I. M : Le diemange .xviij''. j. d'aoust

couvers. La cité de Paula est soubz la seignorie de Venise.

22. Item, le mercredi premier jour de septembre, partismes de Paula, et arrivasmes tantost a une petite isle qui a nom |1 Insuie, tout près de Paula; et la fîst on la monstre des marigniers devant le capitaine des galées.

2 3. Cedit jour mesmes partismes d'illec et arrivasmes a Corfo le lundi ensuivant .vj®. jour de septembre. Corfo est une isle qui est soubz la seignorie de Venise, et y a une cité qui a nom Corfo, .vj^'. mille oultre Paula ^

24. Entre Paula et Corfo a une isle deshabitée que l'en appelle Cazopoly. En laquelle isle il y a chappelle de Nostre Dame, que l'en appelle Nostre Dame de Cazopoly. En laquelle chappelle, devant l'ymage, a une lampe plaine d'uille ; et y a ung figuier devant ladite chappelle dont le bois, quant il est mouillés en l'uille d'icelle lampe, guarist de fièvres; et y a moult grant pèlerinage. Celle isle a toute deshabitée ung serpent qui y est et n'y laisse vivre nulle créature fors ceulx qui habittent en ladite chappelle.

CHIFORNIA

25. Nous partismes de Corfo le mardy ensuivant, .vij^ jour de septembre et vigille de Nostre Dame; et erras mes par mer, tant a voille comme a rames, jusques au sabmedy ensuivant que nous arrivasmes en une isle qu'on appelle Chifornia^. Et arrivasmes droit a une belle fonteine d'eaue doulce ou il ot jadis une ville que l'en appeloit Alexandria. Illec n'abite nulz. Mais assés tost apprès que nous feusmes illec arrivés, nous vindrent hommes et femmes qui aporterent pain fretz, gelines, raisins et autres pourveances a vendre ; car icelle isle est bien peuplée