1. lit,
Si comme l'en troeve en escrit
Et la letre le dit lisans ;
Si engendrere{nt] ung enfent Que Jehanfut apelés ;
Onques meudres hom ne fu nez,
Fors Damedeu le creator, Jhesu del ciel nostre segnor.
Grant joie fu quant Dex fu nez Et grant duel quant il fu penez; Mes il le soufri bonement
Por racheter tote la gent
Qui es tormens d'enfer estoient Et les grans peines enduroient.
En enfer estoient dampné,
Par sa mort furent racheté,
Et par une digne pucele
Qui molt par iert saintime et bele, Qui fu fille a celui baron
Qui Joachim avoit a non.
Cil Joachim, qui pere fu
A la mere le roi Jhesu, L'escripture oï tesmoignier
Que .xur. anz fu o sa moillier ; Onques ne pot avoir enfant; Molt en avoir le cuer dolent,
Et sainte Anne en fu molt marie.
En tristor ont usé lor vie,
Car lor voisin erent felon,
Si disoient par contenchon
Qu'il ne doivent el temple entrer Nelor offrendre presenter
Ne faire nule oblation.
Joachim estoit molt preudom ; De quan qu'il pooit gaaignier
Et consiurrer et espargnier
En .in. parties le partoit.
Les .u. parties en donoit; L'une donoit as povres gens,
Et l’autre au temple vraiemens.
L'autre partie retenoit
Dont sa mesnie sostenoit.
Riches homs iert a desmesure De bestes et de norreture.
Dans Joachins se porpensa Qu'en la monteigne s’enira, Se conforter ja se poist.
‘Sa fame apele, si li dist:
Anne, bele suer, douce amie, Gardez ce qu’avez en baillie ; :
G'irai a nos bestes garder,
DE SAINT FANUEL 19
Por moi deduire et conforter. »
Ele respont molt doucement :
«Alez au Deu commandement. »
À tant s’en va dans Joachins Vers la montaigne toz enclins.
Quant ot puiée la montaigne, Ses bestes vit aval la plaigne ; Et Dex qi tot a en baillie
Son bon ami n’oublia mie.
