Amélioration

Nous prions par usage et par coustume, ou, pour mieulx dire, nous lisons ou prnnonceons nos prières ; ce n'est enfin que mine : et me desplaist de veoir faire trois signes de croix au Benedicite, autant à Grâces (et plus m'en desplaisl-il de ce que c'est un signe que j'ai en révérence et continuel usage, mesmement quand je baaille) ; et cependant, toutes les aullre heures du jour, les veoir occupées à la haine, l'avarice, l'injustice : aux vices leur heure; son heure à Dieu, comme par compensation et composition i. C'est miracle de veoir continuer des actions si diverses, d'une si pareille teneur^, qu'il ne s'y sente point d'interruption et d'altération, aux confins mesmes et passage de l'une à l'aultre. Quelle prodigieuse conscience se peult donner repos, nourrissant en mesme giste, d'une société si accordante et si paisible, le crime et le juge?...

Il semble, à la vérité, que nous nous servons de nos prières comme d'un jargon, et comme ceulx qui employent les paroles sainctes et divines à des sorcelleries et effects magiciens; et que nous facions nostre compte^ que ce soit de la contexture, ou son, ou suitte des mots, ou de nostre contenance, que despende leur effect : car ayants l'ame pleine de concupiscence, non touchée de repentance ny d'aulcune nouvelle reconcilialion envers Dieu, nous luy allons présenter ces paroles que la mémoire preste à nostre langue, et espérons en tirer une expiation de nos faultes. Il n'est rien si aysé, si doulx et si favorable que la loy divine; elle nous appelle à soy, ainsi faultiers* et détestables comme nous sommes; elle nous tend les bras, et nous receoit en son giron pour vilains, ords* et bourbeux que nous soyons et que nous ayons à estre à rad\enir : mais encores, en récompense la fault il regarder de bon œil; encores faut il recevoir ce pardon avec actions de grâces; et au moins, pour cet instant que nous nous adressons à elle, avoir l'ame desplaisante* de ses faultes, etennemie des passions qui nous ont poulsé'' a l'olfenser. Ai les dieux, ni les geuls de bien, dict Platon *, n'acceptent le présent d'un meschant.

Immiinis arain si tetigit maniis, Kon sumptuosa blandior liostia,

Mollivit aversos l*eiiates Farre pio, et salieiite mica ^.

{Essais, I, Lvi; t. I, p. 477; 488.)