LE CHEMY DE RODES JUSQUES A VENISE
324. Nous partismes du port de Rodes pour retourner a Venise le dimenche apprès Pasques communians, .ix*. jour d'avril, l'an mil .iij ? iiij^ et xvj., sur une nafve gouvernée de Grecz, que tous les pèlerins avoient louée ensemble sans autre chose y mettre sus que leur voulenté.
325. Sy feismes voille et costeasmes la Turquie grant temps a la main dëstre, et laissasmes l'isle de Quandie a la senestre : celle isle a .vij^ de tour, et en sont seigneurs les Vénitiens.
326. Apprès passasmes par delez le Taut Saint Ange qui siet en la Morée, et le laissasmes a main destre. Et près d'illec, a deux mille en tournant vers la Turquie, est la bouche de Remotine, ou est ung estroit passage en mer par ou les vaisseaux vont en Rommenie que l'en souloit appeller Grecce. Et près d'illec a vjç milles fut la cité de , Constantinoble ou l'empereur demeure a présent. Apprès
y est 11 Pera une forte cité tout devant Constantinoble, f> 64 que les Genevoix y ont fait par force et la tiennent en leur main. D'illec peult on aler, et tout par mer, en Cafifa, qui est ung pays ou il fait merveilleusement tresgrant froit en Tiver, si comme il nous fut dit et certiffié par màrigniers et marchans qui plusieurs fois avoient esté es
1. Ce l manque dans M, -^ 2, A partir d'ici, le translateur mes^ sin, considérant le pèlerinage comme terminé, coupe au plus court, mentionne à peine quelques-uns des ports touchés par les pèlerins depuis leur départ de Rhodes ^ et arrête brusquement sa copie au passage correspondant au § 338. Nous reproduisons cette relation écourtée à Vappendice II.
mm
lieux dessusdits, esqueiz nous ne fusmes mye, c'est assavoir oultre la dicte bouche de Rommenie.
327. Assés près d*icellui Tau Saint Ange est une montaigne sur mer ou il y a ung hermitage et ung hermite. A environ xx milles près fut jadis la noble cité de Athènes qui est a présent toute destruicte, et siet en la Morée. La Morée est ainsi comme une isle de .vij. ^ mille de tour, environnée de mer excepté environ .v. milles de terre qu'il faudroit cosper, et puis seroit la mer tout autour d'icelle terre. De la Morée est seigneur le Depost qui est frère de l'empereur de Constantinoble, et sont tous chrestiens grecs.
328. Apprès ce que nous eusmes passé ledit Tau Saint Ange et que nous fusmes tout près de Choron, une bonne ville fermée qui est aux Veniciens, le vent nous fut si contraire par .xv. jours entiers que onques ne peusmes passer icelle bonne ville, mais retournasmes arrier jusques a ung port en la Morée ou il a un chastel appelle Vitulo, et illec preismes raffreschissement de vivres.
329. Apprès ce, au chief de .xv. jours refist bon vent pour nous. Si passasmes oultre, et passasmes par près de Modon, une cité devant escripte ^ qui est aux Veniciens.
330. Et tousjours fusmes sur mer sans prendre port jusques au .vj®. jour de may que, par le vent qui nous fut contraire, nous arrivasmes a une petite isle appellée Tisle de la Monte, qui est a .vj. mille pr^s de la cité de Raguise en Esclavonie. Et d'icelle isle entrasmes les aucuns en une barque, et entrasmes en la cité de Raguise pour avoir raffreschissement de vivres.
33 1. La cité de Raguise est belle petite cité, les deux pars sur mer ; mais elle est merveilleusement et forment fermée de treshaulx murs, de treshaultes tours, de fossez murez, de marine.
1. Cest'à'dire mentionnée au ^ 28, oit le nom de cette ville est écrit : Modin, comme ci-dessous au ^ 34 t.
lh! saint voyage de jherusalem 97
332. Et en celledîcte cité, en Teglise de monseigneur Saint Biaise, nous furent monstrées les dignes reliques qui s'ensuivent :
Premiers, en Teglise de monseigneur Saint Biaise, le chef d'îcellui moult noblement envaissellé d'argent. Item, son tiras destre avecques sa main, laquelle est encores entière atout les ongles.
Avec ce y avoit tout près d'illec une huche plaine d'autres reliques toutes envaissellées d'argent moult noblement, desquelles nous obliasmes les noms.
Item, avec ce y veismes cellui digne drap ou touaille sur lequel le bon saint Simefen receut Nostre Seigneur Jhesu Crist entre ses bras, au Temple, le jour de la Purification, quant ledit saint Simeon dist : Nunc dimitis^ etc. ^ Et est icellui digne drap moult noblement envaissellé en ung coflFre frestré de fin cristail, parmy lequel l'erf peult veoir icellui drap tresçlerement, et est tresblanc et espès, velus comme sont les ouvrages tissus a haulte lisse en la manière de Frise qui seroît bien déliée. Sachiés que ceulx de la cité le tiennent moult chier , et ilz ont bonne cause selon les miracles qu'ilz en avoient veuz appertement, comme ilz disoient, et plusieurs fois, lesquelz seroient trop longs a escripre. *
333. Item, en Teglise des Jacobins de Raguise nous fut montré Tundes dois de monseigneur saint Estienne, et de
la vraye Croix II de Nosu*e Seigneur Jhesu Crist, etj)lusieurs/o 65 autres reliques de sains et de sainctes, qui estoient trèsbien envaissellées en argent.
334. Celledicte citéde Raguise devroit estre subgecte du tout au roy de Hongrie, mais les habitans d'icelle ce sont rebellés contre lui ; si lui payent ses droictures, et sont seigneurs et gouvernent la cilé.
335. A Raguise a bel petit port, bien fermé de grosses chaynes de fer. Et tout devant Raguise a un tresfort
