Chapitre Septiesme

des choses que le Prince doit faire et considerer en sa seigneurie

Le Prince doit souvenir à toute heure de la loy et des commandemens et ne doit oublier dieu n1 ses sainctz et aller souvent à l’eglise et prier dieu pour luy et pour ses subjeciz. Car se dieu ne garde la cité pour neant se traveillent ceulx qui la gardent.

Il doit honnorer les pasteurs de l’eglise car dieu en dist de sa bouche. ‘Que vous reçoit, il me reçoit”.

Il doit estre religieux et monstrer la droicte foy pour ce qu'il ny a plus belle chose au prince que de avoir droicte foy et brave creance.

Quant le juste roy siet en sa chayre, nul mal ne peult cheoir contre luy.

Il doit garder les eglises, les maisons de dieu, les femmes veuves et les orphelins en droit et en justice. Combien que tous grans petis et moyens soyent en sa garde touttefois entre tous les veuves et orphelins ont bien mestier dayde.

- Ses mains doivent estre nectes à dieu et à la loy de tous

gaingz oultre le dommaine et les subsides tollerables et dantiquité.

I1 doit deffendre les choses du commun, donner et faire à

un chascun rendre ce qui est sien et pourveoir à son povoir

qu'il n'y ait hayne ne discord entre ses subjectz et si elle y est

qu'il ne favorize plus aux uns que aux autres pour requeste ne autrement ne croire tous rappors de legier.

Il doit faire tant qu'il ait bons juges et bons capitaines discretz et saiges et fors et droictz et justes et de bonne foy et de bonne religion à dieu et à saincte eglise. Mais se on les peult trouver si acomplis et de telles vertus pource que tout blanc oysel nest pas cygne, soyent au moins loyaulx, fermes et establis qu 1lz ne puissent estre corrumpus et quilz ne soyent trop simples mi envelopez de maulvais vices.

Si comme la nef est gouvernée par les penons. tout ainsi est la cité menée par le sens et sçavoir du juge.

Pourtant le Prince quant il trouve bon juge il ne le doit laisser ne pour or ne pour argent et doit entendre dilligemment les plaiz et les plaintes et delivrer les petites querelles tost et legierement sans respit. |

Dautre part le Prince doit faire maintenir les ouvraiges et edifices du commun et faire amender et reparer les chemins, les pons, les portes, les murs, les fossez'et les autres choses de ses villes et chasteaulx necessaires en telle maniere que le peuple ne soit grevé et pour ce faire commettre gens loyaulx.

Et ne doit souffrir que nul malfaicteur echasppe sans peine.

Les meurtriers, les trahystres, ceulx qui efforcent femmes et filles, agresseurs de chemins et ceulx qui commettent autres

crimes doit on condanner moult fierement selon la loy et usage du pays. Car le juge est damné qui absoult le malfaicteur.

On ne pugnyst pas le malfaiéteur pour le mal fait, mais pour donner exemple aux autres qu'ilz ne se enhardissent mais ayent crainte de mal faire. Car eschavette de paine donne usage de pecher et mal faire es villes et citez.

Le Prince aussi doit tenir ses officiers en telle maniere qu'ilz ne facent tort ne ennuy à aucun.

Et doit avoir en tour soy bons conseilliers sages et loyaulx à luy et à raison.

Et doit estre tel qu'il semble terrible aux mauvais et agreable aux bons Et ne doit estre trop familier ne de trop legiere contenance en ses faictz ne en. ses dictz.

En hommes sont deux mouvements, un du corps et l'autre de courage.‘ En celluy du corps doit on garder que son alleure ne soit trop molle par tardesse Car cest semblant de superbe contenance, et quelle ne soit hastive quelle face engrossir lalaine et muer la couleur Car telz choses sorit signifiance que l'homme de soit pas estable.

Le mouvement du courage est double, l'un est pensée de raison, l'autre est desir de volonté; Pensée de raison est enquerir le vray, et desir fait faire les choses.

Doncques doit on cuider que raison soit donnée par devant et que desir obeysse car se la volonté qui naturellement est soubmise à raison ne luy est obeyssante elle fait souvent troubler telz couraiges. |

Par les parolles proferées, par la contenance et: par la viaire peult on congnoistre les desirs de.la volonte.

Et pour ce que tous ont plus loeil sus un prince que sus un autre et que ce qui est sur un hault lieu est plus tost congneu et contemplé que ce qui est en bas lieu, le Prince doit estre mirouer et exemple aux autres de toutes vertus se doit maintenir et gouverner en toutes choses comme son estat requiert. Et ainsi sera il aymé de dieu et du monde et à souhait viendront toutes ses besongnes.

Troys choses qui font le roy regner et estre riche et avoir renommée et benediction perpetuelle :

Bien garder et augmenter son domaine.

Tenir bonne justice, et ses gens d'armes en bon ordre et en crainte.

. Garder et augmenter la chose publicque de son royaulme.

Pour le premier: Que pour tout amortissement en baillast au dit domaine autant de rente que monte le quart de l'amortissement. Et pour ennoblissement, le quint en rente de ce que vault ce pour quoy on veult esire anobiy.

Par justice on est pius craintet plusamé, etgens d'armes tenuz en crainte servent mieulx leur prince et le prisent plus. Et de tant que font moins mal, le peuple est plus obéissant et a mieulx faculté de payer et aider à son seigneur, et l'ayment mieulx.

Et quant on deffendroit toutes doreures, ce ne serait que bien fait : car en ce est tout or perdu. Et aussi que nul ne portast ni usast de soie: et que les foyres anciennes du royaume fussent

revoquées. Et seroit toute richesse.

Deo gracias Cy jinit le noble Rosier des Guerres

V4 RUN LAON DOUAERAEFN

NOTE EEE

NUL ATOME CLE Dane, L ui FANS PACERRX |

" , 7 u es .