SCENE VII

D. PEDRE, HALL ISIDORE.

Hali , faisant plusieurs réuérences à D. Pedre.

D. PEDRE.

TRéue aux cérémonies, que voulez-vous?

HALL J7 se retourne deuers Isidore, à chaque parole qu'il dit à D. Pedre :

et luy fait des signes pour luy faire connoistre le dessein de son Maistre.

Signor (auec la permission de la Signore) ie vous diray (auec la per-

mission de la Signore que ie viens vous trouuer (auec la permission de la Signore) pour vous prier (auec la permission de la Signore) de vouloir bien (auec la permission de la Signore' . . .

D. PEDRE.

Auec la permission de la Signore, passez vn peu de ce costé.

Signor, ie suis vn Virtuose.

D. PEDRE.

le n'ay rien à donner.

HALL

Ce n" est pas ce que ie demande.

Mais comme ie me mesle vn peu de Musique, et de Danse, i'ay instruit quelques Esclaues qui voudroient bien trouuer vn Maistre qui se plût à ces choses; et comme ie sçav que vous estes vne Personne considérable, ie voudrois vous prier de les

voir, et de les entendre, pour les acheter, s'ils vous plaisent, ou pour leur enseigner quelquVn devos Amis qui voulût s'en accommoder.

ISIDORE

C'est vne chose à voir, et cela nous diuertira. Faites-les nous venir.

HALL

Chala bala... Voicy vne Chanson nouuelle, qui est du temps. Ecoutez bien, Chala bala.