Faisant l’aumdne, donnant au lieu de prendre

Se tiennent les premiers aux armes Quant on va crier aux assaulx ; Ainsi serons-nous gens nouveaulx.

Faisons qu’il n'y ait nulz sergeans !

Par la ville ne par les champs,

S'ilz ne sont justes et loyaulx ;

Ainsi serons-nous gens nouveaux.

LE TIERS

Faisons que tous ces chicaneurs, Ces prometteurs, ces procureurs, Ne seignent plus memoriaulx ? ; Ainsi serons-nous gens nouveaulx.

LE PREMIER

Faisons que curez et vicaires

Se tiennent en leurs presbytaires Sans avoir garces ne chevaulx ; Ainsi serons-nous gens nouveaulx.

LE SECOND

Or faisons tant que ces gras moines, Ces gros prieurs et ces chanoines, Ne mangeussent plus gras morceaulx; Ainsi serons-nous gens nouveaulx.

LE TIERS

Faisons que tous les medecins Parviennent tousjours en leurs fins Et qu’ilz guerissent de tous maulx ; Ainsi serons-nous gens nouveaux.

LE PREMIER NOUYEAU,

Cheminons par mons et par vaulx En pourchassant * nostre aventure.

C'est droict, c’est le cours de nature ; Nostre cours dure maintenant; Les anciens ont faict devant Leurs jours, il faut les nostres faire.

Gens nouveaulx ne se doivent taire ; Car nous avons des anciens Par succession tous leurs biens Quelque part qu’ilz soient vertiz *.

LE SECOND

Pourquoy ne sont-ilz bien partis °?

I1z en avoient tant, mère dieux!

LE TIERS

Iz sont cachez en trop de lieux, Voyre qu’on ne sçait où ilz sont.

LE PREMIER

Massons qui vielles maisons font En trouvent souvent à pleins potzt; Mais, quant à nous, nescio vos.