JOURNAL DE LA PREMIÈRE AMBASSADE — NOTES DE JEAN DE SAINS

(Archives nationales, J 495, n*» 5).

Le dimence xvi» jour de may, l'an IIII xi XIII, Monseigneur de Coucy et Monseigneur l'évesque de Noion entrèrent en Avignon ; et ce jour y entra Monseigneur de Bourbon ; et firent la révérence à nostre Saint-Père, et leur dist que lendemain ils presenteroient leurs lettres et que leur donnneroit heure de les oyr.

Le lundi, furent devers notre Saint-Père, et leur dist que lendemain ils disnassent devers lui ; et ainsi fu fait. Et après disner le mardi ^.. jour de may présentèrent leurs lettres, et dist nostre Saint Père que il convenoit délivrer Monseigneur de Bourbon et entendre a sa besoigne et puis les oiroit ; et lors dist Monseigneur de Bourbon, qui estoit présent, que ancors vouloit que le frère du Roy fust premièrement délivré ; et nostre Saint-Père répondi que le fait, pour le quel estoit venu le dit Monseigneur de Bourbon, estoit bien hastif et touchoit bien le Roy.

Ainsi furent les diz seigneurs admis chascun jour a la court jusques a lundi, xxvi* jour de may, que fu lendemain de Penthecoustes, que nostre Saint-Père dist que il vouloit que les diz seigneurs disnassent devers lui ; et aprez disner les oy ; et à dire leur créance furent presens Monseigneur de Bourbon et Monseigneur l'Admirai.

Le dit Monseigneur de Noion dist la dite créance, selon la fournie des instructions ; et dist premièrement après recommandation l'amour que les roys de France ont tousjours eu a l'Église et comment ils ont de tous temps travaillé à la tuition et défense

^ 17 mai. Le quantième du mois est laissé en blanc dans roriginal.

d'icelle, et comment le Roy qui ores est, en ensivant les voies de ses prédécesseurs, avoit eu en intencion et propos de mener nostre Saint-Père à Rome, et de fait le voult meitre à effet ; mais pour les grans besoignes touchant le royaume qui lui survindrent, il différa lors son emprinse. Item que le comte de Vertus a naguère envoie ses messages devers le Roy, et lui a fait dire que es pays de Italie et de Lombardie se trouvoient ligues au profit de l'intrus et contre nostre Saint-Père, et que en icelles estoient desja le roy des Romains et le roy d'Engleterre, et que aussi estoit requis le dict comte qu'il fust es dites ligues ; mais il ne y avoit voulu donner son consentement sans le bon plesir du Roy; et pour ce estoit en doubte de son estât, pour la haine que ses voisins avoient pour ce contre lui ; si requeroit au Roy qu'il le volsist prendre en sa protection et faire alliances avecque lui, selon le fourme de certains chapitres que les dites gens apportèrent lors. Item que aussi nostre Saint-Père avoit envoyé devers le Roy messire Raimon Bernart, pour notifier au Roy les dites ligues dltalie et lui prier qu'il les empechast, et que pour le bien de l'Église il voulsist tenir manières avecque le dit conte qu'il ne se mist point es dites ligues Et pour ce voult le Roy que le dit messire Raymon Bernart fuist presens et consulté sur ce fait. Item que le dit messire Raymon Bernart requist au Roy de par nostre Saint-Père que, pour le bien de lui et de l'Église, il voulsist faire alliance avecque le dit conte de Vertus, afin qu'il ne se mist es ligues dessus dites.

Item que en faveur de nostre Saint-Père et de l'Eglise et non autrement, le Roy est condescendu à faire ligues avecque le dit conte de Vertus, que autrement n'en avoit intention, volonté ne besoing. Item que en parlant des dites ligues fu avisé par le conseil du Roy que l'on demandast aux diz messages du dit conte se, en faisant les dites ligues, il sedéclan'oit pour nostre Saint-Père, mesmement que autrefois le avoit mandé faire, tant au mariage de monseigneur d'Orléans comme autrefois. A quoy respondirent les diz messages que le dit conte tenoit nostre Saint-Père pour vray Pape, comme fait le Roy ; mais il lui estoit et est impossible se déclarer qu'il ne fuist en péril de destruction de son estât, tant par ses voisins, comme par ses subjets. Et pour ce, par manières diverses, fu lors parlé que pour trouver manière que le dit conte se puist déclarer seurement et faire déclarer ses subjets, il seroit expédient que nostre Saint-Père infeudast au

Googl(

PliCES JUSTIFICATIVES. 63

Roy ou à aucuns grans seigneurs de son sanc les terres de TEglise qui sont en Italie, et en fist un royaume, et que pour ce conquérir le Roy ou celli à qui il seroit infeudé y alast a grande puissance ; et lors le dit conte se declaroit et donneroit en ce aide financier. Item que lors sembla à aucuns que ceste loi estoit faisable, et fu dit que le Roy en sa personne n'entreprendroit point qb fait, pour les grans occupations quMl a d'autre part, mais Monseigneur d'Orléans, qui est jeune seigneur, sage et puissant, l'entreprendroit, et le Roy lui donneroit en ce avis, aide, secours et conseil ; et pour ce feu lors avisé de envoler devers nostre dit Saint-Père pour cestetîause, pour l'en supplier qu'il voulsist faire audit Monseigneur d'Orléans la dite infeudacion.

Et pour le induire à ce, dit et exposa les grans cousteméns, despenses et autres interests que l'Eglise a soustenus et soufiers pour les dites terres, depuis pape Jehan ; comment quant aucun légat les a eues conquises, elles se sont tantost rebellées, et que de présent n'en a aucune en l'obéissance de nostre Saint-Père, et les grans mises qu'il lui convendroit faire s'il les vouloit recouvrer ; et que se la dite infeudacion se faisoit, ce seroit à tousjours le grant profit de TEglise, car elle auroit un vassal qui seroit seigneur naturel du pays, qui pour les dites terres feroit à l'Eglise chascun an grant tribut ou pension, comme fait le . royaume de Sicile, et elle n'en n'a ne n'ot onques aucun profit, mais y a tous jours fait grant despance. Et aussi auroit grans profis des églises qui sont es dites terres, dont les chastiaux et possessions sont occupées par tirans ; et l'Eglise en auroit doresenavant les licences, les dismes et les autres profis, comme elle a ailleurs ; et en oultre ce seroit très grand amendement de la conqueste du royaume de Sicile, car ces deux seigneurs qui sont cousins germains etseroient vassaux de l'Eglise, aideroient l'un l'autre à la défendre ; et si tiendroit l'Eglise le Patrimoine Saint- Pierre en paix ; et qui esi le plus fort, le scisme, qui est tousjours plus aigre et fort ou pais d'Italie, apeseroit et ne se angendreroient mie autrefois scismes si déloyaux. Et en oultre que autrefois nostre Saint-Père infeuda les dites terres à feu Monseigneur le duc d'Anjou, si comme le Roy a sceu par la copie des lettres que en furent faites ; pour quoy se le Pape le fait à Monseigneur d'Orléans qui est seigneur grant, jeune, sage et puissant il aura

plus grant avantage de conquester les dites terres que n'avoît ledit Monseigneur d'Anjou. •

Nostre Saint-Père respondi lors, après ce qu'il ot dît l'amour qu'il a au Roy, et qu'il desiroit l'exécution, etc., que ceste matière estoit moult grande et que elle ne touchoit mie lui seulement, mais tout le Collège, et pour ce convendroit que il en parlast aux cardinaux, et pensoit bien que il y en avait de bien durs à ce, etc.

Aisiément lui fu repondu par le dit Monseigneur de Noion que il sembloit pour plusieurs raisons que ceste besoigne deust estre tenue très-secrete, et que se elle estoit descouverte il s'en pourroit ensuivre plusieurs inconveniens, tant en perpetuition du scisme comme en ce que les Italiens, se ils le savoient, pourroient faire ligues et se prémunir contre ledit Monseigneur d'Orléans ; aussi l'intrus pourroit de sa part infeuder les dites terres à autres ou à communes et ainsi le comte de Vertus, qui a le cuer à ce fait, en pourroit souffrir grans domages.

Lors dit nostre Saint-Père qu'il y penseroit plus longement, et après parleroit aux diz messages,mais il convenoit que ancors il délivrast le fait de Monseigneur de Bourbon qui estoit là sur son partement, pour aler ou royaume de Sicile.

Apres ces choses nostre dit Saint-Père demanda à veoir la copie que ledit monseigneur de Noion disoit avoir de la lettre de rinfeudacion faite à feu monseigneur d'Anjou, laquelle lui fu bailliée tele comme lez diz messages le avoient ; et pour ce que elle n'estoit mie complète, lui fu dit que s'il lui plesoit faire à Monseigneur d'Orléans une tele lettre, l'on feroit tant que l'on lui monstreroit le résidu ; laquele copie il bailla au chambellan pour faire quérir ou registre, se Ton pouvoit trouver le minute d'icelle.

Le ...jour dejuing les diz messages parlèrent à Monseigneur de Bourbon qui se vouloit partir d'Avignon, afin qu'il recommandast a nostre Saint-Père le fait de leur délivrance, et qu'il volsist faire tele réponse que elle deust estre aggreable au Roy et a nos seigneurs ; lequel le fist ainsi, et nostre Saint-Père respondi que sitost que ledit Monseigneur de Bourbon seroit parti il n'entendroit a autre chose qu'à leur dite délivrance.

Le... jour de juing le Pape veult que les dis messages disnassent devers lui et y fist disnerle Chambellan ; et après disner parla de

Googl(

PIÈCES JUSTinCATIVES. 65

ceste matière et dist la graat affection que il avoit au Roy et à Monseigneur d'Orléans et le grant vouloir qu'il a de lui faire plesir et de entendre à son puoir à son bien et amendement ; mais quant il avoit bien pensé à tout, ceste matière estoit moult périlleuse et grant, et n'en vouldroit point délibérer seul, ne aussi ne vouldroit mie que elle feust publiée a tous les cardinaux, mais il vouldroit bien que Amiens, Albano et Thury la sceussent, afin qu'ils y avisassent comment Ton y auroit à procéder ; et pour ce dist au dit Chambellan qu'il les fist venir lendemain matin devers lui pour ceste cause.

Le... jour de juing furent au palais, en la chambre basse, nostre Saint-Père, les trois cardinaux dessus diz, le Chambellan, les diz Monseigneur de Goucy et Monseigneur de Noion, et voult nostre Saint-Père que Monseigneur de Noion dist en la présence des dessus diz ce que il lui avoit dit, lequel le âst. Et après on demanda aux diz cardinaux et premièrement à Monseigneur d'Amiens, lequel dit que ceste besoigne estoit si périlleuse à descouvrir que se elle estroit descouverte ce seroit perpétuer le scisme, ce seroit la destruction des terres de l'Église et de tout Testât de nostre Saint-Père et de tout le Collège, et pour ceenseinoit que chacun le teinst secret. Toute voies il voit la chose moult grant et y vouldroit bien penser,et ûnablement pour ce que nostre Saint-Père vouloit délibérer quelle response il feroit aux diz messages, dist après plusieurs paroles que la créance que les diz messages avoient dite estoit moult nue et crue, et qu'il seroit bon que se ils avoient puissance ils se ouvrissent plus avant, et qu'il estoit besoing que nostre Saint- Père sceust des diz messages quelle volonté le Roy et Nosseigneurs avoient a ce fait, se Monseigneur d'Orléans avoit assez finance pour ce fait conduire et mener, afin qu'il aide les frais le comte de Vertus, quelles gens et combien ledit Monseigneur d'Orléans vouldroit mener avecques lui, et comment il voudroit conduire ce fait ; et se de ce les diz messages estoient informés ils parlent plus avans. Et iceux messages dirent que ils estoient envoies pour ce que au Pape avoient dit, et requirent nostre Saint-Père qu'il voulsist faire la dite infeudacion, ainsi comme autrefois le avoit fait, et que plus avant ne pou voient ouvrir de la matière, jusques a ce qu'ils sceussent plus à plein la volonté de nostre Saint-Père. Pourquoy le dit cardinal conclut flnablement que il lui sembloit

06 PIÈCES JTOTIFICATIVES.

lors que nostre Saint-Père envoiaat de ses gens bien notables devers le Roy,pour lui enquérir de ces,et lui en informé,il pourroit plus pleinement respondre ; à laquelle opinion se rendirent tous. Toutesvoies nostre dit Saint- Père dist qu'il vouloit que chascun d'eulx y pensast ancors, et que il vouloit ancors délibérer sur la response qu'il feroit aux diz messages, et vouloit que eulx mesmes fuissent au conseil, car il se fioit d'eulx, et que ils retournassent autrefois devers lui.

Le xxi" jour de juing furent les diz messages devers nostre Saint Père, et furent en la chambre des séances le Pape, les diz messages, les cardinaulx d'Albano et de Thury, et le chambellan: et fu parlé de cette matière, et parla monseigneur de Thury qui dist la grant amour et affection que avait nostre Saint-Père au Roy et à Tostel de France, et espécialment à Monseigneur d'Orléans, et que au bien et acroisement de Monseigneur d'Orléans il vouldroit faire etc...., et que ainsi comme autrefois avoit esté dit ce fait estoit très grant etc.,en asjoutant qu'il devoit estre tenu trèssecret, et que le descouvrir estoit mettre en péril la personne et Testât de nostre Saint Père et de tout le Collège et de l'Eglise. Toutesvoies nostre Saint-Père qui avoit oy la créance des diz messages, non obstantle prix, y vouloit faire tout ce qu'il povait, comme estoit en lui, mais que ce feust par avis de personnes qui connoissent à ce, et que Ton vist que ce se puist faire sans la destruction de son estât et de l'Eglise; et pour ce vouloit bien que Ton y avisast voies et manières par lesqueles la besoigne se puist conduire. Et pour ce que par les diz messages fu respondu après merciement de l'amour etc.. que nostre dit Saint-Père voulsist donner une tele bulle comme il avoit octroyé au Roy de Sicile et que l'on feroit foi de l'original, ilrespondi : que si la besoigne estoit autre, l'on feroit bien une nouvelle bulle, et que la bulle fesoit peu quant en foi. Et après nostre Saint-Père dist de soy que se il veoit la besoigne bien disposée, il querroit mestier et trouveroit très-volontiers aucunes voies et manières que la besoigne puist venir à bonne conclusion ; mais il ne voioit mie que de ce feustfaite réponse par lesdits messages. — Et fut lors appointé que l'on seroit un jour en Tostel de Monseigneur d'Amiens, et y seroient lesdits seigneurs cardinaux, ledit Monseigneur le Chambellan et lesdits messages, pour ce que ledit Monseigneur d'Amiens ne povoit vraiment venir au palais.

Googl(

PlfeCBS JUeTlFiCA.TIV88 07

Le jourdajuing les diz messages à heure de vesprq furent en l'ostel dudit Monseigneur d'Amiens, et y furent les cardinaux et le chambellan dessus diz ; et après ce que Ton ot parlé de ceste matière fu conclus qu'il estoit expédient pour ceste besoigne et très-nécessaire, autrement le fait ne pourroit venir à bonne conclusion, que Monseigneur d'Orléans en sa personne entreprinst ce fait, et y feust continuelment, et qu'il eust deux mil hommes ou mil Vc hommes de tret, et qu'il eust bien grans seigneurs avecque lui et que il et lesdiz grans seigneurs, lesdiz gens d'armes et de tret feussent tels que ils ne s'en retournassent jusques II fin de la conqueste ; et sembloit que avant que ceste besoigne eust fin, il y faudroit bien estre par trois ans, et que par chascun an seroient bien nécessaires six cens mille francs et plus; et que aussi conviendra soavoir du conte de Vertus quel aide il vouldrait faire, et comment il donneroit querelle france ou dit Monseigneur d'Orléans en ce fait ; et aussi que se faire se povait, Ton quesist alliances avecque les contes et grands sei« gneurs d'Italie ou cieulx de qui l'on les pouvoit avoir.

Après jour de juing, ledit raport fait devers nostre Saint- Père, il en continuant tousjours les premières paroles de la bonne volonté qu'il a à ce fait, il dit que c'estoit sa volonté comme estoit en lui de entendre à ce fait, mais que bonnement le puist faire, et envoiera son message par devers le Roy, et voult que chascun desdits cardinaux avisast pour le bien dudit fait comment l'on y avoit à procéder, et que lesdiz messages allassent devers chascun d'eulx à part pour avoir un avis, etc.

L'advis de Monseigneur d'Albane fu que Monseigneur d'Orléans y alast en sa personne, qu'il eust finance pour continuer, qu'il eust bon amour et afi'ection à Monseigneur de Vertus et qu'il feist autres alliances,se faire se pouvoit,aux contrées d'Italie, et que ce fait fut tenu très secret.

L'advis de Monseigneur d'Amiens fu que Monseigneur d'Orléans aille en sa personne, qu'il ait gens notables en nombre de deux mil lances au moins, tousjours réservées finances de chascun an Vie mille francs fournis du comte de Vertus, et que tost soie entreprise la besoigne et diligement continuée.

L'advis de Monseigneur de Thury est que Monseigneur d'Orléans n'aille mie en sa personne; mais nostre Saint- Père envoie vers lui aucuns qui prient Monseigneur d'Orléans qu'il aille es terres de l'Église et face la guerre au nom du Pape, avecque la

somme du comte de Vertus^ et que des villes qui seront piinses ou viendront à obéissance, les roches ou chastiaux seront establis des gens de Monseigneur d'Orl eans, et que après sera fait suite, par lettres ou bulle passées par le Pape et aucuns cardinaux, de rinfeudacion du royaume ; et quant la besoigne sera ainsi faite, monseigiieur d'Orléans ira en sa personne et se descouvrerala besoigne etc.