Et le vendredy ensuivant venismes a disner au

Pont Neuf, et au giste a Bresse, une cité de Lombardie.

347. Le sabmedi ensuivant, venismes a PalisseuUe, et au disner et au giste a Vaubery ; et illec passasmes une rivière fort courrant a barc.

348. Le dimenche ensuivant, .iiij^. jour de juing, venismes au disner a Milan, qui est tresbelle cité et bonne; et y faict Pen une belle et grosse église. Illec audit Milan sejournasmes nous deux jours et demy, en reposant nos chevaulx.

349. Le mardi ensuivant .vj^ jour de juing, partismes de Milan, et venismes au giste a Karonne, une bonne cité.

350. Le mercredi ensuivant, venismes au disner a Varaise, et au giste a Lavain sur le lac.

35 I . Le jeudi ensuivant nous entrasmes et nos chevaulx en deux barques pour passer ledit lac Majour ; et venismes .ix. milles d'eaue au digner a Mergousse sur ledit lac devers France, et au giste cedit jour a Divoire qui est au pié du mont de Brique ; et illec loyasmes chevaulx pour porter nos cariages oultre le mont en alegant les nostres.

352. Le vendredi ensuivant venismes au disgner a Sainct Pion en la montaigne, et au giste a Brique qui est au pié du mont de Brique par devers France.

353. Le sabmedi ensuivant, au digner a Soute et au giste a Syon.

354. Le dimenche ensuivant, au digner a Merteny \ et au giste a Saint Moris en Chambely sur le Rosne. En l'egUse de Saint Moris en Chambely a de moult dignes reliques et belles, entre lesquelles nous fut monstrée grant partie du corps de monseigneur saint Morise noblement envaisseilé. Et si nous furent monstrées deux dignes empoles plaines du sang de .vi ^. chevaliers, qui furent occis iilec près pour maintenir nostre foy, et eulx combatant contre les mescreans ; desquelz chevaliers les anges