RAMES

45. Item, de Jasfe nous allasmes a Rames cedit vendredi mesmes. Rames est une cité belle et bonne et bien marchande, et est moult fort peuplée et habitée de ^arra-

33 zins. En || celle cité a une église de Saint George.

46. Et au dehors de la cité, environ lieue et demye, a une grosse ville champestre ou il a une église de Saint George dont la plus grant partie est abatue, laquelle fut jadis moult noble et moult belle; et en icelle église devant le grand autel est le lieu ou saint George fut decolé.

47. Item, tout près d'illec est le chastel que l'en appelle Emaûs, duquel l'Euvangile fait mencion que les pèlerins congnurent Nostre Seigneur a briser le pain le jour de Pasques, apprès la Résurrection ^.