Pusilivement, expressément

MESTIER ET MARCHANDISE

Mais qui vous a ainsy brouillé?

Qui vous habille? qui vous change?

Qui vous faict estre ainsy estrange ?

Avés vous vales diligens ?

LE TEMPS

Ce sont les Gens.

MESTIER

Les Gens?

LE TEMPS

Les Gens.

MARCHANDISE

Les Gens; et quelz Gens pouroist ce estre?

Le Temps, donnés nous a congnoistre Qui vous peult changer en ce poinct?

LE TEMPS

Les Gens, dict on; croyes vous poinct?

Ilz en font a leurs apétis.

LE BERGER

Et sont ce Gens grans ou petis ? . Sy vous plaist, vous nous le dirés.

La foy de mon corps, vous sarés Quelz Gens ce sont, et de quel sorte, Qu'’ilz ont la puisance sy forte De faire le Temps tel qu’il est.

| MESTIER

Nous le voulons, puys qu'il vous plaist, Au danger d’estre regauldisi,

Le Temps s'en va querir un personnage qui est vestu d’une mante, et daibt avoir un faulx visage par deriere la teste, et duibt aler à re-

culons.

LE TEMPS

Voyeci les Gens que je vous dis; Venés parler a eulx, venés.

Estes vous bien sos estourdis ?

Voyeci les Gens que je vous dis.

MESTIER

Createur, Dieu de paradis, Qu'’esse que vous nous amenés?

LE TEMPS

Voyeci les Gens que je vous dis, Venés parler a eulx, venés.

MARCHANDISE, Quelz grans oreilles!

MESTIER

Et quelz nés!

| LE BERGER, Et quelz yeulx!

Quel bouche!

4, Juués, moqués,

LE BERGER

Quel manyere!

LE TEMPS

Regardés devant et deriere, Et me dictes que vous en semble.

MESTIER

Par la foy de mon cors, je tremble De voir telz Gens.

MARCHANDISE

Voecy merveilles.

LE TEMPS

Congnoisés qu’ilz ont grans oreilles,

[1z ont beaux yeulx et ne voyent goulte ;

Et sy ne faictes quelque doubte

Qu'ilz ont condition saulvage,

Ilz vous montrent leur faulx visage,

Car ilz parlent mal en deriere;

Et pour en scavoir la manyere,

Parlés, Gens.

LES GENS entrent, en parlant estrangement.

Qui sterna, ha, la,

Fari planga, hardet, stella,

My hard, fol, berty, hardit.

Pendu soyt il qui scayt qu'il dict, Quant de ma part.

MARCHANDISE

Ny moy non plus.