Janvilliers, Maine, arr. d'Epernay, canton de Montmirail

appellée Colette, et ycelle Collette eussent troussée et mise de fait sur un cheval qui estoit dudit suppliant, et ycelle menée senz le sceu dudit suppliant en un de ses chasteaux appellé le Tou i. Et le landemain bien matin, ledit suppliant quant il fu revenu du moustier oïr la messe avec un sien cousin appellé Baudon de Vendieres 2, chevalier, fust retourné en son dit chastel du Tou eteust encontre ledit de Saint Martin et lui demandé d'ont il venoit, ou estoient les autres, et ou ilz avoient esté ne tant demouré, lequel de Saint- Martin lui eust repondu : « Alez veoir en vostre chambre et vous le saurez bien. » Et lors ycelui suppliant se fust parti et s'en alé oudit chastel, ouquel il trouva dedens sa chambre la dicte Colette qui se chaufFoit au feu et lui eust demandé en ceste manière : a M'amie, qui vous a cy mise ne amené. » Auquel ladicte Colette eust respondu que ce avoit fait Jehannot de Saint Martin. Et adont icelui suppliant eust amiablement dit a ladicte Colette ; « M'amie, bien veignant, il convient que je parle a vous. » Et l'eust prise par la main et menée en sa garde robe, et ylec la cognut charnelment une fois seulement. Et, tantost après, icelui suppliant la fist revenir en sa chambre au feu et commenda a ses gens et officiers que l'en la feist boire et mangier. Et, ce pendant, ladicte Colette eust oye sa mere qui la poursuivoit et eust entendu qu'elle crioit a haulte voix : « Faulx mauvais chevaliers, tu as ma fille leens en ton chastel. » Et lors eust demandé ledit suppliant a la dicte Colette : « Que est ce que j'ay oy. » Laquele Collette li respondi : « C'est ma mere, pour Dieu! laissiez m'en aler avec- « ques elle. » Et incontinant ledit suppliant la prinst et bailla a sadicte mere, disant ces paroles : « Dame, vous dites que vostre « fille est céans; se ce est elle cy, prenez la, car je ne la congnoiz. « Dieu la congnoisse! » Et lors se parti ladicte Colette avecques sadicte mere et s'en alerent ou bon leur sembla. Mais, depuis deux ans en ça ou environ, ladicte Colette par l'ennortement de sa dicte mere et dudit Jehan le Desgourdi, son mari, s'est plainte a justice dudit suppliant. Pour lequel fait, icelui suppliant se double d'estre par rigueur de justice molesté ou empeschié en corps ou en