RECIT DES NOPCES DE CHARL0T ET DE LAURIETTE
Loride et Minerve contentes et joyeuses, se promenans un jour ensemble à Glicere dans la grande allée , s'apperceurent que Chariot devisoit avec Lauriette, comme d'un sens fort rassis, -et d'un profond discours, qui fut cause que Floride dit à Minerve : Je serois infiniment ingratte si je ne faisois du bien à ces deux personnes là qui m'ont assisté si courageusement, et d'un cœur si franc.
Minerve. Il les faut marier ensemble s'ils le veulent, et leur donner quelque petit avancement.
Floride. C'est bien dit, nous rirons tandis que vous estes icy. A l'instant mesme ils les appelèrent, et Floride parla à Chariot, et Minerve à Lauriette, qui incontinent trouvèrent que leurs volontez s'accordoient, parquoy ils les accordèrent, et fiancèrent. Il ne falioit pas que ces nopces fussent faictes sans plaisir, et pource bonne compagnie en fut advertie, qui s'y trouva. Penseriez-vous qu'Yolande n'y fust point ; si nous l'avons un peu laissée, ç'a esté pour luy donner loisir de penser en ses amours, ce pendant qu'Armii est à Paris pour quelques affaires. Floride vouloit aussi marier Riande, qui ne voulut pas y consentir, et ne peut-on avoir d'elle autre chose pour response, sinon qu'elle ne vouloit point se séparer de sa chère maistresse, avec laquelle, l'ayant retrouvée, elle finiroit ses jours, si elle l'avoit agréable. Les filles ont ainsi des occasions qu'elles mettent en avant, pour celer ce que la honte et l'honneur veullent qu'elles tiennent secret de leurs amours. Or, Amour qui vouloit faire des siennes, vouloit bien que l'on sceust qu'il se fourre par tout, et de tous estats, et à ceste fin, servit luy mesme de trompette pour porter les nouvelles de ces nopces. Dès le poinct du jour, les Gentils-hommes du païs avec les luths
vindrent, qui chez l'un, qui chez l'autre, et assemblez chantoient cest air.
Voicy le temps que Ton plante Ceste plante, Qui par ses effects divers Resjouit tout l'Univers.
Sus doncques vous de qui l'ame Toute en flame Est animée à l'amour, Resveillez-vous il est jour.
Allons fouller la rosée De la pree, Par où l'on va dans les bois, Où sont les arbres plus droits.
Que chacun se resjouisse, Et choisisse, Le may selon qu'il sçaura Qu'à sa maistresse il plaira.
Et d'une belle allaigresse, Luy addresse, Et le plante long et droict - Au plus amoureux endroit.
Les banquets furent amples, et outre les Gentils-hommes et Dames, les Bergers et Bergères des environs s'y trouvèrent si bien que c'estoitune vraye etnaifve pastoralle. Et croyez qu'il n'y a point tant de plaisir aux mascarades contre-faites de bergers, qu'à la naïveté des
12 LE SANDR1N
naturels pasteurs. Ceste feste rendoit le temps agréable, et la compagnie estoit, qui aux jardins, qui aux prez, qui au costau, selon que le plaisir incitoit chacun, ou en ces lieux, ou vers les bois, ou vers les ruisseaux. Sur le temps que les ombres s'accourcissent , et que Ton désire la fraischeur, et que desja les tables qui avoient esté dressées sous les tonnelles estoient prestes à estre ostees, voicy venir une trouppe de Bergers qui chantoient, Tune belle grand et disposte commençoit, et les autres luy respondoient:
J'ay le cœur remply d'esmoy, Mon amy resjouy moy,
L'autre nuict estant couchée Je songeay je ne sçay quoy.
J'ay le cœur, etc.
Las, j'estois toute ennuyée Et mon amy vint à moy.
J'ay le cœur.
Comment t'en va, ma Bergère, Me dit-il tant doucement.
J'ay le cœur.
Las, je suis en peine amere, Et pour vous en grand tourment.
J'ay le cœur.
Que t'a t'on fait, ma mignonne, Raconte moy ton courroux.
J'ay le cœur.
Tout le travail qu'on me donne Ne m'est causé que par vous.
J'ay le cœur.
Les gens de nostre paroisse Vont causant de nos amours.
J'ay le cœur.
Toutefois, mTamour, si est-ce Que je t'aimeray tousjours.
J'ay le cœur.
Ce sont des sottes paroles, Laissez causer les causeurs.
J'ay le cœur.
Et de crainte si frivoles Ne troublons jamais nos cœurs.
J'ay le cœur.
Usans des biens de la vie, Ma mignonne, entr'aymons-nous.
* J'ay le cœur.
Et laissons passer l'envie, Nul ne vit au gré de tous.
J'ay le cœur.
Aime moy bien, ma Bergère, Car lors que nous serons morts.
J'ay le cœur.
14 LE SANDRIK
Avec nostre ame légère, Nos amours sortirons hors. J'ay le cœur.
Donc ce pendant que nostre âge Nous en donne le loisir.
J'ay le cœur.
Ma mignonne, sus, courage, Donnons nous bien du plaisir.
J'ay le cœur.
Ceste chanson finie , et que ceste belle trouppe eut salué la compagnie, Chariot en prit une, et ainsi chacun de ceux qui vouloient dancer choisit celle qui luy plaisoit plus pour la mener, et Chariot chanta ceste chanson :
Bergère Bergeronnette Dancez sur la violette.
Je m'en vay chercher des fleurs, Et sur ces fleurs sont les cœurs De ces douces Pastourelles.
Bergère, etc.
Les Bergers les vont cueillant, Et hardis les resveillant Se saisissent des plus belles.
Bergère.
Mais Amour qui ne veut pas Qu'on ait à gré ses esbats,
OU VERD GALÀND. 15
Fait envoller ces fleurettes.
Bergère.
Ainsi les pauvres Bergers Aynians des cœurs si légers, Sont trompez par ces fillettes.
Bergère.
Puis amour qui veut aussi Apres leur faire mercy Les remet en leur courage.
Bergère.
Ainsi meslant les amours De mal, il fait que tousjours, On les cherche d'avantage.
Bergère, bergeronnette
Dancez sur la gaye herbette.
Il faisoit bon veoir les Nymphes du lieu (qui font les jeunes Damoiselles à marier) habillées en bergères, et n'eust esté la différente grâce, on les eut prises pour telles ; mais quoy, chaque accou stumance a sa propre forme, et bien vray, que quelquefois il y a des naturels tant propres à tout, ce que Ton vid à quelques bergères que l'on estimoit estre Nymphes : c'estoit Amour qui se jouoyt, façonnant chacun à sa fantasie, ainsi qu'il se transforme luy-mesme en toute sorte de ce qui est. Tout à Tentour, il yavoit mille petites genlil-
lesses, et pastoralles : à main gauche, il y avoit un berger sur un prunier qui cueilloit des prunes, et en jettoit au giron d'une bergère, à laquelle il disoit d'un, et elle respondoit de mesme :
LE BERGER
Viença, ma belle Marion, Approche toy, tends ton giron, Et icy je te donneray Des prunes que je secouray.
LA BERGERE
Tu fais à demy Il faut que tu hoche, Plus fort, mon amy, Pour emplir ma poche.
Un peu plus à costé, et comme à l'entrée du pré, ce qui estoit fait à propos : mais toutefois si bien qu'il sembloit que ce fut par saison, et coustume sans artifice. Il y avoit une belle Bergère qui tenoit son mouton, et des forces, comme pour tondre et, vis à vis, il y avoit un jeune Berger esbarbé qui estoit appuyé sur sa houlette qui s'entre-disoient de bons mots :
LE BERGER
Ainsi les Bergères Qui sont mesnageres, Quand il est saison Serrent leur toison.
LA BERGERE
Va, causeur, entre tes pareils, Tu n'es pas comme mon mouton, Par entre les deux gros orteils On t'a eschaudé le menton.
Sur le fonds de la petite colline, il y avoit aussi à l'ombre d'un alisier une Bergère qui mangeoit du lait caillé, et le vieil Berger qui avait la charge de faire gouster les pastourelles, luy en versoit en son escueile, sur quoy ils devisoient de mesme, et de propos suy vant le temps, la saison, et les affaires :
LA BERGERE
Berger, j'ayme tant la douceur, Que, par ma fine, je voudrois Au temps de ceste grand chaleur, En avoir quand j'en demanderois.
LE BERGER
Durant mon jeune âge J'aymois le laittage Mais quand on est vieux Le bon vin vaut mieux.
En riant de ceux cy, on vint à appercevoir vers un saulx une vieille qui avoit attaché sa Chèvre, et qui chantoit en se ridant le coin des yeux en patte d'Oye, et les costez de la bouche comme une vieille bourse de cuir :
i% LE SANDRIN
Je me prens à rire De ce que je tire, Car je m'en souviens Lors que je le tiens.
Un Berger caparassonné et équipé de ses hardes pastorales, faisoit une gaye et profonde révérence à une Bergère, et comme s'il luy eut demandé à servir, lui proposoit ce qu'il sçavoit faire, surquoy ils s'entretenoient joyeusement : t
LE BERGER
Je porte en mes boëtelettes Un oignement si parfait.
Qui fait revenir le lait Aux taries brebiettes.
LA BERGERE
Tire toy arrière, Tu n'es qu'un causeux, Tu n'en aurois guère Si vous estiez deux.
Un autre habillé plus à la légère accourt vers une Bergère, et ameine avec soy son bélier, et s'approchant met la main à sa cotte pour la lever, et pourtant ils entrent en dispute :
LE BERGER
Voicy le loup sur la motte Qui veut manger mon mouton,
Je te prie, Marion, Cachons Robin sous ta cotte.
LA BERGERE
J'aymerois mieux ta houlette.
Pour le cnasser s'il venoit, Puis ma cotte est si estroitte Que Robin me blesseroit, Tant il a la corne droicte.
Sur ces gentillesses, Barlion et Faramond prirent Robin, et le menèrent à part, l'embouchèrent et l'envoyèrent vers Minerve, qui estoit assise auprès de la mariée, et le compagnon s'en vint tenant une musette, et faisant la joyeuse petite révérence, luy dit :
S'il vous plaisoit, Dame discrette, Humblement je vous serviroye> Et en jouant de ma musette, A vostre gré vous esbatroye.
