I . Jean de Bourgogne^ comte de Nevers. (Note à la marge

341. De droicte ordonnance les Veniciens envoyent chascun an .v. galées en la Terre Saincte, et arrivent toutes a Barust qui est le port de Damas en Surie ; et d'illec se partent les deux qui mènent les pèlerins au port de Jasfe qui est le port de Jherusalem et de Rames. Item, ilz en envoient chascun an .iiij. en Flandres. Item, ilz en envoient .iiij. en Constantinoble. Item, il y en a .viij. qui gardent le gouffre de Venise jusques vers Modin, pour les robeurs desur mer. Assés envoient d'aultres vaisseaux par mer comme nafves , coques , paufriers , mairans, destrieres, grippories, et aultres vaisseaulx.

342. Nous partismes de Venise pour venir en France le lundy .xxix«. jour de may, et venismes au giste a Padua la cité.

343. Le mardy ensuivant venismes au giste, depuis le disner, a Vincence qui est une belle et grande cité et est au duc de Milan.

344. Le mercredy ensuivant, venismes au disner a Villenove, et au giste a Veronne, qui est une belle et grande cité et est au duc de Milan ; et si disnasmes illec le jeudi ensuivant, qui estoit le jour du Saint Sacrement. Et y veismes ledit jeudi plus de .vj c. personnes de route, deux a deux, qui se alloient bâtant d'escorgées, de chaynes de fer, parmy ladicte cité, en faisant procession avec les croix et les prebstres revestus , et en faisant leurs penitances en portant le corps Nostre Seigneur parmy icelle cité. Et avoient iceulx batans chascuns vestu une cotte de toille, les visages couvers fors que tant que en droit leurs yeulx avoit pertuis pour veoir a eux conduire, et se batoient d'icelles escourgées a nu entre les espauiles, et chantoient en eux bâtant || tous ensemble ung chant 66 pareil : et estoit merveilleuse chose et piteuse a veoir.