Le vendredi ensuivant , alasnies oultre tout le jour

182. Le sabmedi ensuivant, alasmes oultre jusques au vespre ^ que nous logasmes sur une autre fonteine.

183. Saichiés que, par ces desers, ce ne sont pas fonteines sourdans, mais sont lieux bas entre grans roches ou l'eaue se tient et arreste apprès une grant pluye.

184. Le dimenche ensuivant, .xxxj«. jour d'octobre et vigille de Toussains, alasmes oultre tout le jour.

185. Le lundi ensuivant, jour de la Toussains, alasmes jusques environ nonne que nous venismes passer par devant la fonteine du Soudan ^, et alasmes loger ung pou oultre environ deux mille. Sy ont usage tous les pèlerins de loger sur celle fonteine pour prendre rafreschissement d'eau doulce, ||car depuis que l'en est partis de Gaza^ jusques a Saincte Katherine l'en ne treuve eaue qui soit bonne ne profïitable que en cestedicte fontaine du Soudan. La cause pourquoy nous n'y peusmes estre logiez si est telle, qu'il y avoit dix mille Sarrasins logiez tout entour, qui retournoient de Mecha et illec se rafîreschissoient. Encor y en avoit plus de .Ix^- darrier qui tous retournoient dudit Mecha ; et y ont coustume d'aler chascun an adourer leur maistre prophète Machoumet ^ Et y a du Caire jusques a Mecha environ cinquante journées de desers. Mecha, si comme l'en dit ou pays de par delà, est moult grant ville et est a^nsi comme l'entrée d'Inde.

186. Le mardi ensuivant .ij^ jour de novembre, alasmes oultre tout le jour.