PRÉFACE DE GUIRON LE COURTOIS

N* 338 nouveau 6969 ancien des Manuscrits français.

Bibliothèque nationale ^

(Cette préface n'a jamais été publiée complètement; nous la donnons pour la première fois in extenso,)

« A Dieu qui m*a donné pooir et engien et mémoire de fiiner hounouréement le livre du Bret, entour qui je ai travaillié moult lonc temps entehtivement et curieusement, dont Je rent grasces et mercis et loenges, telles comme chevalier péchéour. jolis et envoisiés et ententis as déduis du monde puet ne doit rendre à son créatour, que nous devons premièrement entendre el père qui onques ne fut conceus ne engendrés et el fil qui fu du père seulement et el saint esperit qui du père et du fil issit, ces .III. personnes ne doivent être entendues que en Dieu le père seulement ; et celui merci-je et aour et suppli et li rens grasces de ce que, par sa benigneté et par sa débonaireté, ai eu temps et loisir de mener à fin le riche ouvrage que je ai empris, à faire du livre du Bret. Après le merci-je moult autrefois de ce qu'il m*a donné te! grasce que je ai oonquesté la bonne volonté du noble roi Henry d*Engleterre, à qui mon livre a tant pieu, pour les dis plaisans et délitables qu'il a trouvé dedenz, qull vueult por ce qu'il li samble que je n'ai encore mie mis tout ce qu'il i apartenoit, que je encommence un autre livre de celle meismes matère et vueult que je, en cestui livre que je commencerai à rhonneur de lui, soient contenus toutes les choses qui en

' Il n'existe à la Bibliolhëqoe nationale qae deux mann^crits de Guiron le Courtois qai contiennent cette préface, les antres mannscrits ont perdu leurs premiers feoillets.

mon livre du Bret failleat et ôs autres livres qui de la malère du Saint Graal furent extraites. Car bien est vérités que aucun saint home clerc et chevalier s* en sont déjà entremis de translater ce livre de latin en langue françoise. Messires Luces de Gau s'en entremist premièrement. Ce fu li premiers chevaliers qui s*estude 1 mist el sa cure ; bien le savons. Et cil translata en langue française partie de Tistoire monseigneur Tristran et mains assez qu'il ne déust. Moult commença bien son livre ; mais il ne dist mie d'assez les œuvres Monseigneur Tristan, ains en laissa bien la gregneure partie. Après s'en entremist messire Gasse li blons qui parenz fu le roi Henri; apriès s'en entremist maistre Gautiers Map qui lu clers au roi Henry et devisa cil l'estoire de Monseigneur Lancelot du Lac, que d'autre chose ne parla il inie gramment en son livre. Messires Robers de Borron s'en entremist après. Je Helis de Borron, par la prière Monseigneur de Borron et pour ce que compaignon d'armes fusmes longement, en commençai mon livre du Bret. Et quant je l'oi mené jusques en la fin, ainsi qui il appert encore, messires li rois Henris à qui mes livres ot tant pieu ainsi comme je vous ai dit, quant il ot regardé dès le commencement jusques en la lin, pour ce qu'il avoit oï tous les autres livres qui du livre du Saint Graal estoient trait en françois devant lui et le mien et les autres les avoit toz; ne encore n'estoit dedens tous ces livres mis ce que le latin devisoit, ainsi en remest à translater moult grant partie, et pour ce vost-il que je m'entremeisse à mon pooir, de mener à fin, tout ce qui en ces autres livres failloit. Je, endroit moi, et qui pour son chevalier me tieng, et bien le doi faire par raison, vueil accomplir le sien commandement et li promet que je mon pooir en ferai ; et pour ce que je voi que le tems est biaus et clers, et li airs purs et la grant froidure de l'iver s'est d'entre nous partie, vueil coramencier mon livre en tel manière» »

« Grant temps a jà que je ai esgardé et veu les merveilleuses aventures, estranges faits que la haute histoire du Saint Graal

devise apertement ; moult y ai curieusement mise m* entente et le sens que nature m*a donné; moult y ai pensé et vueillié et travaillié estudieusement et moult m'esjoïs du travail que j'ai fait; car je vois tout apertement que de l'euvre que je ai traite, des dis plaisans et déli tables seront aussi esjoissant li povre comme li riche qui ont aucun entendement, qui ont pooir et aaise de veoir et de regarder ce que j'ai dit en langue franco ise. »

« Car estranges choses et merveilleuses ai trouvé en latin et tant en ai dit que je connois que en tous les lieus ou chevalier à langue françoise repèrent, sont li mien dit chieri et hounouré, sor tous autres dis françois qui, à notre temps furent espandu entre peuple; hounouré sont de ceulz qui à honneur entendent et se il ne sont plus prisié de ceulx qui ne connoissent l'onnour ne le pris dou monde, ce ne m'est pas grant deshounour; car qui en soi-même ne connoît son povre estât, ne son povre fait, mauvaisement puet recongnoistre aucun bon dit quant il le trueve. Et se telles gens m'aloient blasmant, ce me seroit uns reconfort; car on dit tout apertement que blasme de chaitif homme est loenge as bons et honneurs. Or donc, quant je vois et connois que li plus sage et plus prisié d'Engleterre et de la riche court sont ardant et desirans d'escouter li miens dis, et à monseigneur le roy Henry plaist que je die encore avant et je voy que la grant hystoire du Saint-Graal, dont maint preudome se sont jà travaillié pour translater en françois, ne encore ne l'ont traite à fm et si en ont jà esté fait maint bel despens et maint riche don ; et à moi-mesme en a jà messires li rois Henris donné .H. chastiaus, la seue merci, et si n'est pas encore l'euvre del tout acomplie et pour ce veuil-je huimais la main mettre pour acomplir ce que li autre commencèrent. Huimais veuil-je de ceuls parler qui furent si entièrement preudomme et bon chevalier que encore en appert el royaume d'Engleterre grant partie de leurs œuvres. Encore véons nous par escrit et par aussi chascun jour, qui il furent, et comme grans

fut la bonlez et comme il furent preud'homme et hardi, et des bons ne puet l'en mie trop de bien dire, ne des mauvais ne puet on dire si pou de mal que trop ne soit grief à escouter ; je lesse les mauvais d'une part, en loins de moi soient tous jours, jà Dieus n'en veille qu'il m'approchent. Des bons dont auques scay la vie, les grans merveilles et les grans fais qu'il firent en l'ancien temps, veuil-je mettre en auctorité un livre grant et merveilleux tel comme je le voi en latin. Se mon livre du Bret est grans, cis ne sera mie menor, car à force le convient estre ; autrement ne porroie-je mètre entièrement ce que messires me commanda. Bien sai que il plaira as bons et por ce que li bons se sachent, je veuil por les bons si mon livre translater que li bons y praignent bon exemple des haus faits des bons chevaliers anciens. Li bon qui verront cest mien livre et escouteront les beaux dis que je y métrai et s'en réconforteront souventes fois et souvent en esteront leur cuers de diverses cures et de greveuses pensers ; de biaux dis et de courtois et de haus fais et de hautes œuvres sera cis miens livres estrais. De ce prendra commencement et selon ce, se définera. Autre proposement ; je n'ai fors à parler de courtoisie et quant courtoisie est le chies de mon livre, or seroit bien raison et drois, que je, de courtois chevalier commençasse ma matère et je si ferai si je puis. De qui dirai -je? je commencerai cest mien livre? Ce n'iert mie de Lancelot car maistre Gau. Map en parla bien et souffisamment eh son livre ; de monseigneur Tristran n'iert mie cestui mien livre, car el Bret en ai auques dit, et de li a on proprement un livre fait. Quel non li porrai-je donner? Tel comme il plera à monseigneur le roi Henry. Il vuell que cestui mien livre qui de courtoisie doit nestre soit appelés Palamèdes, pource que si courtois fu toutes voies Palamèdes que nus plus courtois chevaliers ne fu au temps le roy Artus et tel chevalier et si preu comme l'estoire vraie tesmoigne. Or donc quant à Monseigneur plest que je cest mien livre commence el non de Palamèdes, et je le vueil commencier puisqu'il

plaist au noble roi Henry mon seigneur, si prie Dieu qu'il me doint, c'est moye ouvrage, qui au nom de Palamède est commenciée, de finer à mon honneur. Or commencerai donc mon livre el nom de Dieu et de la sainte Trinité qui majouvente tiengne en joie et en santé et la grâce de mon seigneur terrien et dirai en tel manière cou vous orrois. »