Cuis, Marne, arr. d'Epernay, canton d'Avize

frère esdites villes de Grauve ^ et de Cuys^ et est arrière fief a mondit frère, et peut valoir ledit fief par an environ xxx l. t.

Et TOUTES les choses dessus dictes, jeOgiers^ sires d'Anglure, advoez de Theroanne dessus dit, advoue a tenir du roy nos sire, comme dessus est dit, pourquoy je supply affectueusement comme Je puis que, se ainsi estoit que je eusse chose oblyé a dénommer, spécifier, mettre, esclarcir ou escripre en cest présent escript et denommement, par aucune aventure que ce feust, que son plaisir soit a moy en tenir pour excusé, car en vérité je ne l'aroye mie fait malicieusement, et au plus tost que je pourroye apparcevoir obleance d'aucune chose y avoir oblyé, je en promect à faire mon devoir par devers ly ou ses gens, et l'advoue a tenir de ly et bailler par escript soubz mon scel, toutes foiz que les cas y escheiroit ou venroit a ma congnoissance, en tesmoing de vérité.

Je Ogiers, sires d'Anglure dessusdit, ay seellé ce présent escript et denommement de mon propre seel duquel je use et entensa user en toutes mes besoingnes et causes. Ce fut fait en l'an de grâce Nostre Seigneur Tan mil ccc soixante et quinze, le pénultième jour du mois de mars.

Parmy lesquelles lettres est annexées unes lettres dont la teneur s'ensuit.

A tous ceulx qui ces lettres verront, Hugues Aubryot, chevaliers, garde de la prevosté de Paris, salut. Savoir faisons que par devant Jehan Fourquant (sic) et Jehan de Cointecourt, clercs notaires jurez du roy nostre sire en son Chastelletde Paris, fut présent noble homme monseigneur Ogier d'Anglure, chevalier, seigneur dudit lieu, advoué de Theroenne, et afferma pour vérité par son serment que les deux seaulz mis es lettres parmi lesquelles ces présentes sont annexées, chacun d'iceulx est son propre seel et duquel il use et a acoustumé a user en tous ses faiz et ses besoingnes, et oultre que toutes les choses contenue en ycelles sont vrayes, et ce certifiions nous estre vray par la teneur de ces présentes esquelles, en tesmoing de ce, nous, a la relation d'iceulx notaires avons mis le seel de ladicte prevosté de Paris, l'an mil ccc soixante et seize, le venredy unze jours de juillet.

Ainsi signé: J. de Cointecourt et J. Fouquant.

(Archives nationales^ registre de transcrits d'aveux et dcnonibrements, P 204, pièce CLXxiiii.)