LA VIE M°*S. FIACRE

Qu'offrande vous aporterar, Et vostre feste garderay Dévostement chascune année Tant com pourray avoir durée, Je me repent de ma foleur :

Alégée de ma douleur M'a saint Fiacre grandement ; Je le doy louer bonnement

Et mercier.

LA FAME qui prie son mary.

Monseigneur, je vous vuel prier Que je voise, mais qui vous plaise, A saint Fiacre ; grant mésaise De son mal! en mon corps endure, Je pensse se d'entente pure Le requier que seray garie.

Lonc temps a que je sui saisie, J'en suis certaine.

LE MARY

Or, vous souffrez en pute estrainne * :

En saint Fiacre ne me fie Ne qu’en une chienne enragie, De moy n'est amé ne prisié.

S'il avoit 1 godet brisié, En paradis banis en l'eure En seroit fol *: fol qui l’onneurc.

I n’est requis que de mardaille, Et à la fin sachiez sans faille Mie n'irez.

LA FAMEe

Si vous plaist autrement direz,

Monseigneur; fol est qui desprise

Des sains que le roy des roys prise Par son vouloir.

LF MARY,

Le cuer me prent fort à doloir;

Il me venra grief et doumache *,

Il m'est avis que en m’esrache

Le cucr; ne sçay que devenir,

La male mort me puist tenir Hastivement.

LA FAME

Sire, parlez plus sagement

Et nc vous désespérez mie :

Le saint vous fera courtoisie Se le priez.

LE MARY

J'iray, sanz estre détriez,

Moy et vous en portant offrende

Au saint; n'ay mez douleur si grande Ne tel contraire.

4. « Son mal », c’est à-dire « le mal saint Fiacre », comme on disait, étaient les hémorruides. C'est celui qu’ou souhaitait le plus volontiers à ceux qu'on n'aimait pas : € le mal saint Fiacre Ia puisse prendre, ou la pui:se faire trotter », était une imprécatiun proverbiale très en usage. V. Fleury de Bellingen, Ætymol, des Prov. françois, 1618, in-8, p. 317.