LE PREMIER JUIF DE DAMAS

Qui est ce fol qui là parole 1?

Es-ce ore histoire ou parabole Dont il va ainssy sermonnant?

LE SECOND

Sachiez c’est 1 fol christicole?, Qui a prins leçon à l’escole Dont il va ainssy gergonnant®.

LE TIERS

Sire, la char de moy soit arsse Se ce n'est Saulotin de Tarsse Qui est yssu hors de son sens Ou il est espoir enchanté;

Car il s’estoit trop fort vanté De tourmenter les crestiens.

LE PREMIER

Hé, le grant Dieu! ce crucifix Met le père contre le filz

Et la mère contre la fille,

Il nous destruit, il nous essille*, Il pert, il confont nostre loy.

Ne.metton la chose en délay.

S'en lesse croistre le meschief, Nous ne porrons venir à chief.

Il est homme de grant courage; Puisqu'il commence il fera rage :

Alons le monstrer au prévost.