S'il était ainsi

CUIDER

On l’appelle Plaisant Follie.

Regardez ung pou sa fasson.

BRUYT

Et cest vray, bon gré en ait ont, Cest ma garse, cest ma mignonne.

Or cza, ma toute belle et bonne, Vous scavez assez qu'il nous fault.

CUIDER

Je luy ay ja dit autant vault :

Chose est de légier * à scavoir.

BRUYT

Il nous fault de la glux avoir, Et nous serons prè maintenant.

PLAISANT FOLLIE

Mais gardés qui soit bien tenant?, CUIDER.

Si bien tenant, que s’il y passe, Verdier ne aultres oyseaulx de chasse, Hardiement que partir n’en peut.

Dis tu ?

CUIDER

Demandez vous s’il pleust ?

Si vient Verdier ne Roge gorge, Dicte hardiement qu’el ne se bouge *; Car s’il fiert la plume en la gluz, Et vit auxi cler comme Argus Qui avoyt cent yeulx entour soy, Il ne fuit.

BRUYT

Mais de quoy, de quoy La glux qui fait nostre fait Est-il fait ?

CUIDER

De quoy il est fait?

Ïl y a auxi grand mistere À trouver ses propres estophes Que la perre des philosophes®, Qui fait bien muser les musars.

PLAISANT FOLLIE

Je les ay faitz de mes regars Tirés de la clique de l’eull 7,

Au chapperon de Bel Acueillt, En les tendant de frans gluons *