Où

Xous prions par usage et par coustume, ou, pour mieulx dire^ nous lisons ou prononceons nos prières ; ce n'est enfin que mine : et me desplaist de veoir faire trois siirnes de croix au. Benedicile, autant à Grâces (et plus m'en desplaist-il de ce que c'est un signe que j'ai en révérence et continuel usage, mesmement quand je baaille); et cependant, toutes les aultres heures du jour, les veoir occupées à la haine, l'avarice, l'injustice : aux vices leur heure; son heure à Dieu, comme par compensation et composition'. C'est miracle de veoir continuer des actions si diverses, d'une si pareille teneur-, qu'il ne s'y sente point d'interruption et d'altération, aux confins mesmes et passage de l'une à l'aultre. Quelle prodigieuse conscience se peult donner repos, nourrissant en mesme giste, d'une société si accordante et si paisible, le crime et le juge"?...

Il semble, à la vérité, que nous nous servons de nos prières comme d'un jargon, et comme ceulx qui employent les paroles sainctes et divines à des sorcelleries et effects magiciens ; et que nous lacions noslre compte^ que ce soit de la contexture, ou son, ou suilte des mots, ou de nostre contenance, que despende leur efTect : car ayants l'ame pleine de concupiscence, non touchée de repentance ny d'aulcune nouvelle reconciliation envers Dieu, nous luy allons présenter ces paroles que la mémoire preste à nostre langue, et espérons en tirer une expiation de nos faulles. Il n'est rien siaysé, si doulx et si favorable que la loy divine; elle nous appelle à soy, ainsi faultiers^ et détestables comme nous sommes ; elle nous tend les bras, et nousreceoit en son giron pour vilains, ords-» et bourbeux que nous soyons et que nous ayons à eslre àl'advenir : mais encores, en recompense la fault il regarder de bon œil; encores fault il recevoir ce pardon avec actions de grâces; et au moins, pour cet instant que nous nous adressons à elle, avoir l'ame desplaisante ^ de ses faultes, et ennemie des passions qui nous ont poulsé'' à l'offenser. INi les dieux, ni les genls de bien, dicL Platon*, n'acceptent le présent d'un mescbant.

Immunis arain si leligit maiius, Kon sumpluosa blandior lioslia,

Mollivit aversûs Pénates Farre pio, et salienle mica''.

{Essais, 1, Lvi; t. I, p. 477, 488.)