I. de ses angles li tramist

Se li noncha e se li dist:

« Joachim frere, arreste, ami, Drece ton chief, parole a mi; Mesagier sui a cel segnor

Que tu reclaimes nuit et jor ; De paradis m'envoie a ti,

Il te commande et jel te di Qu'il a oïe ta proiere ;

À ton ostel t'en va ariere;

À l'entrée de la cité,

Si comme Dex l'a commandé, Anne ta fame enconterras ; Ensemble soi converseras ;

Dex te donra .I. tel enfant

Que nostre sire amera tant, Ele iert roïne de cest mond

Et des choses qui el ciel sont ; Par lui iert li mons rachetez Et enfer brisiez et qassez ; S'en getera les dol[erjeus

Qui ardent com maleüreus, Quialoient en non caloir.

Ne puis plus ici remanoir », Dist l’angle. A tant s’en est tornez Et Joachim si est remes.

Il a bien oi la parole,

Que il n'a pas tenue a fole.

A tant a guerpi la pasture,

Si s’en ala grant aleure.

En la porte de Nazaral

À trové qi molt li fu bel:

Si com li angle li ot dit

Et com le tesmoigne l’escrit, Sainte Anne li vint au devant, Qui a l'angle l’ot en covant.

Dont sot il bien que voir li dist Li angle qu’en la roche vit.

Canga corage et dist por voir C'or ne pooit il remanoir

Qu'il ne geust o sa moillier.

Son lit fist bien apareillier ; Cele nuit jurent il ensemble, Si engendrerent, ce me semble, Nostre dame sainte Marie,

Qui tout le mond a en baillie, Et la roïne principax

Et medicine de toz max.

Si est porte de paradis,

Si i conduira ses amis,

Et par li fu enfer qassez

Et despoilliez et violez ;

Quar Jhesu Crist nos racheta Qui en son ventre s'esconsa..

Dex nos racheta de son cors Et de son sanc qu’en fu trait hors La plaie de desouz l’aissele, Quant le feri souz la mamele Longis, qui des ce qu'il fu nez N'avoit veu, c'est verites, Quant Damedex l’enlumina Et ses pechies li pardona.

Quant la virge fu conceüe, Dont j'ai la parole esmeüe, Dant Joachin a fin ala

Et de cest siecle trespassa, Et sainte Anne reprist baron.

Qui Alfeüs avoit a non.

D'icelui rot ele une fille

DE SAINT FANURL

Qui ensement ot non Marie.

Puis refu mors cil Alfeüs,

Car Dex ne voltkq'il vesquist plus.

Sainte Anne se remaria

Et Cleofeüs l’espousa.

De celui ot ele .r. enfant,

Qui Marie ot non énsement.

Serors furent ces .1n1. Maries Et de grant grace raemplies.

L'une en porta nostre segnor Jhesu Crist, nostre salveor,

Et cele qui apres fu née

Fu espousée a Zebedée,

Ce nos conte sainte Escripture.

Cele fist bone norreture

En S. Jehan l'evangeliste

Et en S. Jaque de Galice.

Ses fils furent cil doi enfant,

Et Damedex les ama tant,

Por la bonté qu'en aus avoit Et que en aus apercevoit,

Car il estoient fiz s’antain ;

Si cousin estoient germain.

Saint Jehan fu molt castes hom Et de molt grant religion,

Si comme l’escripture dit,

Et on le troeve en son escrit, Qu'’ainc cil Jehan ne fist pechié Dont il eust Deu coroucié.

Quant Jhesu Crist en crois estoit

Et son martyre sostenoit,

Qui ot par ses paumes les cleus Et par ses pies les precieus,

Et fu en son coste percié,

De sa mere li prist pitié,

Molt doucement la regarda,

A S. Jehan la commanda

Qu'o li conversast castement ; Et il si fist molt doucement,

Cil fu castes o la virgine, [F° 18] Come est la flor sor l'aube espine.

A S. Jakes donna un don, Tout cil qi par confession

845 En Galice le requerroit, De son pechie pardon aroit S'il n’est si d'anemis lié Que il retorne a son pechié ; Trestout lor soit cuite clamé

&50 Et a l'ame tot pardoné.

Qui Dex aime parfitement Et sa douce mere ensement Et qui en velt oïr parler

Si face pais, si lait aler

855 Cels qui n’ont cure del oir Ne des paroles retenir | Des enfances q'il fist en terre, Quant li .ur. roi l’alerent querre En Belleem ou il estoit,

860 Ou sa douce mère en gisoit, Quant li estoile s’aparut Por la naissance au roi Jhesu.

Ge vos en dirai tel parole Dont j'ai esté a bone escole,

865 Onques certes meillor n’oistes Ne onques home ne veistes Qui vos peust dire meillor De Jhesu Crist nostre segnor; Et tout cil qui le chanteront

870 Plus doucement Deu ameront.

[V°] .X1n. anz apres et un demi Que sainte Marie nasqui,

’ Dedenz le temple en est entrée.

Comme pucele bien senée,

875 Sor ses genoz tint son sautier, Si commenca Deu a proier Dedenz son cuer parfitement.

Dex la regarda doucement,

DE SAINT FANUEL | 23

Nostre creator, nostre pere, Qu'il en voloit fere sa mere.

Le ciel parti et aovri,

S. Gabriel en descendi,

A grant clarté, a grant luor, Vait loant Deu nostre segnor, Dedenz le temple en est entrez.

Molt i fu grande la clartez, Quant li sains angles i entra Que Jhesu Crist i envoia.

Or escoutez, grant et petit, Le salu que li angle a dit, Quant il aporta le mesage

‘A la virge qi tant fu sage.

Il li dit : «Dex te saut, Marie, De la grace Deu raemplie, Et tu soies bieneürée,

Sor totes fames honorée ;

Sor tous soit tes fruis beneïis.

Ensemble o toi est Jhesu Cris.»

Sainte Marie ot grant paor, Quant ele vit la grant luor Que li angles enlumina,

Qui le salu li aporta,

Qui onques mes dit ne li fu.

e Sire, dist ele, qui es tu

Qui cest salu m'as aporté?

Molt as mon cuer espoenté. »

Saint Gabriel l’a regardée, Molt doucement l'a confortée :

« Ne t'esmaier, dist il, pucele, Quar Deu es amie et ancele.

Beneoite es, virge Marie, Del Saint Esprit es raemplie, Car Dex est descenduz en toi; Il le te mande de par moi.

Tu concevras, .1. fiz auras

Et virge et mere enfanteras.

Virge pure, mere saintime,

Ton fix sera Dex le hautisme.

De sa bonté puet on molt dire,

Des rois iert rois, des seignors sire.

Ne soies pas del croire lente.

Voiz Elizabeth, ta parente,

Qui lonc tens a brehaigne esté

Et enfant a tant desiré;

Or a conchut de son segnor

.L. fiz qi ert de grant valor.»

Sainte Marie respondi:

«Comment iert ce? or le me di; Ja ne connui ge onques hom, N'a home n'oi conversion.

Il n’est coustume qu’enfant ait Fame qi a home ne vait.

A Damedeu me sui vouée

Et chasteé li ai donnée;

La maniere voeil bien savoir Com virge puet enfant avoir.»

Saint Gabriel dist doucement:

« Cil qui je faz commandement, Qui de toi velt fere sa mere,

Il est ton fiz, il est ton pere; Ne perdras riens c’aies voé, Bien gardera ta chasteé. »

Ele respont par grant doucor:

«Ancele sui nostre segnor, Face de moi tot son plaisir

Car je le voeil molt et desir.

Ainsi soit il comme tu dis,

Que li sauveres soit mes fis,

Cil qi tot set, tot voit, tot ot, Et ciel et terre et mer aclot, Qui est dehors, qi es dedens, Qui les pluies fet et les vens,

À Deu mon pere graces rent, (Et) si otroi son commandement.

Ains que li angle s’en tornast Ne d'ilueques se remuast,

DE SAINT FANUEL 95

Fu ele sempres ensegnie

De la celestial lignie.

Li sains angles s’en est tornez, Si est remese la clartez.

Ci laisserons del angle ester, D'autre chose voudron parler.

Tout autresi com vos veez, Quant li solax est haut levez Et il tresperce la verriere, La ou ele est la plus entiere, Si com li solaus vient et va Et la verriere mal n’en a

Et li solax retret s'alaine

Et la verriere remaint saine, Tout ausi et plus sainement, Ce sachies vos certainement, S’'esconsa Dex dedenz Marie, Que la virge n’en senti mie.

A cel terme que [je] vos di, S'une fame n'eust mari

Et ele fust grosse d'enfant,

Ele fust prise maintenant ;

Nel gardast ne fust lapidée

Tot li avoir d’une contrée; N'est riens qui la peust garir Qu'il ne la covenist morir.

Or devomes ci avant dire Comment Jhesu, li nostre sire, Ceste pucele en delivra

Et a Joseph la maria.

Ainc plus biax hom ne fu veus De ses jors, si ert toz chenus, Et molt tres bien li avenoit

Sa blanche barbe q'il portoit; Plus estoit blanche d’une hermine, Le piz li coevre et la poitrine.

À tant est une voiz venue

Qui ens el temple est descendue, Ilueques ou les genz estoient

Qui la loi maintenir devoient.

La voiz iert bele, si parla :

« Segnor, dist ele, entendez cha; Dex vos mande, nellaiïssiez mie, Que facies espouser Marie

. Qu'est del lignage Yessé née.s

A tant s’en est la voiz alée,

Et quant il ont trestot oï

Ce que la voiz lor et gehi,

Tot communalment Deu looient, À mains jointes graces rendoient.

A tant sont li baron mandé

Et l’evesque de la cité;

Si ont tenu .1. parlement

Li sage home privéement

Que de cele virge feront

N'a qui il la marieront.

Respont .1. franshom debonere :

«Le plaisir Deu nos covient fere, Qu'or envoiomes par la terre Por trestoz les bachelers querre, Onques .1. seul n’en i remeigne, Tantsoit vex hom, que il n’i viegne.

Quant il seront tot assemblé, S'en face Dex sa volenté. »

Tout responef[n]t: «Il a bien dit Et verité, selonc l’escrit. »

Adonc font letres seeler,

As mesagiers les font livrer,

Si ont toz les barons mandez,

As bors, as chastiax, as citez, Puis amenerent la pucele

Qui molt estoit et bone et bele.

Venu i sunt li demoisel,

Sor lor chevax fort et isnel.

Segnor estoient del pais,

Molt avoient et vair et gris, Citez, chastiax, bors et rivieres, Autres richesces de manieres.

DE SAINT FANUEL | 21

Venu i sunt por deporter.

N’avoient soing de marier; Mes quant il virent la pucele, Et sa face qui tant fu bele

N'i a celui, s'on li donast,

Plus volentiers ne l’espousast Que la fille a un roi demeine, Qui tenist France et Alemeine, Car molt iert bele creature.

Mes de tot ce n’ot Jhesu cure; Autre mari à esgardé

Por garder sa virginité.

Uns demoisiax i est venuz, Joseph a non, si est chenuz ; Venuz estoit au parlement Por veoir le mariement.

Lassez estoit et traveilliez,

Sor .1. perron s'est apuiés.

Quant vit la joie et la leesce, Molt se douta por sa vieillece Ne l'abatist la gent menue, Qui a la feste estoit venue.

Trait soi arrier por reposer, A 1 piler s'ala ester,