SCENE L

ATYS, CEPHEE, CLITIE.

ATYS

FAuorisé de la bonne fortune, le te rencontre à vne heure opportune, 3 Pour diuertir, fidelle conseiller.

L'erreur qui fait ta raison sommeiller, [481]

T'amuse après vne ombre deceptiue, 6 Qu'oncques, croy moy, tu n'atteindras fuitiue: Se mesurer à l'aune du pouuoir.

Se contenir es bornes du deuoir, 9 Ne présumer, enflé de vaine gloire, Plus que sa force, & ne s'en faire croire, Sont des vertus dignes à l'auenir, 12 De s'imprimer dedans ton souuenir.

CEPHEE.

Appren de moy que ce monstre d'enuie.

Charme des yeux & fléau de la vie, 15 Nous rend le clair obscur, le grand petit. Bref ne nous traitte onc a nôtre appétit: Tu es Atys de sa langueur malade, 18 Mes deft'auts tels luy seul te persuade. Aucun iamais ne s'en est plaint que toy. Partant aussi ie n'y mets point de foy.

ATYS

21 le ne suis pas croyable?

CEPHEE.

En ta querelle.