I. Luc, ij, 2g, Voyei ci-dessus, au % i

chastel sur une haute roche assise joignant a la mer, duquel yceulx citoyens ont la seigneurie.

336. Oultre Raguise a grans montaignes, outre lesquelles est le royaume de Bossene ou il a tresmauvais chrestiens, si comme il nous fut dit, et d*aultre part la mer a senestre main.

337. En venant de Rodes a Venise, laissasmes nous illec environ le royaume de *Puille et bien en veismes le territoire ; et apprès y est Enconne.

338. Nous partisqpies de l'isle de la Monte devant Raguise le mardi .ix«. jour de may, et tousjours fusmes en mer sans prandre port jvisques au mardi apprès Pénthecouste, .xxiij". jour de may, que a cedit jour nous arrivasmes au port de Venise.

339. Et y sejournasmes .vj. jours entiers, et y acchetasmes des chevaulx ; et pendant ioeux .vj. jours vindrent audit Venise monseigneur messire Henri de Bar et monseigneur de Coucy, qui s'en alerent en Hongrie, pour aller oultre ensemble monseigneur le conte de Nevers ^, contre les Turcs. Et nous baillèrent lesdiz monseigneur Henry de Bar et monseigneur de Coucy leurs lettres de passage pour retourner en France.

340. A Venise a ung grant lieu clos et bien fermé de murs et de mer, que l'en appelle « TArchenal » ; c'est le lieu ou l'en fait les ouvrages de la cité ,»c'est assavoir les galées dont il y en auroit bien .iiij^x, et dix, que vielz que neufves, a terre seiche et a tois couverts. Apprès y fait on les cordes des vaisseaulx, et Dieu scet se les maisons ou l'en les fait sont longues. Apprès y sont les forges ou l'en fait les anchres tant des galées comme des naïves. Apprès y fait on les rames et l'artiHerie pour armer iceulx vaisseaulx. Et sachiés ccrtainementque toutes ces choses sont de moult grant coust ; et tout ce fournist la cité de Venise.