JOURNAL DE LA SECONDE AMBASSADE — NOTES DE JEAN DE SAINS
(Archives nationales, J 495 n« 3 f»» 3 à 6).
Le mardi xx" jour de may mil CGC IIIIxx XIIII, Messeigneurs de Noion, de Coucy et Monseigneur Jehan de Trie arrivèrent en Avignon et allèrent incontinent devers nostre Saint-Père et lui flrent la révérence et présentèrent leurs lettres, et leur fu jour assigné à lendemain à dire leur créance, et dit Monseigneur de Noion que ils avoient en commandement de parler à nostre Saint- Père seul et non autrement.
Le jeudi xxi« jour de may, disnerent les dessus diz avecque nostre Saint-Père, et après disner dirent leur créance, et la dit Monseigneur de Noion selon la fourme des instructions dessus dites; et nostre Saint-Père respondi que il convendroit en parler aux cardinaux qui autrefois y furent, c'est à savoir à Albane, Amiens, Thury, et encors voult que Viviers y feust, et dit qu'il en parleroit et auroit avis avecque eulx, et aussi dit qu'il faudroit que la besoigne se passast par les cardinaux etc.
Item le samedi ensivant qui fu xxiii" jour de may, le Pape manda mes diz seigneurs qu'ils feussent au palais à matin, et que les diz' quatre cardinaux y seroient, et vouloit que devant eulx ils refrechissent le créance que avoit dicte Monseigneur de Noion.
Ce jour furent mes diz seigneurs devant nostre Saint-Père, presens les cardinaux de Albano, d'Amiens, et de Viviers, car Monseigneur de Thury estoit malade des dens; et la refreschi Monseigneur de Noion ce que par avant avoit dit devant nostre Saint-Père, et, ce fait, il dit qu'il auroit deliberacion sur ce.
Pour ce que cependant Ton traicta tant du fait de Saint- Maalou comme du fait d'entre le Pape ; le royaume de Sicile et
ngithzed by VnOOÇlC
Messire Raymon de Turenne, combien que à chascune des journées Ton ait remencié ce fait et que chascun jour le Pape respondist qu'il y entendroit, toutesvoies il n'en ont peu avoir aucunement response ne ancors estre ou l'on en ait parlé jusques au mercredi xii« jour d'aoust que, près ce que par plusieurs journées precedens continuées de Tune à l'autre nostre Saint-Père avoit dit que il aviseroit et feroit response et que aucunes fois avoit dit qu'il attendoit Monseigneuf le Chambellan qui estoit absens, nostre Saint-Père fu sur ce fait, presens les Cardinaux d'Albano, Thury et de Viviers, ledit Monseignem* le Chambellan et Monseigneur de Magalonne, et aussi y furent les diz messages, et avecque eux Messire Jehan de Garencièrés, cuidant avoir sincère response ; mais lors nostre Saint-Père fist dire par Monseigneur de Thury qu'il pleust à Messeigneurs les messages estre lendemain matin en l'ostel de Monseigneur d'Amiens, pour parler et délibérer de cette matière, afin que elle fust plus oultre nommée, que le Pape n'eust bien bonne volenté de fere à son povoir toutes choses qui seroient au plaisir du Roy, Messeigneurs ses oncles et de Monseigneur d'Orieans. — A quoy respondirent Messeigneurs les messages qu'ils n'estoient mie venuz pour débattre en ce fait, et que ils avoient pieca dit leur créance à nostre Saint-Père sur ce fait, et qu'il avoit eu assez temps de délibérer et de débattre entre lui et ceulx qu'il vouldroit ceste matière, et que Monseigneur de Magalonne avoit esté à Paris, qui avoit requis au Roy et à Monseigneur d'Orléans l'intention de nostre Saint-Père sur ce que autres fois, l'an passé, les diz messages lui avoient requis sur ce, et que nostre Saint- Père et les diz seigneurs scavoient bien l'intention du Roy et de Monseigneur d'Orléans. — Et lors dit Monseigneur de Thury que nostre Saint- Père ne povoit ce fait publier ne faire passer par consistoire, se non que il fust plus ancors certein de Monseigneur d'Orléans. — A quoy respondirent Messeigneurs que ce n'estoit mie l'intention du Roy et de Monseigneur d'Orléans, ne aussi ne avoit ce esté de nostre Saint-Père que ce fait fust descouvert, mais devoit estre tenu très-secret; et ainsi le avoient tousjours dit les dis messages, car le descouvrir seroit destruction du fait pour les causes autrefois alléguées, c'est assavoir que les Communes d'Italie feroient ligues à rencontre ou prendroient autre seigneurie, ou de seigneurs ou de communes, qui est le pire, et que s'il estoit dit ne publié en consistoire, il ne pourroit estre secret. — Et
Googl(
PIÈCES JUStmOATlVES. 71
pour ce que l'evesque de Maguelonne avoit dit qu'il avoit dit au Roy et à Monseigneur d'Orléans que se il estoit disposé de entreprendre ce fait et feust garant des choses qui y seroient nécessaires, nostre Saint-Père y entendroit et le feroit passer par consistoire, fut dit par Messeigneurs que onque ne l'en avoient oy parler, mais estoit proprement contre l'appointement et conclusion prinses Tan passé ; mais voulsist nostre Saint-Père bailler une tele bulle comme autrefois avoit esté fait en ce mesme et pour ce fait à feu le Roy de Sicile, et il suffiroit à Monseigneur d'Orléans. — A quoy respondisrent les Cardinaux qu'ils ne savoient mie que onque bulle en eust été faite, et que elle ne povoit riens valoir se elle n'estoit passée par le consistoire, mesmement que les terres sont communes de nostre Saint-Père et du Collège; mais ils cuidoient que Ton se eslargist de parler plus avant de l'intention de Monseigneur d'Orléans, de la volonté qu'il a de poursuivre ce fait, de la mise qu'il y auroit faite, se il est pçest
de commencer, se il a finance et gens etc et, ce fait, nostre
Saint-Père parleroit plus seurement aux Cardinaux de ceste matière et les induiroit plus tostà y consentir.— A ce respondirent Messeigneurs, comme dessus, que descouvrir ce fait à présent estoit le rompre du tout et le domage Irréparable de la besoigne et de TEglise ; mais quant à Monseigneur d'Orléans, ils savoient bien que Messeigneurs leur avoient dit qu'il a volenté et intention de l'entreprendre; et quant à finances,eulx mesmespovoient savoir qu'il en a assez, et si leur ont dit Messeigneurs que le Roy et Messeigneurs ses oncles lui veulent aidier de leurs personnes et de leur finance que ils pourront ; et pourquoy, quant à la finance,il n'en faut faire doubte,car un aide que le Roy fera de son royaume audit Monseigneur d'Orléans pour ce fait, se montera a plus d'un milion ; et quant est des gens, il en trouvera plus que besoing ne sera ; et pour ce, baille nostre Saint-Père la bulle dessusdite, et il souffira à Monseigneur d'Orléans; ne ne doubtant de son fait quant à ce, mais, se ledit Monseigneur d'Orléans faisoit pour ce une grande despense et que n'en avoit aucuns fruits, il seroit defriandé, ce que ne devroit voloir nostre Saint- Père; et finalement, après plusieurs paroles d'un coste et d'autre fu dit par nostre Saint-Père que lendemain Messeigneurs retournassent devers lui au matin et alors il auroit avisé qu'il leur devroit respondre.
Jeudi xiii® jour d'aoust, Messeigneurs forent devers notre Saint-Père après disner, et y furent les cardinaux d'Albano, de Thury et de Viviers, le Chambellan et Monseigneur de Magaionne ; et parlèrent de cette matière, et tendoient tousjours le Pape et les Cardinaux à récuser que la bulle que Messeigneurs demandent ne leur soit baillée, combien que tous jours la demandassent ; et combien que ce jour Ton dust estre en Tostel de Monseigneur d'Amiens, toutevoies Messeigneurs qui estoient merveilles que le Pape tardast tant à leur faire response se tinrent devers nostre Saint-Père, comme dit est,pour lui parler de ce fait plus longuement, et soliciter leur parlement; toutesvoies le pape voult et les pria que lendemain ils fuissent devers Monseigneur d'Amiens, qui estoit lin peu malade, pour parler plus avant de ceste matière.
Vendredi xiiii« jour d'aoust, Messeigneurs furent en Postel Monseigneur d'Amiens et y furent Albane, Thury, Viviers, le Chambellan et Monseigneur deMaguelonne.Etapres qu'ils orent parlé ensemble, dirent à Messeigneurs par la bouche de Monseigneur d'Amiens que nostre Saint-Père vouloit entendre à ce fait comment que ce feust, mais que il trouvast que Monseigneur d'Orléans y fust disposé, et requistrent à Messeigneurs que ils voulsissent plus avant ouvrir de l'intention de Monseigneur d'Orléans. Et ils respondirent que tousjours leur avoient dit qu'il vouloit entreprendre ce fait, mais seulement que lui en fust faite l'infeudation par bulle,comme l'on avait fait à feu le Roy de Sicile, et que il ne convenoit autrement ouvrir; mesmement que par plusieurs fois avoient dit la volenté de Monseigneur d'Orléans, sa grandeur et sa puissance, la finance qu'il a, l'aide et secours que le Roy et Messeigneurs ses oncles lui offrent, et que autrement ne savoient plus avant dire de son intention, ne de plus avancer ne avoient mandement, et que leur puissance ne seextendoita plus. Finablement dit Monseigneur d'Amiens que les diz seigneurs cardinaux prient Messeigneurs que sans nulle contrainte chascun alast en ce fait de bonne foy, et que le Pape et les diz seigneurs cardinaux qui estoient là voyoient en ce fait le profit de l'Eglise, et avoient très grant désir, pour la grande amour que ils ont à l'ostel de France, que ce fait vinst à effet en la personne de Monseigneur d'Orléans, plus que de nul autre ; et que Ton avisast, chascun de sa partie, toutes les voies que Ton pourroit
à ce que ceste besoigne se puisse conduire et mener à bonne fin ; et fu conclut que chascun penseroit à ce, et seroit Ton à vespre devers nostre Saint-Père pour y prendre conclusion. Et continuans fu parlé de la dicte bulle donnée à Monseigneur d'Anjou, et dist le Cardinal d'Amiens qu'il y avoit une, et les dits messages, qui entendirent ceste parole, la demander», nt séant, mais ancors ne leur en fu mie lors deslivrée la copie.
Samedi a vespres, xv® jour d'aoust, furent Messeigneurs devers nostre Saint-Père, et y furent les cardinaux et le Chambellan et l'evesque de Magalonne dessus diz ; et après ce que Ton eust assez délibéré du fait de la bulle que l'on demande pour Monseigneur d'Orléans, et qu'il fut dit de par nostre Saint-Père qu'il n'en povoit point bailler de tele, car ce serait cause de dire qu'il seroit delapideur des biens et terres de l'Eglise, néanmoins la fourme en fu monstre aux dis messages, en une escripture en fourme de bulle, exepté que la bulle et la marge de dessoubs en avoient esté copées,laquele lurent iceulx messages ; mais le Pape dit qu'il ne la bailleroit point en la dicte forme, tant pour les causes dessus déclarées, comme pour ce que il seroit en voie et péril de la destruction de son estât ; mais il dit que il vouloit bien entendre ce fait en toutes manières bonnes, par quoy la besogne pourroit venir à bonne conclusion. Et pour ce, fu avisé que de par nostre Saint-Père seroit faite une cediile contenant ce que il offre à faire à Monseigneur d'Orléans et ce que il demande que Monseigneur d'Orléans fasse et soit avis de faire pour ce ; laquele cedule faite elle seroit monstrée à Messeigneurs les messages pour la veoir et aviser. Et fu Monseigneur d'Amiens chargié de la faire. Et pour ce que il fu lors parlé que le Pape ne feist point l'infeudation selon ce qu'elle avoit esté faite à Monseigneur d'Anjou, mais selon ce qu'elle fu faite du royaume de Sicile à Charles le premier, les messages demandèrent la copie de la dite infeudation afin qu'ils la puissent veoir et avoir une copie d'icelle. Au lieu de la quele on leur bailla le serment que fist le roy Robert quand il fu roy de Sicile.
Le mercredi xix® jour d'aoust, messeigneurs me envolèrent devers Monseigneur d'Amiens pour le soliciter de la dite cedule; lequel dit qu'il la avoit faite, mais ancors ne avoit esté monstrée au Pape ne aux autres seigneurs ; et toutes voies je lui suppliay qu'il la voulsist envoler à Messeigneurs pour la veoir en convent
pour estre plus avisés ; laquele il me bailla et la copiay hastivement et la lui reportay ce jour ; la cpiele veue, Messeigneurs orent avis sur icelle et montrèrent qu'il y avoit des articles assez oscurs et autres moins raisonnables, comme il leur sembloit, dont ils firent aucun mémoire.
Le samedi xxii« jour d'aoust fu baillée à Messeigneurs la dicte cedule leue et corrigée par le Pape ; laquele Messeigneurs avisèrent et firent mettre en escript les doubtes qu'ils faisoient sur aucuns articles d'icelle afin que ilz feusseiit plus declairiez ; et jasoit que chacun jour messeigneurs feissent diligence de parler de ceste besoigne, toutesvoies le Pape fu malade et ne y povoit besogner, et fornit Messeigneurs de la copie de la bulle de l'infeudation du royaume de Sicile, car ils ne la avoient vu mais seulement le serment du roy Robert, et fu advis que on la leur bailast.
Le mercredi xxvi* jour d'aoust, fu baillée aux seigneurs cardinaux la cedule des doubtes dessus dits^ laquele ils listrent et firent une autre cedule pour repondre aux doubtes dessus dits, laquele ils baillèrent le xxviii® jour dudit mois.
Le xxvin«jour d'aoust, après ce que l'evesque de Magalonne ot baillé de par le Pape à Messeigneurs la dicte cedule responsive aux doubtes dessus dits, Messeigneurs la lurent et, pour ce que en deux articles avoient avisé aucunes oscurités, ils en parlèrent aux dis seigneurs cardinaux, lesquels se assamblèrent pour ce au palais en la chambre^ jour de consistoire, et la corrigèrent en deux articles, ainsi comme il est escript en la dicte cedule, au tiers et au vu*" articles d'icelle, et fu baillée à Messeigneurs corrigiée comme dit est.
Et combien que chacun jour requissent avoir licence, toutes voies ils ne le purent avoir jusopies au iir jour de septembre.
Le jeudi iiir jour de septembre partirent Messeigneurs, c'est assavoir Monseigneur de Noyon pour aler en France et Monseigneur de Coucy pour aler en Lombardie.
BRUXELLES, k, YROHANT, IMP.-ÉDIT., 8, ME DE LA CHAPELLE.
