AU LECTEUR

Salut.

Ce journal, ainsi qu'il se recognoist parla lecture d'iceluy, a esté dressé par quelqu'un de la suyte et maison du très illustre seigneur Simon de Sarebruche, damoyseau de Gommercy, baron d'Anglure, autheur et promoteur de ce voyage, qui mourut au retour d'iceluy en la ville de Nicotie, et prenoit ceste qualité de baron d'Anglure pour avoir espousé madame Ysabeau de Ghastillon, lors veufve de messire Oger, seigneur d'Anglure, advoué de Therouënne, decedé des l'an i383, comme porte l'epitaphe qui est sur sa sépulture, couverte d'une tumbe de cuivre, qui se veoid devant le grand autel de l'église des Jacobins de Troyes, faisant mention de ladicte Ysabeau, sans toutes fois cotter l'année de son décès, ce qui a esté remarqué par l'autheur de la très laborieuse histoire généalogique de la maison de Chastillon-sur-Marne \ lequel néanmoins a suivy un mauvais mémoire, en ce qu'il rapporte seulement le décès dudict Simon de Sarrebruche, soubz

I. Hist. de ChastiUun, p. 42G. (Note en marge de Véd. de Troyes.)

l'année 1402, bien qu'il fust mort en Chypre durant ledict voyage dès le 18 janvier i3g5 ^; et pendant le susdict an 1402 ou peu après semble ladicte Ysabeau estre decedée. Or est considérable la pieté de ce seigneur, lequel meu de la seule dévotion entreprist si grand et pénible voyage, si grandement et noblement accompagné, que Jacques, roy de Chypre, adverty de sa descente en ceste isle, luy envoya un de ses Escuyers et avec luy milles chevaux et sommiers pour porter son bagage et celuy de sa compagnie jusques en ladicte ville de Nicotie, capitale du pays, et de plus recognoissant sa valeur, et la grandeur de sa noblesse et extraction, le voulut honorer de son ordre qu'il receut la veille de son decez. Les curieux sçavent que ceste maison de Sarrebruche a possédé longuement les comtés de Braine et de Roucy par le mariage faict de messire Robert de Sarrebruche avec Jeanne comtesse desdicts lieux dès Tan 141 5 parla mort de Jean, comte de Roucy, son pére, tué en la bataille d^Azincourt ; et depuis ceste maison fondue en celle de la Marche, de Silly, Rochefort, et autres, ce qui est amplement deduict par frère Mathieu Herbelin religieux de Sainct-Ineda de Braine, en sa généalogie manuscrite de la royalle maison de Dreux. Reçois donc, lecteur, ce petit ouvrage non encores cy devant imprimé, et faictz estât des pieux et religieux desseins de l'ancienne noblesse Françoise.