AD PERPETUAM REI MEMORIAM

Quum, sicuti renuntiatum Nobis est, Bituricensi in Dioecesi, pia quaedam laïcorum Christi fidelium Societas, seu Sodalitium Issoldunensis Missionariorum de Sacro Corde Iesu Instituti, légitime, ut asseritur, in dicta Dioecesi existentis, nuncupata; propterea quod huiusmodi Instituto communi vinculo charitatis erga sacratissimum Cor D. N. I. C. adiuncta, aliam Sacerdotum secularium eiusdem tituli praefato Instituto aggregatorum Societatem ordine consequens, Canonice, ut praefertur, erecta constiterit perfectioni suae provehendae et Ecclesiae in saeculo tuendae.

Nos, ad augendam fidelium religionem animarumque salutem, coelestibus Ecclesiae thesauris pia charitate intenti, quo huiusmodi Societas ad maiorem Sacratissimi Cordis gloriam incrementa in dies suscipiat, allatis ad Nos precibus obsecundantes, de omnipotentis Dei misericordia ac BB. Pétri et Pauli App. Eius auctoritate confisi, omnibus et singulis Christifidelibus, quo die in praefatam Laïcorum Issoldunensem Societatem, de Sacro Corde Iesu nuncupatam, primum fuerint cooptati, si vere poenitentes et Confe^si SSmum Eucharistiae Sacramentum sumpserint, Plenariarn; ac tam adscriptis quam pro tempore adscribendis dictae Societati sodalibus vere quoque poenitentibus et confessis ac S. Connu unione refectis, qui eiusdem Societatis Ecclesiam, si extet, secus, respectivam Ecclesiam Parochialem, die respectivae professionis ad leges ipsius Societatis emittendae dévote visitaverint, ibique pro Christianorum Principum concordia, haeresum extirpatione, peccatorum conversione, ac S. Matris Ecclesiae exaltatione, pias ad Deum preces effuderint, Plenariarn omnibus peccatorum suo-

mm Indulgentiam et remissionem misericorditer in Domino concedimus.

Praeterea eisdem nunc, et pro tempore existentibus, huiusmodi Societatis sodalibus, etiam vere popnitentibus et confessis ac S. Communione refectis, qui Ecclesiam ut supra festivitatibus Nativitatis, Paschatis Resurrectionis D. N. I. C, item solemnitate SSrîii Corporis eiusdem Christi Domini; necnon festivitatibus Conceptionis, Annunciationis et Assumptionis B. M. V. L, praeterea die festo S. Iosephi, ipsius Deiparae V. I. Sponsi, ac die alio per ordinarium semel tantum designando, a primis vesperis usque ad occasum solis dierum huiusmodi, singulis annis, dévote visitaverint, ibique ut supra preces effuderint, quo die praefatorum id egerint, Plenariam, item, omnium peccatorum suorum indulgentiam et remissionem misericorditer in Domino impertiraus.

Eisdem vero memoratae Societatis sodalibus corde saltem contritis, qui Ecclesiam ut supra qualibet feria sexta, quae primo loco singulis anni mensibus recurrit, visitaverint, ibique ut supra oraverint, septem annos; pro quolibet autem opère bono, quod ex instituto Societatis eiusdem peregerint, sexaginta dies de iniunctis eis, seu alias quomodolibet debitis poenitentiis in forma Ecclesiae consueta relaxamus. Quas omnes et singulas indulgentias, peccatorum remissiones, ac poenitentiarum relaxationes etiam animabus Christi fidelium, quae Deo in charitate coniunctae ab hac luce migraverint, per modum suffragii applicari posse indulgemus. In contrarium facientibus, non obstantibus quibuscumque, praesentibus perpetuis futuris temporibus valituris. Volumus autem, ut praesentium Litterarum transumptis seu exemplaribus etiam impressis, manu alicuius Notarii publici subscriptis, et sigillo personae in Ecclesiastica dignitate constitutae munitis, eadem prorsus Mes adhibeatur, quae adhiberetur ipsis praesentibus, si forent exhibitae vel ostensae.

Datum Romae apud S. Petrum sub aunulo Piscatoris die XXIV ianuarii MDCCCLXXVIII. Pontificatus Nostri anno trigesimo secundo.

Locus annuli f Piscatoris.

Pro Dno Card. Asquimo, D. Jacobjni.