SCÈNE III

AUGUSTIN , seul.

Je ne puis entendre quel humeur, quelle fantaisie a pris le seigneur Camille si promptcnient d'user de telle \ioience, et m'esbahis comme il l'a aimée si soudain si epcrduement, et, s'il faut dire ainsi, avec telle rage et furie, et comment il n'a eu plus de commandement sur soy-mesmc. Je n'en ay point de coulpe', et crains d'en souffrir la peni tance et d'en porter la paste au four : car madame est dolante ce que femme peut estre, et plus qu'elle ne monstre ; mais elle couvre tant qu'elle peut sa douleur pour ne me donner opin Ion qu'elle ave mal-contentement contre moy ; si est-ce que la playe soignera tousjours jusques à ce que l'appareil y soit donné, etbuasme-on communément ccluy qui en est la cause, comme je suis, encore que je n'en sois consentant. Fortune m'est bien contraire! Le plus grand plaisir que j'euz oncques en son commencement et sa fin m'a donné trop d'ennuy ce matin ; j'ay eu deffiance et jalousie, et à présent un extrême desplaisir. Je fai?ois mon conte de m'aider du seigneur Camille pour la conduite de mes amours, et c'est luy qui les met en hazard et danger evidant. Il faut bien que je pense à y donner oïdie, tant pour l'amour de madamoiselle Virginie, qui mérite beaucoup à cause de sa vertu et beauté singulière, qu'aussi pour moymesmej autrement, mon afiaire est en grand bransle. Je m'en vois chercher le seigneur Camille.