V. 1591-1624. TRAGI-COMEDIE

Reçoy donc appaisée, en satisfaction, Le mémorable effet d'vne belle action,

93 Tu ne sçaurois, qu'inique, exiger dauantage, Puis qu'entre nos moitiez vn destin se partage, Que mon crime se va lauer dedans le sang,

96 Par ma dextre coupable épuisé de ce flanc.

TEOPHANE.

Au secours Citoyens, l'homicide se tuë, Et ne puis l'empêcher quoy que ie m'éuertuë, 99 0 renfort de malheurs, ô grande cruauté, Mais exemple plutôt de rare loyauté. Veuf, le chetif ne veut suruiure sa maîtresse, 2 Que malgré les effors d'vne embûche traîtresse, Il retrouue passée aux chams Elysiens, Où les esprits heureux ne manquent d'aucuns biens, 5 Où semblable destin d'or'enauant m'appelle. Car pourquoy plus languir en sa prison mortelle, Car pourquoy vers mon sang moindre d'affection, 8 Remourir en viuant comblé d'affliction:

Tu n'as que trop vécu, que trop repeu l'enuie Des astres ennemis qui prolongent ta vie, 11 Trouue, trouue vn repos au nocturne séjour, Qui te fuit désormais en respirant le iour, Sus, franchy courageux. [223]

CHOEVR.

Demeure impitoyable, 14 N'adioûte aux precedens ce spectacle effroyable, Reserue à ton pays le surplus de tes iours, Pour son vtilité trop accourcis tousiours, 17 Ton oracle autresfois nous apprit que le sage Ne doit précipiter ce funèbre passage.

Que quiconque, inhumain, s'accelere la mort, 20 Se confesse vaincu des iniures du sort:

Cédons a ce destin qui gouuerne le monde, Dessous qui l'vniuers meut en- cause seconde, 23 Et allons préparer vn conuoy funereux

A ce beau couple rare autant que malheureux.

FEEGONDE,

OV