SCÈNE XIII

CAMILLE, sei'L

J'ay bien joué mon personnage, j'ay fait d'une pierre deux coups : par un mesme moyen, j'ay donné un bon conseil au sieur Augustin, et à moy la commodité de voir à mon aise ma nouvelle maistresse, et de luy découvrir ce que j'ay sur le cœur. J'ay laissé madame Angélique et le seigneur Augustin avec Loys, son serviteur, et la chambrière Beta, en un jardin le plus propre pour eux qu'il est possible. Je m'en suis deffait doucement, faignant d'avoir affaire, et suis seur que je leur ay faict plaisir, au moins à Angélique, combien qu'elle n'en face semblant, et à moy encores davantage, pour ce que l'occasion cependant s'offre à moy de me faire voir la royne de mon cœur, madamoiselle Virginie, qui est demeurée seule au logis avec une jeune servante. Je m'y en iray comme estant envoyé par Angélique, et meneray quelques uns de mes compagnons, qui demeureront à la porte, à toutes adventures, pour y faire le guet, et m'asseurer des indiscrétions de Dieghos, qui pourroit bien retourner leans, cuidant qu'.Vngelique y fust, et seront advertis de luy donner quelque effroy à l'improviste et luy faire quelque alfront, afin qu'il rebrousse chemin et ne m'empesche point. Quant à la chambrière, luy garnissant la main, je luy donneray queUiue commission icy près seulement pour aller et venir pour les affaires d'Angélique, et mes compagnons, au retour, auront le soing de l'entretenir de parolles, la muguetteret l'amuser à la porte, alint|uej'aye plus de liberté de parler à ma toute belle Virginie. J'ay tousjoui-s ouy dire que qui a le teins à propos et le laisse perdre, tard ou jamais le recouvre : l'occasion est chauve par derrière. De moy, je suis tout résolu de faire, si je puis, un beau coup de ma main, vueille ou non, à mes périls et fortunes. Advienne de moy ce que le destin en a résolu! j'en suis là déterminé. Aussi bien m'est-il impossible de vivre si je ne donne allégeance à ceste flamme véhémente, à ce Monlgibel ' qui me